1 Korintus 15:53 - Muna Southern Dialect

⁵³ Hampano mbadha binasa tetewei natibhalii ne tapa binasaꞌano; mbadha momate tetewei natibhalii ne tapa momateꞌano.

1 Korintus 15:53 Iomraidhean Croise

Roma 1:23

Nesombaindo suanomo Lahataꞌala kumalabhiano pata mosoosalino, tamaka dololianemo sabhaha patung mekatuino manusia, o kaꞌuhi lumola, o kadadi fatombaliꞌano aꞌe tawa o kadadi sumolano ne wite.

Roma 2:7

Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

Galatia 3:27

Ingka kosasawimiu padamo dokadiu saranikoomu weo neano Kristus, dadiꞌanomo fokanamoomu Kristus ne ulumiu tapedamo pakea buꞌou ⸤ maꞌanano membaliomu peda wutono Kristus⸥ .

Efesus 4:24

Dadiꞌoomu toha peda manusia buꞌou nefokonandoono Lahataꞌala peda katuno Wutono, maꞌanano manusia kotu-kotuꞌu banarano, kotu-kotuꞌu mongkilono.

1 Yohanes 3:2

Bhahitieꞌiku timoasiꞌaono! Aitu intaodiomu ini anaꞌino Lahataꞌala, tamaka nada amai wutonto ini mada kaowu, miinaꞌo dafofohatoanea. Ampamo kaowu dopandeꞌaaneomu nahumato Kristus namotiwoha toha Wutono, dapototomoomu bhe Anoa, kapaꞌamo ne naꞌa damohaomu wutono Kristus peda katuno sakotu-kotuꞌuno.