1 Korintus 15:3 - Muna Southern Dialect

³ Fofoliuꞌano kafaraluu padamo afohatoangkoeꞌomu, pedamo dua netahimaku wutoku, putae Kristus padamo nomateꞌao dhosantoomu, noposahataa bhe wambano Kitabi.

1 Korintus 15:3 Iomraidhean Croise

Matius 26:24

Daanumo Anano Manusia - Idimo ini - tetewei namate peda tibuhino weo Kitabino anabii. Tamaka nobalaamo mie so mowano Anano Manusia ne limando kaewa. Mie anaꞌa netaamo koemo nolentea.”

Matius 26:28

Heakumo inia. Heaku ini damotuhue so mie bhahi, somo mekatangkano podhandino Lahataꞌala bhe manusia, somo dua katiꞌamponiꞌano dhosando.

Lukas 24:25

Nopugaumo Yesus ambano, “Kabhohemiu gahaꞌa, kahenteno totono lalomiu, sampe miina marasaeaꞌomu sabhaha nekosuahaꞌaondo ana-anabii!

Yohanes 1:29

Nomentae Yohanes nowohamo Yesus nomaiꞌie. Nopugaumo ambano, “Ondoeꞌomu Anano Dhumbano Lahataꞌala, tumolosino dhosano dhunia.

Tula-tulando rasulu 17:2

Peda kaneano Paulus nopesuamo weo lambu kasambaheaꞌa naꞌa. Nopotulu-tulu tolu oleono Sabat, Paulus nopololi fekihi bhe andoa, dopuga-pugauꞌao aeatino Kitabi.

Tula-tulando rasulu 3:18

Ampamo kaowu pedamo anaꞌa Lahataꞌala nofekakoꞌula nekobhoasaꞌaono endefiꞌini. Bhoasaono naꞌa nofosampeandae ana-anabii, putae Mesias Omputo Fosalamatino maitu tetewei nakumadee-dee.

Tula-tulando rasulu 8:32

Aeatino Kitabi nebasano naꞌa peda aini, “Pedamo seꞌulu dhumba doowae se kaesumbeleꞌa kadadi; kabeanga anano dhumba miina nakodiu ne wisendo mie kumuhuno wuluno, pedamo anaꞌa anoa miina nakosuahaꞌa.

Roma 3:25

Lahataꞌala padamo nofotantue putae Yesus nembali kapopanga mosalino amahano Lahataꞌala, noangka ne tuhuno heano. Kapometaa naꞌa datumahimae ane damarasaea ne Yesus. Aini nohabue Lahataꞌala so notiwohaꞌao kaꞌadhilino, kapaꞌamo padamo nosabahakie sabhaha dhosando manusia endefiꞌini, patamo katihukumuꞌando.

Roma 4:25

Anoamo mada neowa ne limando fopongkono dhohono dhosantoomu, tamaka padamo dua nofowanue Lahataꞌala maiꞌao ne mate so naembaliꞌao dasumuli dapometaa bhe Lahataꞌala.

1 Korintus 11:2

Apudhikoomu, kapaꞌamo sadhia feꞌulai kanauꞌomu bhe sadhia fintahakieꞌomu kafoinaꞌu nefosampeku.

1 Korintus 11:23

Kapaꞌamo nefosampeku ini atahimae ne wutono Ompu. Ne alono Ompu Yesus doowae ne limando kaewa, nealamo roti.

2 Korintus 5:21

Kristus tapa mehabuno dhosa, padamo nofoseꞌisee Lahataꞌala bhe manusia kodhosa, neanomo weo kaseꞌisentoomu bhe Kristus nafotahima Lahataꞌala peda mie banara.

Galatia 1:12

Kapaꞌamo Bhihita aini miina atumahimae ne manusia, suano dua manusia moguhu kanaꞌe, tamaka iꞌino Bhihita Metaa ini atahimae ne wutono Yesus Kristus. Anoamo motiumba kanaꞌe.

Galatia 1:4

Yesus Kristus nofotawakala wutono sampe dopongkoe mbali katolosino dhosantoomu, so namolapaꞌao intaodiomu maiꞌao ne dhamani modai ini. Habuno Kristus ini noangkafi kapoindalono Lahataꞌala Amantoomu.

Galatia 3:13

Tamaka Kristus padamo nofobebasi kaitaomu maiꞌao ne balaano tubhono agama Yahudi, kapaꞌamo notibuhi weo Kitabi, “Nobalaamo mie nekantai te sau salipu.” Dadiꞌanomo Anoamo tumanggoino balaa so intaodiomu.

Efesus 1:7

Hampano tuhuno heano Kristus bhe kaseꞌisentoomu bhe Anoa, Lahataꞌala nofobebasi kaitamo, maꞌanano noꞌamponiemo dhosantoomu, noposahataa bhe kabhalano rahamatino.

Efesus 5:2

Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.

Ibrani 5:1

Seemie Imamu Bhalano sadhia dopilie maiꞌao ne manusia, maka dosangkee so meompuno ne Lahataꞌala nowakiliꞌao manusia bhaino. O takano nefoampe kawaꞌao bhe kapopanga nesumbele ne Lahataꞌala so katiꞌamponiꞌano dhosa.

Ibrani 5:3

Kanandooꞌanomo tetewei naefoampe kapopanga ne Lahataꞌala so katiꞌamponiꞌano dhosa, suano kaowu dhosando umati bhahino tamaka dhosano wutono dua.

1 Petrus 1:11

Kapaꞌamo Rohino Kristus meateno weo totono lalondo, nofohatoda wawo putae Kristus naenamisi kakadee-dee bhe mada anaꞌa naetahima kakalabhia. Dadiꞌanomo doꞌondofie mpuu laꞌae bhahaa Kristus maitu bhe naefie nakumadhadhia toka nekosuahaꞌaondo naꞌa.

1 Petrus 2:24

Mbadhano wutono Kristus notongkue bhahi-bhahiꞌae dhosantoomu, sampe dokantaiꞌe te sau salipu. Patudhuno neanomo intaodiomu dabebasiomu maiꞌao ne kuasano dhosa bhe dadintoomu naposahataa bhe kapoindalono Lahataꞌala. Ingka kakowembe-wembenomo mbadhano Kristus mekaꞌuhikoomu.

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

1 Yohanes 2:2

Kristus nembalimo kapopanga pometaaꞌaono manusia bhe Lahataꞌala, mosalinomo dhosantoomu. Bhahamoa suano kaowu dhosantoomu, tamaka dhosando manusia kosedhuniaꞌae ini.

Powoha 1:5

bhe nomaiꞌao dua ne Yesus Kristus, sakusii tiparasaeano, kabhao-bhaono manuno maiꞌao ne mate bhe kokuasano ne sabhaha omputo ne dhunia ini. Yesusmo ini moasi kaitaomu bhe noangka ne tuhuno heano padamo nofolapa kaita maiꞌao ne dhosa.