1 Korintus 15:2 - Muna Southern Dialect

² Noangka ne Bhihita Metaa aini dofosalamatikoomu, sumanomo fekatangka fintahakieꞌomu, peda toka nefosampeku. Ane paise, ingka nosia-siamo kaparasaeamiua.

1 Korintus 15:2 Iomraidhean Croise

Lukas 8:13

Mondawuꞌano ne kamoꞌali, maꞌanano mie metingkeno bhoasaono Lahataꞌala naꞌa, lasao dotahimae bhe doꞌiaꞌane, tamaka miina nakopahakaa weo totono lalondo. Doparasaea sebantaha kaowu, sadeꞌawa kasabha dohunsa kaparasaeando kosowo-sowondo.

Tula-tulando rasulu 2:47

Sadhia dua dopudhi Lahataꞌala bhe doasianda sabhaha mie. Seꞌo-seꞌoleo Ompu nofodhulu kabhahindo mie nefosalamati.

Tula-tulando rasulu 8:13

Mahingga wutono Simon noparasaea dua. Pada dokadiuꞌe sadhia nopoangkafi bhe Filipus. Nopuli dua menteno nowoha tanda-tanda tapa mentela bhe giu timenteꞌaono nehabuno Filipus.

Roma 1:16

Miina aoambanoanea Bhihita Metaa, hampano aini o kuasanomo Lahataꞌala mosalamatino sabhaha mie marasaeano, kabhao-bhaono miendo Yahudi maka bansano liwu sigaoꞌano dua.

Roma 11:22

Ne ini dowohaemoomu kataano bhe kaꞌosano lalono Lahataꞌala. Lahataꞌala noꞌosa lalono ne mie mondawuno ⸤ maꞌanano pata marasaeano⸥ , tamaka netaa mpuu lalono ne hintimiu, sumanomo sadaa-daa dadiomu weo kataano lalono. Ane paise tetewei nalumobhikoomu dua.

1 Korintus 1:18

Mbali mie so binasano, bhihitano mateno Kristus te sau salipu daanumo dokonae bhohe, tamaka so intaodiomu nefosalamati bhihita amaitu katiwohaꞌanomo kuasano Lahataꞌala.

1 Korintus 1:21

Hampano kapandeno Lahataꞌala, nofotantuemo putae manusia miina naembalia namandeꞌao Lahataꞌala nomaiꞌao ne kapandeno wutono. Tamaka Lahataꞌala nokopatudhu namosalamati mie marasaeano noangka ne bhihita nefolele mani, gahaꞌaitumo bhihitamo aini nekonando dhunia sanea bhohe.

1 Korintus 11:2

Apudhikoomu, kapaꞌamo sadhia feꞌulai kanauꞌomu bhe sadhia fintahakieꞌomu kafoinaꞌu nefosampeku.

1 Korintus 15:14

Tamaka ane ibahano Kristus pae namanu maiꞌao ne mate, ingka nosia-sia bhihita nefolele mani, nosia-sia dua kaparasaeamiu.

2 Korintus 2:15

Kapaꞌamo insaodi ini tapedamo wonono dupa netununo Kristus so Lahataꞌala, ne olotando mie nefosalamati bhe ne olotando mie so binasano.

2 Korintus 6:1

Peda mie kumahadhaano bhe Lahataꞌala, taesalo mpuu koise fosia-siaꞌeomua rahamatino Lahataꞌala toka netahimamiu.

Galatia 3:4

Nosia-sia bhahaa sabhaha kadhadhia madano netompaloimiu? Koasimo dua nosia-sia!

Efesus 2:8

Katifosalamatiꞌamiu hampano rahamatino Lahataꞌala, noangka ne kaparasaeamiu ne Kristus. O kasalamati maitu suano hasilino kahadhaano wutomiu, tamaka kotu-kotuꞌu katohaino Lahataꞌala.

Kolose 1:23

Tamaka tabeano mpuu-mpuunieꞌomu kaparasaeamiu, fekamatangkae kofindamiu. Koise nomagoeaꞌa, koise dua nogampi posahunaꞌao neꞌawamiu wakutuuno fetingkeomu Bhihita Metaa. Bhihita Metaa ainimo nefolele ne sabhaha manusia we towawano lani ini. Idimo dua ini, Paulus, katudu mefoleleno Bhihita Metaa naꞌa.

2 Tesalonika 2:15

Dadiꞌanomo bhahitieꞌi, fekatangka koehemiu, fintaha kansuhu ne kafoinaꞌu netahimamiu ne insaodi, naetaa weo pugau mani naetaa weo suha mani.

2 Timotius 1:9

Anoamo mosalamati kaita, Anoamo dua bhasi kaita so dadumadi mongkiloꞌao. Katifosalamatiꞌantoomu suano mbaꞌinomo habu metaantoomu, tamaka nengkoha ne patudhu bhe rahamatino Wutono. Rahamati aini nowaꞌa kaitae noangka ne Kristus Yesus, mpini miinaꞌo natifokonandoo dhunia.

Ibrani 10:23

Fintaha motangka kaitaomu ne kaposahunaꞌao neꞌakuintoomu, kapaꞌamo Lahataꞌala notiparasaea, tetewei namekoꞌulae dhandino.

Ibrani 2:1

Dadiꞌanomo intaodiomu tabeano sedhuluꞌa damintahakie kafoinaꞌu toka nefetingkentoomu, bhahasaa nowowoꞌo kaita solo.

Ibrani 3:14

Kapaꞌamo intaodiomu ini dembalimo posabhangkaꞌano Kristus, sumanomo ampa kapuliaono namatangka fintahantoomu ne kaparasaea mpini kabhao-bhaono.

Ibrani 3:6

Tamaka Kristus notuhu lalono peda Anano Lahataꞌala mandeꞌaono polambuno Amano. Polambuno Lahataꞌala ingka intaodiomu ini, sumanomo sadaa-daa pae dakamihi-mihia bhe damintahaki mpuu kaposahunaꞌao bhe so neꞌawantoomu, kaowoseꞌanomo bhakentoomu.

Ibrani 4:14

Kanandooꞌanomo tetewei damintahakieꞌomu mpuu kaparasaea neꞌakuintoomu, kapaꞌamo bhe imamuntoomu, Imamu Bhalano kumalabhiano toka mangkano surugaa ampa te wiseno Lahataꞌala. Anoamo itu ingka Yesus, Anano Lahataꞌala.

Yakobus 2:14

Bhahitieꞌiku, o ae fahalaano seemie napugau, “Idi ini mie marasaeano,” gahaꞌaitumo miina nadhumalangie weo habuno? Nasumalamatiane bhahaa kaparasaea medando naꞌa?

Yakobus 2:17

Pedamo dua anaꞌa o kaparasaea, ane pae damotiwohae weo habunto, ingka miina nakofahalaaꞌa. Naembali dakumonae nomatemo kaparasaea anaꞌa.

Yakobus 2:26

Ane o mbadha miinamo nakoinawa, ingka nomatemo. Pedamo dua aitu o kaparasaea, ane miina naseowaꞌa bhe habu, ingka nomatemo.