1 Korintus 15:19 - Muna Southern Dialect

¹⁹ Ane kaposahunaꞌaontoomu ne Kristus so kaowu dadintoomu te dhunia ini, maka nofoliu kadaino kolauntoomu bhe sabhaha manusia.

1 Korintus 15:19 Iomraidhean Croise

Matius 24:9

Humato anaꞌa dahumakokoomu, maka damowakoomu ne limando mie so modee-deekoomu maka damongkokoomu. Kosasawindo bansano liwu dabansikoomu mbaꞌinomo membaliomu anaguhuꞌiku.

Lukas 21:34

“Dhagani wutomiu, bhahasaa totono lalomiu notahusuꞌao fekihiꞌano kahame bhe foho-fohoꞌu bhe kafaraluuno dhunia. Kapaꞌamo ane nada anaꞌa Oleono Ompu nakumahatokoomu kabeanga kabhahinta.

Lukas 8:14

Mondawuꞌano weo kahoku kokihi maꞌanano mie metingkeno bhoasaono Lahataꞌala tamaka nobhahi dofekihi so kadadiꞌando, so kahangkaeando bhe so kambakano namisindo. Kosasawiꞌae naꞌa nopesua weo totono lalondo maka noꞌontiꞌi bhoasaono Lahataꞌala sampe miina nakohasilia.

Yohanes 16:2

Hintimiu daꞌumeleꞌaangkoomu mesuaꞌomu lambu kasambaheaꞌa. Tadua nahumato tempono sasuka mie mongkokoomu kunaꞌendomo dofeompu ne Lahataꞌala.

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Tula-tulando rasulu 14:22

Ne itu dofekatangka lalondo mangkafino Yesus, dotangahida nakumampuu-mpuu lalondo weo kaparasaeando ne Yesus. Dofohatoda dua tetewei nabhahi daeꞌawa kasabha so damesuaꞌao weo Kafopahintaꞌano Lahataꞌala.

1 Tesalonika 1:3

Kapaꞌamo miina bhe katiehea, tafeꞌulai kahadhaa maiꞌaono ne kaparasaeamiu, kawulemiu fotiwohaomu kanini kaasimiu bhe tafeꞌulai dua sabahamiu potaamiomu weo posahunaꞌaomiu ne Ompuntoomu Yesus Kristus.

2 Timotius 1:12

Kanandooꞌanomo aeꞌawa sabhaha kakadee-dee ini, tamaka miina aoambanoanea, mbaꞌinomo apandeꞌaane o laꞌae neparasaeaku. Apandeꞌaane mpuu Anoa nokokuasa nadhumagani neposahunaꞌaono ne idi ampa ne oleo kahatoꞌano Ompu.

2 Timotius 2:4

Seemie tantara tangasano nodhalangi takano, ingka miina natiteeꞌanea kahadhaano sigaoꞌano, kapaꞌamo patudhuno namekaꞌia lalono neangkano.

2 Timotius 3:12

Ingka daanumo kosasawindo mie dumadi lumebeno weo kaseꞌise bhe Kristus Yesus tetewei damodee-deeda.

1 Petrus 1:21

Noangka ne Kristus hintimiu parasaeaꞌomu ne Lahataꞌala, modadino Kristus maiꞌao ne mate maka nofekakalabhiaꞌe. Dadiꞌanomo kaparasaea bhe posahunaꞌaomiu senaꞌa-naꞌa ne Lahataꞌala.

Powoha 14:13

Afetingkemo dua suaha nomaiꞌao te surugaa ambano, “Buhie! Dokodawua mpuu mie mateno seꞌiseno bhe Ompu notanda ampa aitu.” Ambano Rohino Lahataꞌala, “Uumbe daanumo. Andoa damewuleꞌao kahadhaa moꞌosando, hampano sabhaha podiu metaa naposabhangkaanda.”