1 Korintus 15:13 - Muna Southern Dialect

¹³ Ane ibahano pae bhe kawanuꞌando mie mate, tantumo Kristus pae dua namanu maiꞌao ne mate.

1 Korintus 15:13 Iomraidhean Croise

Tula-tulando rasulu 23:8

Kapaꞌamo ambado miendo Saduki, miina bhe kawanuꞌando mie mate, miina dua bhe malaꞌekati tawa o rohi, tamaka miendo Farisi doparasaea kosasawiꞌae naꞌa sanea nonandoo.

Roma 8:11

Ane Rohino Lahataꞌala madano mowanuno Yesus maiꞌao ne mate neate weo totono lalomiu, maka Anoa mowanuno Kristus Yesus maiꞌao ne mate naꞌa, teteweimo dua namodadi mbadha kasaramiu itu, namangka ne Rohino meateno weo totono lalomiu.

Roma 8:23

Suano kaowu taꞌalamu bhalano, intaodiomu dua ini dombaꞌuhu weo totono lalontoomu. Ingka padamo dotahimaomu Rohino Lahataꞌala. Rohimo aini kawaꞌao kabhao-bhaono maiꞌao ne Lahataꞌala, tamaka nandoo dua dofenta-fentaa Lahataꞌala nasumangke kaita daembali anaꞌino bhe namobebasi mbadhantoomu.

1 Korintus 15:12

Ane taefebhihitaiꞌao putae Kristus dofowanue maiꞌao ne mate, nada amai bhahaa nandoo dua ne olotamiu itu mugauno putae miina bhe kawanuꞌando mie mate?

1 Korintus 15:14

Tamaka ane ibahano Kristus pae namanu maiꞌao ne mate, ingka nosia-sia bhihita nefolele mani, nosia-sia dua kaparasaeamiu.

1 Korintus 15:20

Tamaka kumotuꞌuꞌano peda ini, Kristus padamo dofowanue maiꞌao ne mate, mbalimo titiisando mie mate so sumuli dumadino.

1 Tesalonika 4:14

Ingka doparasaeaꞌomu Yesus nomate maka suli nodadi. Dadiꞌanomo doparasaeaꞌomu dua, ⸤ humato nasumuli Yesus⸥ Lahataꞌala nawowoꞌoda kosasawindo mie mate marasaeano ne Yesus dapoowa-owa bhe Anoa.

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Ibrani 13:20

Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.

Ibrani 2:14

Anaꞌi nepulaoꞌaono maitu saneamo manusia kombadha kasarano, maka Yesus nopototoꞌao wutono bhe andoa, nodadi peda seemie manusia. Kahabuꞌano peda anaꞌa, neanomo noangka ne mateno, Yesus nofobinasamo mintahano kuasano mate, o Kafeompuꞌano seetani.

1 Petrus 1:3

Pudhi kaitaomu Lahataꞌala Amano Yesus Kristus Ompuntoomu, kapaꞌamo nofowaꞌaomo dadi buꞌou hampano kabhalano rahamatino. Anoa padamo nofowanu Yesus Kristus maiꞌao ne mate, kaeꞌawaꞌantomoomu dadi buꞌou bhe posahunaꞌao motangka so oleo mbuhumai.

Powoha 1:18

Idimo dumadino, padamo amate, tamaka ondo kanau itu, ingka adadimo ampa suhue dhamani. Idimo mintahano kunsino mate bhe dhuniano mate.