1 Korintus 14:3 - Muna Southern Dialect

³ Tamaka laꞌae kosuahano peda anabii, nopugau ne manusia, nofofekamatangka kaparasaea, nofotangahi, bhe nofolawesi lalo.

1 Korintus 14:3 Iomraidhean Croise

Lukas 3:18

Nobhahi dua katangahi sigaoꞌano nepakeno Yohanes nefolele Bhihita Metaa ne mie bhahi.

Tula-tulando rasulu 13:15

Pada dobasa Kitabino Musa bhe Kitabindo ana-anabii, mie mandeꞌaono lambu kasambaheaꞌa dotudumo mie dameena ne Paulus bhe sabhangkaꞌino. Ambado, “Bhahitieꞌi, ane bhe kafoinaꞌu so kalawesino lalondo umati naembalimo damosampeea.”

Tula-tulando rasulu 14:22

Ne itu dofekatangka lalondo mangkafino Yesus, dotangahida nakumampuu-mpuu lalondo weo kaparasaeando ne Yesus. Dofohatoda dua tetewei nabhahi daeꞌawa kasabha so damesuaꞌao weo Kafopahintaꞌano Lahataꞌala.

Tula-tulando rasulu 15:32

Yudas bhe Silas dotilentu dua anabii, dadiꞌanomo nompona dofoinaꞌu bhe dofekatangka lalondo bhahitieꞌi ne itu.

Tula-tulando rasulu 4:36

Pedamo dua aitu Yusuf, seemie sampuꞌano Lewi nomaiꞌao we witeno Siprus; o rasulu dokonae dua Barnabas (maꞌanano nea anaꞌa Folawesino lalo).

Tula-tulando rasulu 9:31

Nomampona-mpona dua umati marasaeano we kadieno Yudea, Galilea bhe Samaria deate-ate weo katohopo. Umati andoa ini dhulu katangka kaparasaeando bhe dodadi weo kateꞌi ne Ompu. Weo katulumi bhe kalawesino Rohino Lahataꞌala andoa sadhulu-dhulu kabhahi.

Roma 12:8

Meꞌawano kapooli nafotangahi, naetaa nafotangahi. Meꞌawano kapooli so nadumawu-dawuꞌao kanandoono ne mie bhaino, naetaa nahumabue weo kahelasino lalo. Meꞌawano kapooli naembali neangka, naetaa naꞌumulei lalono nadhumalangie. Meꞌawano kapooli so metulumino mie weo kasabha, naetaa nadhumalangie weo kawulano lalo.

Roma 14:19

Dadiꞌanomo ulei kaitaomu lalontoomu daꞌumondofi dhalano kapometaa, bhe kofahalaaꞌano so dapofeka-fekatangkaꞌao kaparasaea.

Roma 15:2

Ondofi kaitaomu seemie-seemie so kaoꞌiaꞌano mie bhainto, so kaetaaꞌano, somo dua kafekatangkano kaparasaeano.

1 Korintus 10:23

Nandoo mugauno, manusia nobebasi nehabu o ae maka dua. Anoamo, tamaka ambaku miina kosasawiꞌae nehabundo manusia nokofahalaa. O manusia nobebasi nehabu o ae maka dua, tamaka miina kosasawiꞌae nehabundo manusia maitu naefekamatangka totono lalo.

1 Korintus 14:12

Pedamo dua hintimiu, daanumo uleiꞌeomu lalomiu meꞌawaomu kapooli nedawuꞌaono Rohino Lahataꞌala, tamaka fofoliuꞌano uleiꞌeomu lalomiu so mekamatangkaꞌaoꞌomu kaparasaeando umati.

1 Korintus 14:17

Mahinggamo sambahea katumpuno lalomu naꞌa netaa sepaliꞌa, tamaka miina namekamatangka kaparasaeano mie bhaimu.

1 Korintus 14:26

Bhahitieꞌiku! Kaowu nadamo amai? Ane pohompu-hompuomu, naetaa seemie-seemie bhe taiꞌano: nandoo so melaguno, nandoo so fofoinaꞌuno, nandoo so mefosampeno powoha maiꞌao ne Lahataꞌala, nandoo so mepakeno wambano Rohi, nandoo dua so maꞌanakino wambano Rohi naꞌa. Ampamo kaowu bhahi-bhahiꞌae naꞌa tabeano sanea so kamatangkaꞌano kaparasaeando umati.

1 Korintus 14:31

Kapaꞌamo kosasawimiu naembali kosuahaomu peda anabii posule-suleomu, neanomo kosasawimiu poguhuomu bhe namatangka kaparasaeamiua.

1 Korintus 8:1

Aitu akowambaꞌao oti kapopanga ne barahala. Nandoo mugauno, “Intaodi ini dokokapandemo.” Ampamo kaowu o kapande nofofekalangke diu, tamaka o kanini kaasi nofofekamatangka lalo.

2 Korintus 1:4

Anoamo sadhia lumawesi kainsami ne sabhaha kasabha mani, sampe insaodi nembali dua taelawesiane mie metompaloino sabhaha kasabha. Kalawesi aini tatahimae maiꞌao ne Lahataꞌala.

2 Korintus 2:7

Ampa aitu tetewei maꞌafuaneomu kaꞌalano bhe lawesieꞌomu lalono keana notondu weo kakompeahano totono lalono.

Efesus 4:29

Weo pugaumiu, koe mepakeomu wamba tampahasa, tamaka mepakeomu kaowu wamba mokesa, wamba fotaa-taano pokantibhaꞌano bhe kafaraluundo mie bhaimu. Wamba medano naꞌa naeowa kabarakati so mie metingkee.

Efesus 6:22

Ingka ainiꞌaemo patudhuno katituduꞌano te hintimiu, so mandeꞌaoꞌomu ngkoha-ngkoha mani we ini bhahi kaowu natilawesi dua lalomiu.

Kolose 4:8

Atudue we hintimiu, so mandeꞌaoꞌomu ngkoha-ngkoha mani we ini bhahi kaowu natilawesi dua lalomiu.

1 Tesalonika 2:11

Pandeꞌaaneomu podiu mani ne hintimiu seemie-seemie tapedamo seemie ama bhe anaꞌino.

1 Tesalonika 2:3

Katangahi mani ne hintimiu miina namaiꞌao ne fekihi umala, miina dua namaiꞌao ne patudhu pata mongkilo tawa so dafobhohe-bhoheꞌiꞌao.

1 Tesalonika 3:2

maka tatudu bhahitie mani Timotius namai we hintimiu. Anoa ini posabhangkaꞌa mani weo kahadhaa so Lahataꞌala taefolele Bhihita Metaano Kristus. Katituduꞌano ne hintimiu, neanomo namekatangka lalomiu bhe namodhulu kamatangkano kaparasaeamiu ne Kristus.

1 Tesalonika 4:1

Panda-pandano bhahitieꞌi, padamo tatangahikoomu nada amai dadumadi damekaꞌia lalono Lahataꞌala. Anaꞌa daanumo habuemoomu. Tamaka aitu taesalo mpuu weo neano Ompu Yesus, nasedhuluꞌa dua kakampuu-mpuuno habumiu naꞌa.

1 Tesalonika 4:18

Dadiꞌanomo pakeomu bhoasao aini so polawe-lawesiꞌaoꞌomu lalo.

2 Tesalonika 3:12

Mie medando anaꞌa taefeꞌulaianda bhe tatangahida weo neano Ompu Yesus Kristus, damotoho lalondo dakumahadhaa neanomo daomaa otindo wutondo.

1 Timotius 1:4

Fohatoda koemo dofotuhu-tuhu lalondo ne sabhaha kapu-kapuna bhe tula-tulano sampuꞌa tapa kotompano. Bhahi-bhahiꞌae naꞌa neowa kaowu potaga-tagaliꞌa, miina nafotulumi namodhulu patudhuno Lahataꞌala. Patudhuno Lahataꞌala naꞌa notipandeꞌao mpahinomo weo kaparasaea ne Anoa.

1 Timotius 4:13

Sampe ahumatoko, fotuhu-tuhue lalomu mebasa Kitabi so mie bhaimu, fowanu umatino Lahataꞌala bhe foinaꞌuda.

2 Timotius 4:2

mefebhihitaiꞌao bhoasaono Ompu, fopahataaꞌe lalomu, dametingkeko bhe paise, naetaa bhe pae naetaa wakutuuno, feꞌulaiandae kaꞌalando, foꞌalada bhe fekatangkae lalondo. Kosabaha tangahida bhe foinaꞌuda.

Titus 1:9

Anoa tetewei namintahaki kafoinaꞌu tiparasaea, peda toka nepoguhuꞌaono. Ane nada anaꞌa naembalimo nafotangahiꞌao kafoinaꞌu banara, naembalimo dua namotiwohaanda kaꞌalando mie mewangie.

Titus 2:15

Fohatoandae kosasawiꞌae wambano suha aini, tangahida bhe mefeꞌulaianda. Pakee sabhaha kuasa neꞌawamu. Koise bhe misakiko.

Titus 2:6

Pedamo dua moꞌane kahangku dadi, tangahida nada amai maka dua damewanakie totono lalondo.

Titus 2:9

Bhatua tabeano datumuhu ne kafeompuꞌando, nada amai maka dua damekaꞌia lalono kafeompuꞌando, koise dopokantobhoosianea.

Ibrani 10:25

Koe dowoowulea dopohompu-hompuomu dosambahea, peda kaneando seemie hoduano mantawano itu. Intaodiomu tabeano dapotanga-tangahiomu, bhe nasedhuluꞌa kakampuu-mpuuno lalo hampano dowohaomu oleo so kahatoꞌano Ompu dhulu kamaꞌo.

Ibrani 13:22

Bhahitieꞌiku, aesalo mpuu sabahakieꞌomu sabhaha wambano katangahi ini, kapaꞌamo suha nebuhiku ini ingka miina naewantaa.

Ibrani 3:13

Tamaka naetaa seꞌo-seꞌoleo pofeka-fekatangkaomu lalo tinangke dadiomu ne dhamani nekonando “Oleo Itu” weo Kitabi, keana bhe mekatuꞌa pongkeno ne olotamiu itu sampe nabhohe-bhoheꞌie dhosa.

1 Petrus 5:12

Abuhiangkoomu suha aini notulumi kanau Silwanus, anoa ini akonae dua seemie bhahitientoomu kumampuu-mpuuno weo kaparasaea. Suha aini miina naewantaa, patudhuku amekamatangka kaparasaeamiu bhe aefeꞌulaiangkoomu putae nebuhiku ini kotu-kotuꞌu nefosampe rahamati maiꞌao ne Lahataꞌala. Fintahakieꞌomu sepaliꞌa!

Yudas 1:20

Tamaka hintimiu, bhahitieꞌiku timoasiꞌaono, potulu-tulumiomu so nodhulu kamatangkaꞌao kaparasaeamiu ne Yesus Kristus; kaparasaeamiu itu nongkilo mpuu. Sambaheaꞌomu weo kuasano Rohino Lahataꞌala.