1 Korintus 14:26 - Muna Southern Dialect

²⁶ Bhahitieꞌiku! Kaowu nadamo amai? Ane pohompu-hompuomu, naetaa seemie-seemie bhe taiꞌano: nandoo so melaguno, nandoo so fofoinaꞌuno, nandoo so mefosampeno powoha maiꞌao ne Lahataꞌala, nandoo so mepakeno wambano Rohi, nandoo dua so maꞌanakino wambano Rohi naꞌa. Ampamo kaowu bhahi-bhahiꞌae naꞌa tabeano sanea so kamatangkaꞌano kaparasaeando umati.

1 Korintus 14:26 Iomraidhean Croise

Roma 1:13

Bhahitieꞌiku! Gaoku mandeꞌaaneomu putae nentuhumo akopatudhu amai aꞌumondokoomu, tamaka taꞌampamo aitu sadhia bhe kapaleiku. Gaoku mpuu kahadhaaku ne olotamiu itu nakohasili dua peda ne bansano liwu suano Yahudi we liwu sigaoꞌano.

Roma 12:7

Meꞌawano kapooli naꞌumondofao mie bhaindo, naetaa nafoꞌondofao. Meꞌawano kapooli nafofoguhu, naetaa nafofoguhu.

Roma 14:19

Dadiꞌanomo ulei kaitaomu lalontoomu daꞌumondofi dhalano kapometaa, bhe kofahalaaꞌano so dapofeka-fekatangkaꞌao kaparasaea.

Roma 15:2

Ondofi kaitaomu seemie-seemie so kaoꞌiaꞌano mie bhainto, so kaetaaꞌano, somo dua kafekatangkano kaparasaeano.

1 Korintus 14:15

Kaowu aeafamo? Asumambahea maiꞌao ne alusuku, tamaka asumambahea dua aepake wamba tilosangino maiꞌao ne fekihiku. Aelagu amudhi Lahataꞌala maiꞌao ne alusuku, tamaka aelagu amudhi dua Lahataꞌala aepake wamba tilosangino maiꞌao ne fekihiku.

1 Korintus 14:2

Laꞌae mepakeno wambano Rohi, miina napotula-tula bhe manusia tamaka nopugau bhe Lahataꞌala. Kapaꞌamo miina bhe manusia lumosangino maꞌanano wambano, hampano nokowambaꞌao rahasia peda nefohatoꞌaono Rohino Lahataꞌala.

1 Korintus 14:27

Ane nandoo mepakeno wambano Rohi, hunsaꞌano dahodua somo kabhahindo datotolu, daposule-sule; maka bhe naseemie dua so maꞌanakino wambado.

1 Korintus 14:40

Ampamo kaowu kosasawiꞌae ini tabeano namantasi dhalano bhe naeangkafi atora.

2 Korintus 12:19

Fenaiku nomponamo nokoduku we lalomiu insaodi tapobenteꞌao wuto mani ne wisemiu. ⸤ Ingka miina.⸥ Sabhaha pugau mani ini takowambaane ne wiseno Lahataꞌala nopoangkafi bhe kapoindalono Kristus. Bhahitieꞌiku timoasiꞌaono, bhahi-bhahiꞌae ini tahabue so kamatangkaꞌano kaparasaeamiu.

2 Korintus 13:10

Kanandooꞌanomo abuhiangkoomu suha aini tinangke dopokodoꞌotiomu, neanomo humato dapoꞌawa-awaomu paise namaraluua amake kuasano Lahataꞌala aꞌumosapikoomu. Kapaꞌamo kuasano Lahataꞌala nowaꞌa kanaꞌe so amekamatangkaꞌao kaparasaeamiu, suano kuasa so mohansurukoomu.

Efesus 4:12

Katiwaꞌaoꞌano bhahi-bhahiꞌae ini, damotoka umati mongkilono so kahadhaando daꞌumondofao Ompu bhe mie bhaindo, neanomo mbadhano Kristus sadhulu-dhulu kabhala bhe kamatangka.

Efesus 4:16

Ane Anoa nofefotu kaita, kosasawiꞌae katokano mbadha dopotudu-tudumiane doangkafi losuano dembali sembadha. Ane sehonda-sehonda katokano mbadha nadhumalangi takano meteetaa, o mbadha aini tetewei sadhulu kabhala bhe kamatangka weo pomoni-moniniꞌa.

Efesus 4:29

Weo pugaumiu, koe mepakeomu wamba tampahasa, tamaka mepakeomu kaowu wamba mokesa, wamba fotaa-taano pokantibhaꞌano bhe kafaraluundo mie bhaimu. Wamba medano naꞌa naeowa kabarakati so mie metingkee.

Efesus 5:19

Ane potula-tulaomu, pakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melagu bhe moꞌiaꞌomu so Ompu sampuu-mpuuno lalomiu.

1 Tesalonika 5:11

Dadiꞌanomo, tabeano potanga-tangahiomu, pofeka-fekatangkaomu lalo, pedamo habumiu ampa aini.