1 Korintus 14:16 - Muna Southern Dialect

¹⁶ Kapaꞌamo ane sumambaheaꞌao kaowu nomaiꞌao ne alusumu, nada amai mie buꞌou mangkafino sambaheamu natumobhoosi “Amin” namada sambaheano katumpuno lalomu naꞌa? Ingka miina namandeꞌaanea o ae maꞌanano pugaumu naꞌa.

1 Korintus 14:16 Iomraidhean Croise

Matius 15:36

Pada anaꞌa noalamo roti fitu onuno naꞌa bhe kakenta-kentano, nefoampe katumpuno lalo ne Lahataꞌala, nobhebhehae maka nowaꞌandae anaguhuꞌino dodawu-dawuandae mie bhahi.

Matius 28:20

Foinaꞌudaomu damangkafi sabhaha pahinta nefohatoꞌaoku ne hintimiu. Maka tandaiꞌeomu, sadhia apobhaiangkoomu ampa kafetompaino dhamani.”

Matius 6:13

Koise folapasa kainsami weo kasoba, tamaka dhagani kainsami ne kuasa modai. [Kapaꞌamo Hintumo mahintano, kokuasano bhe kumalabhiano ampa suhue dhamani. Amin.]’

Markus 16:20

Pada anaꞌa anaguhuꞌino dokalamo defolele Bhihita Metaa ne amai liwu ne dhunia ini. Ompu noposabhangkaanda kansuhu, bhihita nefolelendo nofekatangkaane tanda-tanda tapa mentela.]

Yohanes 21:25

Nandoo nobhahi dua tanda sigaoꞌano nehabuno Yesus, tamaka ane kosasawiꞌae naꞌa dabuhie damala sehondae, namu-namuku dhunia ini pae namuleaꞌea kaꞌosano kabhahino kitabi so nebuhino.

Yohanes 7:15

Miendo Yahudi tadomente ambado, “Peda amai mie anoa ini nopande peda ini, ingka miina nakosikolaa!”

Tula-tulando rasulu 4:13

Dowoha katangkano lalondo Petrus bhe Yohanes, kamungkulaꞌi Sahano Agama maitu tadomente, kapaꞌamo dopandeꞌaanda andoa maitu mie ndidiki pata kokasikolano. Gahaꞌa dopandeꞌaomo lalondo ingka andoa mie mangkafino Yesus.

1 Korintus 11:24

Pada nefoampe katumpuno lalo ne Lahataꞌala, roti anaꞌa nobhebhehaemo bhe nopugau ambano, “Mbadhakumo inia, newaꞌaoku so hintimiu. Habuomu nada aini so kafeꞌu-feꞌulaiku.”

1 Korintus 14:14

Kapaꞌamo ane asambahea aepake wambano Rohi, ingka o alusuku sumambaheano tamaka miina napoangkafi bhe fekihiku.

1 Korintus 14:2

Laꞌae mepakeno wambano Rohi, miina napotula-tula bhe manusia tamaka nopugau bhe Lahataꞌala. Kapaꞌamo miina bhe manusia lumosangino maꞌanano wambano, hampano nokowambaꞌao rahasia peda nefohatoꞌaono Rohino Lahataꞌala.

1 Korintus 16:24

Kanini kaasiku nopobhaiangkoomu kosasawimiu weo kaseꞌisentoomu bhe Kristus Yesus.

2 Korintus 1:20

Kapaꞌamo noangka ne Kristus, Lahataꞌala nofokoꞌuumbemo ne sabhaha nedhandiꞌaono. Dadiꞌanomo hampano Kristus intaodiomu sadhia dotobhoosiomu “Amin!” ⸤ maꞌanano nokotuꞌu⸥ , mbali kakalabhiano Lahataꞌala.

Powoha 22:20

Anoa fofohatoꞌaono bhihita aini nopugau ambano, “Uumbe, apikimaimo!” Amin, maimo Hintu Ompu Yesus!

Powoha 5:14

Mahaluku fato uluno maitu dotobhoosi, “Amin” bhe kamungkulaꞌi defodapa dotaohao sombado.

Powoha 7:12

Dopugau ambado, “Amin! Sabhaha kapudhi, kakalabhia, kapande, katumpuno lalo, kafosibhala, kuasa bhe kaꞌosa so Lahataꞌalantoomu ampa suhue dhamani. Amin!”