1 Korintus 13:5 - Muna Southern Dialect

⁵ O kanini kaasi miina naehabu tapa mantasiꞌano bhe miina naeꞌondofi kafaraluuno wutono; o kanini kaasi miina namansolumbua bhe miina naefeꞌu-feꞌulai kaꞌalando mie bhaindo.

1 Korintus 13:5 Iomraidhean Croise

Matius 5:22

Tamaka ambaku Idi, laꞌae umamahano ne bhahitieno tetewei dahumukumue. Laꞌae mugauno ne bhahitieno, ‘Hintu itu kaafihi!’ tetewei dabhitahakie Sahano Agama. Laꞌae mugauno, ‘Hintu itu notolau kabhohemu!’ tetewei daꞌumohoe weo efino narakaa ngkalai-laiꞌano.

Matius 9:4

Tamaka Yesus nopandeꞌaane nefekihindo, maka ambano, “Noafa kofekihi modaiꞌaoꞌomu?

Markus 3:5

Yesus noꞌamaha poowa nofolilianda matano, tamaka nobhelaanda dua lalono hampano katuꞌano fotundo. Pada aitu nopugaumo ne kepe saꞌituini ambano, “Fonsoho limamu!” Mie aitu nofonsoho limano, gahaꞌa lasao noꞌosa.

Lukas 7:39

Nowoha aitu, mieno Farisi bhasino Yesus naꞌa nokomuntumo we lalono, “Ane anoa ini kotu-kotuꞌu seemie anabii, tetewei namandeꞌaane laꞌae hobhine dumampasie ini, peda ae podiuno, ingka o mie kodhosa.”

1 Korintus 10:24

Koise ondofao kaowu kafaraluuno wutomiu, tamaka ondofaoꞌomu dua kafaraluundo mie bhaimiu.

1 Korintus 10:33

Dadiomu peda idi ini. O ae maka nehabuku sadhia aꞌuleiꞌe laloku afekaꞌia lalondo sabhaha mie, miina aeꞌondofi so kaetaaꞌano wutoku, tamaka so kaetaaꞌando mie bhahi, neanomo dasumalamati.

1 Korintus 11:18

Kabhao-bhaono, ingka afetingke ane poꞌawa-awaomu weo hompuꞌando umati nandoo bhe powengke-wengkeꞌa ne olotamiu, maka fenaiku bhihita aini nandoo kumotuꞌuꞌano.

1 Korintus 12:25

Patudhuno keana nonandoo powengke-wengkeꞌa weo mbadha, tamaka sabhaha katoka poꞌala-alano maitu napototo kapoꞌondo-ondofaondo.

1 Korintus 7:36

Ampamo kaowu ane seemie moꞌane nonamisi lalono nohabu pata mantasiꞌano ane pae nagumaa bhe pohaeno, kapaꞌamo wohaꞌano pohaeno sadhulu-dhulu kakamungkula bhe tabeano dagumaamo, heruane ae dagumaa, pae dakodhosaa.

2 Korintus 5:19

Noangka ne Kristus Lahataꞌala nopometaaꞌao dhunia bhe Wutono, miinamo naelentu sabhaha kaꞌalando manusia. Insaodimo nefotakano tamolele bhihitano kapometaaꞌa ini.

Galatia 5:13

Bhahitieꞌiku, daanumo nobhasikoomu Lahataꞌala so bebasiꞌaoꞌomu, ampamo kaowu kabebasi aitu koise pakeeꞌomu so tingkuno mangkafiomu sabhaha kapoindalono wuto, tamaka poꞌondo-ondofaoꞌomu pomoni-moniniꞌaoꞌomu.

Filipi 2:21

Kapaꞌamo sigaoꞌano sanea doꞌondofao kaowu faraluuno wutondo, suano faraluuno Yesus Kristus.

Filipi 4:8

Panda-pandano bhahitieꞌiku, fekihimiu fosingiꞌianeomu sabhaha giu metaa tipudhiꞌano, maꞌanano kumotuꞌuꞌano, mantasiꞌano, banaraꞌano, mongkiloꞌano, mokesaꞌano bhe metaaꞌano fetingkeꞌa.

2 Tesalonika 3:7

Ingka pandeꞌaaneomu tabeano mesandahaomu ne insaodi, kapaꞌamo insaodi miina tamantawa wakutuu taeate bhe hintimiu.

2 Timotius 2:10

Kanandooꞌanomo taꞌasabahamo apotaamiꞌao bhahi-bhahiꞌae ini so kaetaaꞌando mie nepilino Lahataꞌala. Patudhuku sio-siomo andoa daeꞌawa dua kasalamati neowano Kristus Yesus bhe kakalabhia suhue dhamani.

2 Timotius 4:16

Kabhao-bhaono apotunduꞌao wutoku ⸤ wakutuuno dobhitahaki kanau⸥ , bhe naseemie miina bhe tumulumi kanau, dopuli dohunsa kanau. Sio-siomo Lahataꞌala paise namoꞌaladaa.

Yakobus 1:19

Bhahitieꞌiku timoasiꞌaono, tandaiꞌeomu: seemie-seemie tabeano naehimba nafofetingke, tamaka koise nopikipugaua, koise dua nopikiꞌamahaa.