1 Korintus 13:2 - Muna Southern Dialect

² Mahinggamo aeꞌawa kapooli akosuaha peda anabii, alumosangie sabhaha rahasia bhe amandeꞌaane sabhaha kapande, namatangka kaparasaeaku sampe naembali aefogampi kabhawo, tamaka ane pae bhe kanini kaasiku, ingka miina bhe faha-fahalaakua.

1 Korintus 13:2 Iomraidhean Croise

Matius 13:11

Notobhoosimo Yesus ambano, “Hintimiu nowaꞌangkoomu kadawu Lahataꞌala pandeꞌaanemoomu rahasiano Kafopahintaꞌano, tamaka mie sigaoꞌano miina.

Matius 17:20

Ambano Yesus, “Mbaꞌinomo nokuha kaparasaeamiu. Dadiꞌanomo amohatokoomu, kotu-kotuꞌu ane kaparasaeamiu namooli nada onuno sau wonoita, naembali pugauꞌomu ne kabhawo aini, ‘Gampi maiꞌao ne ini’, maka kabhawo aitu tetewei nagumampi. Pakade, paemo dua bhe so tapa nepoolimiu.

Matius 21:19

Ne wiwino kaangkaꞌa naꞌa Yesus nowohamo puꞌuno ara. Nokalamo nofeꞌondoe, gahaꞌa miina nakobhakea, taꞌo hoo. Nopugaumo ne sau maitu ambano, “Hintu ini paemo kobhakea suhue dhamani.” Puꞌuno ara aitu lasao nokekele.

Matius 21:21

Ambano Yesus, “Amohatokoomu, kotu-kotuꞌu ane marasaeaꞌomu bhe paise poibhahaomu, tetewei mooliomu dua mehabuomu peda nehabuku ne puꞌuno ara maitu. Bhahamoa suano kaowu taꞌo anaꞌa, tamaka mahingga pugauꞌomu ne kabhawo aini, ‘Sangke wutomu maka oho wutomu we teꞌi’, tetewei nakumadhadhia.

Tula-tulando rasulu 13:1

Wakutuu anaꞌa ne olotando umati marasaeano we Antiokia nandoo seemie hodua anabii bhe guru. Andoa naꞌa dokonada Barnabas, Simeon nekonando dua Niger, Lukius miendo Kirene, Menahem bhe Saulus. Menahem ini nandoo kahobuno dodambaꞌaane poowa-owa bhe kolaki Herodes.

Roma 11:25

Bhahitieꞌiku! Gaoku mpuu mandeꞌaaneomu patudhuno Lahataꞌala pataꞌo tipandeꞌaoꞌano, keana abhi wutomiu mie mande. Patudhuno Lahataꞌala peda aini: miendo Yahudi sigaꞌa dekatuꞌa fotu, tamaka katuꞌano fotu maitu nalumagi kaowu ampa kabhahindo mie suano Yahudi so maino ne Lahataꞌala nasumangkamo.

Roma 15:14

Bhahitieꞌiku! Idi ini aparasaeakoomu mpuu nobhahi sepaliꞌa metaaꞌano ne hintimiu, sabhaha kapande nefaraluumiu nonandoomo dua sampe nembalimo potanga-tangahiomu.

Roma 16:25

Notifekakalabhia mpuu Lahataꞌala! Anoamo kokuasano namekatangka kaparasaeamiu, naposahataa bhe Bhihita Metaa nefoleleku, bhihitano Yesus Kristus. Bhihita anaꞌa ingka o bhihitano patudhuno Lahataꞌala tifebuniꞌano ntini moꞌo-moꞌonono taꞌu.

1 Korintus 11:4

Ane seemie moꞌane nekantutu wakutuuno nosambahea tawa nokosuaha peda anabii, mie aitu nofekaꞌaebu mefotuane.

1 Korintus 12:28

Lahataꞌala padamo nefotantu mie weo umati: kabhao-bhaono nandoo membalino rasulu, kahaa iseno nandoo membalino anabii, katolu iseno nandoo membalino guru. Pada anaꞌa nandoo metahimano kapooli dehabu tanda timenteꞌaono, kapooli defekaꞌosa mie mosaki, kapooli dotulumi mie bhaindo, kapooli dembali neangka, bhe kapooli dopugauꞌao sabhaha wambano Rohi.

1 Korintus 13:1

Mahinggamo naembali apugauꞌao sabhaha wambado manusia bhe wambado malaꞌekati, tamaka ane pae bhe kanini kaasiku ne mie bhaiku, ingka taꞌapototomo bhe mbololo menduu-nduuno tawa ndengu-ndengu mendii-ndiino.

1 Korintus 13:3

Mahinggamo sabhaha kanandooku adumawu-dawuandae mie mokae, bhahamoa amotawakala wutoku datumunu kanau, tamaka ane pae bhe kanini kaasiku, ingka miina sepaliꞌa bhe fahalaanoa so idia.

1 Korintus 13:8

Nekosuahaꞌaondo anabii nakotompa, wambano Rohi nametumpu, o kapande naosali, tamaka o kanini kaasi pae bhe kapulia.

1 Korintus 14:29

Mie kosuahano peda anabii, naetaa dahodua tawa datotolu so pugauno, maka sigaoꞌano somo tumimbangino pugaundo, ⸤ bhahaꞌi natitahima bhahaꞌi paise⸥ .

1 Korintus 14:39

Dadiꞌanomo bhahitieꞌiku, uleiꞌe wutomiu so meꞌawaꞌao kapooli kosuaha peda anabii, bhe koemo eleꞌaandaomu mie mepakeno wambano Rohi.

1 Korintus 14:4

Laꞌae mepakeno wambano Rohi, nofekamatangka kaowu kaparasaeano wutono, tamaka laꞌae kosuahano peda anabii nofekamatangka kaparasaeando umatino Lahataꞌala.

1 Korintus 15:51

Kotu-kotuꞌu amohatoangkoomu seꞌise rahasia: intaodiomu ini paise damisimate-mateꞌa, tamaka kosasawintoomu dafobhalii.

1 Korintus 16:22

Laꞌae pata moasiꞌaono Ompu, nobalaamo! Maranata!

1 Korintus 4:1

Naetaa dakumona kainsami palima-limano Kristus, mie neposahunaꞌao taefebhihitaiꞌao sabhaha rahasiano Lahataꞌala.

1 Korintus 7:19

Kapaꞌamo doangkafi atorano desuna bhe miina daesuna, saneamo pata kofahalaano. Maraluuꞌano doangkafi pahintano Lahataꞌala.

1 Korintus 8:4

Pokaiꞌano bhe humaaꞌano oti toka nepopanga ne barahala saꞌituini, ingka dopandeꞌaanemoomu sakotuꞌuꞌano miina bhe barahala ne alamu ini, dopandeꞌaanemoomu dua Lahataꞌala Kaseemie-mieꞌano, miina bhe sigaoꞌanoa.

2 Korintus 12:11

Daanumo aembalimo bhohe, tamaka hampano sekehemi kanauꞌomu hintimiu. Sakotuꞌuꞌano tabeano mudhi kanauꞌomu, hampano mahingga miina akomaꞌa-maꞌana, miina dua amepandaa ne rasuluꞌi mangaliuno naꞌa.

Galatia 5:16

Patudhuku peda aini: dadiomu angkafiomu kaatono Rohino Lahataꞌala, maka paemo mangkafiomu kapoindalono wuto.

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

Galatia 6:3

Ane seemie noabhi wutono nofoliuda bhaindo, gahaꞌa miina, mie aitu nogau-gau wutono.

Efesus 3:4

Ane basaeꞌomu, naembalimo dua mandeꞌaaneomu rahasiano Kristus peda nelosangiku.

Efesus 6:19

Sambaheaꞌomu dua so idi, neanomo ane amugau, Lahataꞌala namaꞌa kanau pugau kumantibha bhe aokado aefolele rahasiano Bhihita Metaa.

Kolose 1:26

Bhihita aini ntini moꞌo-moꞌono taꞌumo nofebunie Lahataꞌala ne sabhaha sampuꞌa pomantulu-ntuluno, tamaka ampa aitu rahasia maitu nofohatoandaemo umatino.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

1 Yohanes 4:8

Mie tapa fomoasiꞌaono miina namandeꞌao Lahataꞌala, kapaꞌamo Lahataꞌala maitu o kanini kaasi.