1 Korintus 12:31 - Muna Southern Dialect

³¹ Dadiꞌanomo uleiꞌeomu totono lalomiu so meꞌawaꞌaoꞌomu sabhaha kapoolino Rohi foliuno kataa. Tamaka idi ini amosusuangkoomu kaangkaꞌa sedhuluꞌa dua kataano.

1 Korintus 12:31 Iomraidhean Croise

1 Korintus 13:1

Mahinggamo naembali apugauꞌao sabhaha wambado manusia bhe wambado malaꞌekati, tamaka ane pae bhe kanini kaasiku ne mie bhaiku, ingka taꞌapototomo bhe mbololo menduu-nduuno tawa ndengu-ndengu mendii-ndiino.

1 Korintus 14:39

Dadiꞌanomo bhahitieꞌiku, uleiꞌe wutomiu so meꞌawaꞌao kapooli kosuaha peda anabii, bhe koemo eleꞌaandaomu mie mepakeno wambano Rohi.

Matius 5:6

Dokodawua mpuu mokambano lalo ne kabanara, kapaꞌamo Lahataꞌala namaꞌandae nemokambaꞌaondo.

Filipi 3:8

Suano kaowu taꞌo anaꞌa, tamaka kosasawiꞌae maitu akonaemo kahugi mpuu ane apototoane bhe neꞌawaku ampa aini: apopandeꞌao bhe Kristus Yesus Ompuku. Hampano Anoa kaengkohaꞌano kamanusiaku bhe habu metaaku madaꞌano ini ahunsaemo, akonaꞌidamo dua hewu, neanomo aꞌumawa Kristus,

1 Korintus 8:1

Aitu akowambaꞌao oti kapopanga ne barahala. Nandoo mugauno, “Intaodi ini dokokapandemo.” Ampamo kaowu o kapande nofofekalangke diu, tamaka o kanini kaasi nofofekamatangka lalo.

Ibrani 11:4

Hampano kaparasaeano, Habel nefoampe kapopanga metaa, noliuꞌe kapopangano Kain. Hampano kaparasaeano maitu Habel nosambili metaaꞌe Lahataꞌala peda seemie banara, mbaꞌinomo kapopangano maitu noꞌiaꞌane Lahataꞌala. Habel nomatemo, tamaka hampano kaparasaeano maitu, ampa aitu kao-kaomo nandoo sadhia nopugau.

Lukas 10:42

Ingka ampamo sehonda maraluuꞌano. Maria nopilimo metaaꞌano, maka paise damalae mie bhaindo.”

1 Korintus 14:1

Ambaeꞌomu kanini kaasi, uleiꞌeomu dua lalomiu so tumahimaꞌaoꞌomu sabhaha kapooli nedawuꞌaono Rohino Lahataꞌala, mangke-mangkemo kapooli so kosuahaꞌaoꞌomu peda anabii.