1 Korintus 12:11 - Muna Southern Dialect

¹¹ Tamaka bhahi-bhahiꞌae kamaiꞌaoꞌano seꞌise kaowu, senaꞌa-naꞌa kahadhaano Rohino Lahataꞌala. Ne seemie-seemie manusia nowaꞌanda kapooli noposahataa bhe kapoindalono Wutono.

1 Korintus 12:11 Iomraidhean Croise

Matius 11:26

Daanumo Ama, pedamo aitu kaposahasiꞌanomo lalomu.

Matius 20:15

Paise naembalia bhahaa amake fehebuaꞌaku ampa kapoindaloku? Nokoula lalomu mbaꞌinomo netaa laloku?’ ”

Yohanes 3:27

Ambano Yohanes, “O ae maka dua neꞌawano seemie manusia, o kadawu maiꞌao ne Lahataꞌala.

Yohanes 3:8

O kawea nofiu ampa kapoindaloꞌano, dofetingkee soonoa tamaka miina damandeꞌaane nomaiꞌao ne amai tawa nohope ne amai. Peda dua anaꞌa sasuka mie lumenteꞌano ne Rohino Lahataꞌala.”

Yohanes 5:21

Amano nefowanu mie komate-mateno bhe nofodadida, pedamo dua anaꞌa Anano nefodadi dua ampa nepoindalono.

Roma 12:6

Intaodiomu detahimamoomu kapooli seemie-seemie poꞌala-alano noposahataa bhe kadawu newaꞌaono Lahataꞌala. Dadiꞌanomo ane deꞌawa kapooli dakosuaha peda seemie anabii, tabeano dadhumalangie naposahataa bhe kaparasaeando.

Roma 9:18

Dadiꞌanomo Lahataꞌala nofotiwohamo kabhelano lalono ne laꞌae maka nepoindalono, mie sigaoꞌano nohabuda dekatuꞌa fotu, laꞌae maka nepoindalono.

1 Korintus 12:18

Tamaka Lahataꞌala padamo noꞌatoroe kaeateꞌando, sehonda-sehonda katoka bhe takano weo mbadha peda kapoindalono Wutono.

1 Korintus 12:4

O kapooli nedawuꞌaono Rohino Lahataꞌala tanofegiu, tamaka bhahi-bhahiꞌae sekamaiꞌao, o Rohino Lahataꞌala.

1 Korintus 12:6

Nekahadhaano Lahataꞌala tanofegiu, tamaka kumahadhaano bhahi-bhahiꞌae naꞌa mangkano ne sabhaha manusia, ingka Lahataꞌala Kaseemie-mieꞌano.

1 Korintus 7:17

Dadiꞌanomo seemie-seemie tabeano natumahima kodadi peda toka nedawuꞌaono Lahataꞌala ne anoa, bhe tanamangka-angkamo kansuhu peda kodadi pakatibhasino ne Lahataꞌala. Ainimo tubho nefoinaꞌuꞌaoku ne kosasawindo umati neꞌamai-neꞌamai liwu.

1 Korintus 7:7

Sakotuꞌuꞌano gaoku kosasawindo mie nada dua idi ini, ampamo kaowu ingka seemie-seemie bhe kadawu kamoisaꞌaono maiꞌao ne Lahataꞌala, seemieno peda aini seemieno peda aitu.

2 Korintus 10:13

Insaodi miina nada naꞌa, mahinggamo tasangke-sangke wuto mani tamaka miina taelimbaki tida. Sadaa-daa nandoo kainsami weo kadie kakahadhaaꞌa toka netidano Lahataꞌala, ingka nohato dua ampa we hintimiu itu.

Efesus 1:11

Lahataꞌala nofokonandoo bhahi-bhahiꞌae noposahataa bhe kapoindalono bhe patudhuno Wutono. Mpini kabhao-bhaono nofopilimo bhe tokamo nofotantue daembali umatino hampano kaseꞌisentoomu bhe Kristus.

Efesus 4:7

Tamaka intaodiomu seemie-seemie nowaꞌa kaita kawaꞌao nengkamoisaꞌao, noposahataa bhe kabhalano kataano lalono Kristus.

Ibrani 2:4

We simbalino dua anaꞌa, Lahataꞌala nofekamatangka kasakusiindo nepake tanda tapa mentela, giu timenteꞌaono bhe sabhaha kuasa mangaliuno, bhe nofodawu-dawuꞌao dua kawaꞌaono Rohino Lahataꞌala nopoangkafi bhe kapoindalono Wutono.

Yakobus 1:18

Noangkafi kapoindalono Wutono, Lahataꞌala nofowaꞌao dadi buꞌou dembaliomu anaꞌino, hampano ⸤ dofetingke bhe doparasaeaꞌomu⸥ bhoasaono kabanara. Patudhuno neanomo daembaliomu titiisa ne olotando sabhaha nefokonandoono Lahataꞌala.