28 Seemie-seemie tabeano namahakesaa kadeki totono lalono, maka naembali naomaa roti bhe naohoꞌu ne kampohoꞌuꞌano Ompu.
Nokompeaha sepaliꞌa lalondo sampe seemie-seemie dofeenamo ambado, “O idi bhahaa Waompu?”
Ane o mie tanaomaamo tanaohoꞌumo pae nalumosangi maꞌanano mbadhano Ompu, ingka humaano bhe fohoꞌuno naꞌa neowa kahukumuno Lahataꞌala ne wutono.
Tamaka ane maꞌindulu datumiisangi totono lalontoomu, paise daeꞌawa kahukumuno Lahataꞌala.
Tiisangi totono lalomiu bhahaꞌi kotu-kotuꞌu parasaeaꞌomu ne Kristus. Udhi wutomiu! Miina mandeꞌaaneomu gahaꞌa putae Kristus Yesus nodadi weo totono lalomiu? Ane pae nada naꞌa, ingka miina mooliomu kaꞌudhi anaꞌa.
Seemie-seemie tabeano namahakesaa diuno wutono, netaa bhahaꞌi miina. Ane netaa ingka naembali naowoseane bhakeno, ampamo kaowu koemo nopoꞌondoane bhe diuno mie bhaino.