1 Korintus 10:32 - Muna Southern Dialect

³² Ne kodadimiu koise mehabuomu kakodhosaꞌando mie bhaimu, naetaa miendo Yahudi, naetaa miendo Yunani, tawa umatino Lahataꞌala.

1 Korintus 10:32 Iomraidhean Croise

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

Tula-tulando rasulu 24:16

Dadiꞌanomo weo dadiku sadhia aꞌulei laloku ampuu-mpuuni kangkilono totono laloku ne pomatano Lahataꞌala bhe mie bhaiku.

Roma 14:13

Dadiꞌanomo koemo dopofoꞌa-foꞌalaomu! Tamaka fekaꞌonu lalomiu koise mehabuomu so katitunoꞌa tawa so kaondawuꞌando bhahitieꞌimiu weo dhosa.

1 Korintus 1:2

Suha aini so hintimiu umatino Lahataꞌala we Korintus, umati nefekopuuni so Lahataꞌala weo kaseꞌise bhe Kristus Yesus. Nobhasikoomu membaliomu umati mongkilono poowa-owaomu bhe sabhaha mie metondalano ne Ompuntoomu Yesus Kristus ne amai maka dua. Anoamo Ompundo bhe Ompuntoomu dua.

1 Korintus 10:33

Dadiomu peda idi ini. O ae maka nehabuku sadhia aꞌuleiꞌe laloku afekaꞌia lalondo sabhaha mie, miina aeꞌondofi so kaetaaꞌano wutoku, tamaka so kaetaaꞌando mie bhahi, neanomo dasumalamati.

1 Korintus 11:22

Bhahaa miina kolambuomu so momaa mohoꞌuꞌaoꞌomu? Bhahaa mekaꞌaebu umatino Lahataꞌala bhe mekaambanoomu kaowu tapa kokanandoono? Kaowu amugaumo nada amai bhahaa ne hintimiu itu? Amudhikoomu bhahaa? Teteweimo paise!

1 Korintus 12:28

Lahataꞌala padamo nefotantu mie weo umati: kabhao-bhaono nandoo membalino rasulu, kahaa iseno nandoo membalino anabii, katolu iseno nandoo membalino guru. Pada anaꞌa nandoo metahimano kapooli dehabu tanda timenteꞌaono, kapooli defekaꞌosa mie mosaki, kapooli dotulumi mie bhaindo, kapooli dembali neangka, bhe kapooli dopugauꞌao sabhaha wambano Rohi.

1 Korintus 15:9

Kapaꞌamo idi ini foliunomo kandidiki ne olotando rasulu, sakotuꞌuno pae namantasia dakumona kanau rasulu hampano padamo afodee-dee umatino Lahataꞌala.

1 Korintus 7:17

Dadiꞌanomo seemie-seemie tabeano natumahima kodadi peda toka nedawuꞌaono Lahataꞌala ne anoa, bhe tanamangka-angkamo kansuhu peda kodadi pakatibhasino ne Lahataꞌala. Ainimo tubho nefoinaꞌuꞌaoku ne kosasawindo umati neꞌamai-neꞌamai liwu.

1 Korintus 8:13

Dadiꞌanomo ane o oti nehumaa naembali kakodhosaꞌano bhahitieku, akiido sepaliꞌa aomaa oti aitu ampa suhue dadiku, keana aehabu dhosa so bhahitieku naꞌa.

2 Korintus 1:1

Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala, bhe nomaiꞌao dua ne Timotius bhahitientoomu. Apakatue so umatino Lahataꞌala we Korintus bhe kosasawindo umati mongkilono we kosekaꞌewaꞌae kadieno Akaya.

2 Korintus 6:3

⸤ Weo dhalangiꞌano taka mani⸥ takiido taehabu tingku so katifoꞌalaꞌa mani ne laꞌae maka dua, neanomo taka kaꞌondofao mani ini paise natisambili modaia.

Galatia 1:13

Ingka fetingkeemoomu, peda amai dadiku endefiꞌini weo agama Yahudi; miina aegana-ganaa afodee-dee umatino Lahataꞌala, patudhuku amobinasada.

Filipi 1:10

Ane nada anaꞌa, mandemoomu mepiliomu foliuno kataa. Dadimiu naongkilo, pae nakodengo-dengoa ne oleo kahatoꞌano Kristus.

Filipi 3:6

Afoma-fomai laloku afodee-dee umati marasaeano ne Yesus. Ane doꞌondo dadiku weo angkafiꞌano tubhono agama Yahudi, idi ini miina akodengo-dengoa.

1 Tesalonika 2:14

Aitu bhahitie mani, namisiemoomu dua nenamisindo tombu-tombudo umatino Lahataꞌala seꞌiseno bhe Kristus we Yudea. Maꞌanano menamisiomu kakadee-dee maiꞌao ne saliwumiu, pedamo dua umatino Lahataꞌala we Yudea denamisi kakadee-dee nomaiꞌao ne miendo Yahudi saliwundo.

1 Timotius 3:15

Tamaka ane pae apikihatoko, ingka pandeꞌaanemo nada amai tabeano dadindo mie weo polambuno Lahataꞌala, aituꞌaemo umatino Lahataꞌala dumadino. Intaodiomu umati marasaeano ini tapedamo sandi bhe kampana mekatangkanomo seꞌonu lambu, hampano dofintahaki bhe dodambaꞌao kafoinaꞌuno kabanara.

1 Timotius 3:5

Kapaꞌamo ane o mie pae namande namefotuꞌao polambuno wutono, nada amai bhahaa namefotuꞌao umatino Lahataꞌala?