1 Korintus 10:1 - Muna Southern Dialect

¹ Bhahitieꞌiku, gaoku mpuu mandeꞌaaneomu kadhadhia netompaloindo awuaꞌintoomu ⸤ wakutuuno noatoda anabii Musa domaiꞌao we Mesir⸥ . Ne naꞌa kosasawindo nokaolumida olu, bhe kosasawindo dosalamati delempagi teꞌi.

1 Korintus 10:1 Iomraidhean Croise

Yohanes 4:20

Awuaꞌi mani ⸤ miendo Samaria⸥ dosombai Lahataꞌala te wawono kabhawo aini, tamaka ambamiu ⸤ miendo Yahudi⸥ ampamo we kotano Yerusalem so kasombaꞌa ne Lahataꞌala.”

Roma 1:13

Bhahitieꞌiku! Gaoku mandeꞌaaneomu putae nentuhumo akopatudhu amai aꞌumondokoomu, tamaka taꞌampamo aitu sadhia bhe kapaleiku. Gaoku mpuu kahadhaaku ne olotamiu itu nakohasili dua peda ne bansano liwu suano Yahudi we liwu sigaoꞌano.

Roma 11:21

Kapaꞌamo ane Lahataꞌala miina naooloanea nolobhisi haꞌa mpuuno ⸤ maꞌanano miendo Yahudi⸥ , bhemo toha hintimiu itu, tetewei pae naooloangkoomu dua.

Roma 4:11

Kasuna maitu notahimae peda sehonda tanda, o bukutii motangka putae Lahataꞌala notahimae peda seemie banara hampano kaparasaeano. Gahaꞌaitumo ingka miinaꞌo naesunaa, noparasaeamo. Pedamo anaꞌa Abraham nembalimo amando kosasawindo mie tapa nesuna marasaeano, neanomo Lahataꞌala natumahimada peda mie banara.

1 Korintus 12:1

Bhahitieꞌiku, aitu amugauꞌao kapooli nedawuꞌaono Rohino Lahataꞌala; gaoku mpuu mandeꞌaaneomu sakotu-kotuꞌuno.

1 Korintus 14:38

Tamaka ane bhe pata madhulino wambaku ini, koemo dua fadhulieꞌomua mie aitua.

Galatia 3:29

Ane hintimiu membalimoomu fehebuaꞌano Kristus, maka membalimoomu dua sampuꞌano Abraham, dadiꞌanomo kohakumoomu dua tumahimaomu dhandino Lahataꞌala.

Ibrani 11:29

Hampano kaparasaeando, miendo Israel dopolimba ne Teꞌi Modea tapedamo dekala-kala te kakeleꞌa, tamaka miendo Mesir domate notoloda oeno teꞌi wakutuu dofesoba doangkafida.