1 Korintus 1:8 - Muna Southern Dialect

⁸ Wutono Kristus namekamatangkakoomu ampa we kafetompaino, neanomo pae kodengoomua ne oleo kahatoꞌano Ompuntoomu Yesus Kristus naꞌaa.

1 Korintus 1:8 Iomraidhean Croise

Lukas 17:24

Kapaꞌamo oleono kahatoꞌano Anano Manusia nada adhono bhibhito, nakosilaka te lani maiꞌao te setompano ampa we setompano.

Lukas 17:30

Nadamo dua anaꞌa so kumadhadhiano ne oleono Anano Manusia namotiwoha Wutono.

Roma 14:4

Patudhumu laꞌae bhahaa hintu itu sampe mokado bhitahaki bhatuano Ompu? Kataano bhe kadaino kahadhaano ingka neatemo ne kafeompuꞌano. Bhatua aitu sadaa-daa kataano kahadhaano hampano wutono Ompu nokokuasa natumulumie.

Roma 16:25

Notifekakalabhia mpuu Lahataꞌala! Anoamo kokuasano namekatangka kaparasaeamiu, naposahataa bhe Bhihita Metaa nefoleleku, bhihitano Yesus Kristus. Bhihita anaꞌa ingka o bhihitano patudhuno Lahataꞌala tifebuniꞌano ntini moꞌo-moꞌonono taꞌu.

Roma 8:19

Alamu bhalano nefokonandoono Lahataꞌala ini nokamba mpuu lalondo dofenta-fentaa tempono Lahataꞌala namotiumba medando ae anaꞌino.

1 Korintus 3:13

Ampamo kaowu nasewakutuu kahadhaano seemie-seemie tetewei natipandeꞌao, ingka oleo kahatoꞌano Ompu so motiwohaea. Kapaꞌamo ne oleo anaꞌa o efi so motiwohae, hampano kahadhaano seemie-seemie natiꞌudhi katangkano ne efi maitu.

1 Korintus 5:5

maka weo neano Ompu Yesus mie aitu tetewei tawakalaaneomu ne Kafeompuꞌando seetani, neanomo mbadhano nabinasa tamaka alusuno damosalamatie ne oleo kahatoꞌano Ompu.

2 Korintus 1:13

Insaodi taebuhiangkoomu kaowu so nepooli nebasa bhe nelosangimiu. Ampa aitu ingka losangieꞌomu fekihiku bhe podiuku sigaꞌa kaowu, miinaꞌo nasumangkaa. Tamaka aposahunaꞌao naembali kotu-kotuꞌu lumosangieꞌomu, neanomo nahumato Oleono Ompuntoomu Yesus, hintimiu tetewei mowose kainsamiomu bhake, pedamo insaodi taowoseangkoomu dua bhake mani.

2 Korintus 1:21

Kapaꞌamo wutono Lahataꞌala mekamatangka kainsami bhe hintimiu dua weo kaseꞌisentoomu bhe Kristus. Anoa padamo nopili kaitaomu mbali umondofaane.

Efesus 5:27

Kahabuꞌano peda amaitu, neanomo namowa umatino te wiseno Wutono ⸤ peda loꞌia buꞌou hobhine⸥ , naombena ulano, pae nakotindu-tindua, pae nakongkuhu-ngkuhua tawa kadengo sigaoꞌano, tamaka umati daongkilo bhe pae dakodengo-dengoa.

Filipi 1:10

Ane nada anaꞌa, mandemoomu mepiliomu foliuno kataa. Dadimiu naongkilo, pae nakodengo-dengoa ne oleo kahatoꞌano Kristus.

Filipi 1:6

Aparasaea mpuu Lahataꞌala tumandakino kahadhaa metaa weo totono lalomiu ini, namokansuhue dua ampa natumoka ne oleo so kahatoꞌano Kristus Yesus.

Kolose 1:22

Tamaka ampa aitu hampano mateno Anano peda seemie manusia, Lahataꞌala nopometaaꞌangkomoomu. Nadamo anaꞌa Kristus namowakoomu ne wiseno Lahataꞌala, naongkilo bhe namoinda totono lalomiu, paemo kodengo-dengoomua.

Kolose 2:7

Kaparasaeamiu ne Anoa tabeano nakopahaka, bhe wutono Kristus naembalimo kaengkohaꞌano dadimiu. Kaparasaeamiu tabeano dhulu kamatangka, noposahataa bhe kafoinaꞌu netahimamiu. Totono lalomiu nakaꞌende-ende mefoampeomu katumpuno lalo.

1 Tesalonika 3:13

Sio-siomo dua Ompu namekatangka lalomiu, neanomo mongkiloomu bhe paise kodengo-dengoomua ne wiseno Lahataꞌala Amantoomu, ne oleo kahatoꞌano Ompuntoomu Yesus bhe kosasawindo umati mongkilono.

1 Tesalonika 5:2

Ingka pandeꞌaanemoomu mpuu oleo kahatoꞌano Ompu nada seemie kasoꞌo nomai kohondoꞌa.

2 Tesalonika 2:2

koise lasao nebhali-bhalii fekihimiu bhe haliaꞌomu mbaꞌinomo nandoo bhihita putae oleono Ompu nohatomo. Bheanea bhihita maitu nomaiꞌao ne pugauno seemie kosuahano peda anabii, bheanea seꞌise kafoguhu, bheanea nomaiꞌao ne suhando mie kao-kaomo maiꞌaono ne insaodi.

2 Tesalonika 3:3

Tamaka Ompu notiparasaea. Namekatangka lalomiu bhe nadhumaganikoomu ne modaiꞌano.

2 Timotius 1:12

Kanandooꞌanomo aeꞌawa sabhaha kakadee-dee ini, tamaka miina aoambanoanea, mbaꞌinomo apandeꞌaane o laꞌae neparasaeaku. Apandeꞌaane mpuu Anoa nokokuasa nadhumagani neposahunaꞌaono ne idi ampa ne oleo kahatoꞌano Ompu.

2 Timotius 1:18

Sio-siomo Ompu namosampuane rahamatino ne oleono kahatoꞌano. Ingka pandeꞌaane mpuu kabhalano kaꞌondofaono ne idi wakutuuno we Efesus endefiꞌini.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.

2 Petrus 3:10

Oleo kahatoꞌano Ompu tetewei nahumato, nahumato nada kasoꞌo. Ne oleo anaꞌa o lani namiinae napoangka huhu timoteꞌi bhe sabhaha ndumandooꞌano te lani nahumampuniane efi. O dhunia bhe kosasawiꞌae ndumandoono te wawono naosali.

2 Petrus 3:14

Dadiꞌanomo, bhahitieꞌiku timoasiꞌaono, poowa ntaa-ntaaꞌomu bhahi-bhahiꞌae naꞌa, uleiꞌe lalomiu dadi mongkiloomu weo pomatano Lahataꞌala, pae kodengo-dengoomua bhe pometaaꞌomu bhe Lahataꞌala.