1 Korintus 1:27 - Muna Southern Dialect

²⁷ Kapaꞌamo Lahataꞌala nepili mie bhohe ne pomatando manusia so daoambanoꞌao mie mande, nepili dua mie monale ne pomatando manusia so daoambanoꞌao mie moꞌosa.

1 Korintus 1:27 Iomraidhean Croise

Matius 11:25

Wakutuu anaꞌa Yesus nosambaheamo ambano, “Notumpu laloku, Ama, Ompuno lani bhe dhunia, kapaꞌamo kosasawiꞌae ini febunie ne mie kotimbangi bhe mie mande, tamaka fotiwohae ne mie mepandano kaengkohaꞌa pata kokasikolano.

Matius 21:16

Dopugaumo ne Yesus ambado, “Fetingkee bhahaa pugaundo kaana-anaꞌi ini?” Ambano Yesus, “Afetingkee. Miinaꞌo basaeꞌomua gahaꞌa aeati peda aini, ‘Padamo mefontaa-ntaa kaana-anaꞌi bhe anaꞌi nandoo tumitino so mefoampeno lagu-lagu kapudhi.’ ”

Matius 9:9

Hato nokala nomaiꞌao ne itu, Yesus newohamo seemie nengkoha-ngkoha weo lambu kaesaloꞌa sewa. Neano mie anaꞌa Matius. Ambano Yesus, “Angkafi kanau.” Matius lasao noehe maka noangkafie.

Lukas 21:15

Kapaꞌamo wutoku so maꞌangkoomu pugau kotimbangi, sampe kosasawindo kaewamiu paise damondoiꞌea dapoewangiane tawa dagumagai pugaumiu.

Tula-tulando rasulu 17:18

Nandoo seemie hodua mie moꞌosano fekihi maiꞌaono ne walakando Epikuros bhe Stoa dopuga-pugau dua bhe anoa. Nandoo mugauno ambado, “Napugauꞌao ae bhahaa mie pande gau maitu, kabhahino wambano!” Tamaka ambado dua sigaoꞌano, “Kao-kaomo nehatoꞌao kafoguhuno dewando koliwuno.” Kapugauꞌando peda maitu mbaꞌinomo netula-tulaꞌao Yesus bhe kawanuꞌando mie mate.

Tula-tulando rasulu 7:35

Musa ini dobansiemo bhe dopugau ambado, ‘Nosangkeko laꞌae gahaꞌa membali so neangka bhe so bhitahaki kainsami?’ Tamaka ingka Musamo dua ini netuduno Ompu Lahataꞌala nembali so neangka bhe so fosalamatino, weo katulumino malaꞌekati motiwohano wutono ne polompuno kahoku kokihi.

Tula-tulando rasulu 7:54

Sadofetingke pugauno Stefanus naꞌa kamungkulaꞌi Sahano Agama pasae dokansuꞌue atendo sampe dokuꞌi bhe nau-naundo.

1 Korintus 1:20

Kaowu somo ae bhahaa mie kokapande? Somo ae bhahaa mie melangkeno sikolaa? Somo dua ae bhahaa mie kofekihi ne dhunia ini? Kapaꞌamo Lahataꞌala ingka padamo nofotiwohae putae sabhaha kapandeno dhunia ini sanea bhohe.

1 Korintus 1:21

Hampano kapandeno Lahataꞌala, nofotantuemo putae manusia miina naembalia namandeꞌao Lahataꞌala nomaiꞌao ne kapandeno wutono. Tamaka Lahataꞌala nokopatudhu namosalamati mie marasaeano noangka ne bhihita nefolele mani, gahaꞌaitumo bhihitamo aini nekonando dhunia sanea bhohe.

1 Korintus 2:12

Intaodiomu miina daetahima rohino dhunia, tamaka netahimantoomu o Rohi maiꞌaono ne Lahataꞌala, neanomo damandeꞌaane sabhaha newaꞌaono Lahataꞌala ne intaodiomu.

2 Korintus 10:10

Kapaꞌamo ambado mie, “Suhano daanumo nogili bhe noꞌosa, tamaka gahaꞌa hato dopowise bhe mieno tanemalu-malusi, wambano miina nakomaꞌa-maꞌanaa.”

2 Korintus 4:7

Arataa moꞌali ini neate ne nuꞌua wite ⸤ maꞌanano mbadha kasara mani⸥ , so nentaleaꞌao putae kaꞌosa pontalabhi-labhino naꞌa miina namaiꞌao ne wuto mani tamaka nomaiꞌao ne Lahataꞌala.

Yakobus 2:5

Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.