1 Korintus 1:21 - Muna Southern Dialect

²¹ Hampano kapandeno Lahataꞌala, nofotantuemo putae manusia miina naembalia namandeꞌao Lahataꞌala nomaiꞌao ne kapandeno wutono. Tamaka Lahataꞌala nokopatudhu namosalamati mie marasaeano noangka ne bhihita nefolele mani, gahaꞌaitumo bhihitamo aini nekonando dhunia sanea bhohe.

1 Korintus 1:21 Iomraidhean Croise

Matius 11:25

Wakutuu anaꞌa Yesus nosambaheamo ambano, “Notumpu laloku, Ama, Ompuno lani bhe dhunia, kapaꞌamo kosasawiꞌae ini febunie ne mie kotimbangi bhe mie mande, tamaka fotiwohae ne mie mepandano kaengkohaꞌa pata kokasikolano.

Lukas 10:21

Wakutuumo dua aitu Yesus nowula lalono hampano nokabhintie Rohino Lahataꞌala, maka ambano, “Notumpu laloku ne Hintu, Ama, Ompuno lani bhe dhunia, kapaꞌamo kosasawiꞌae ini febunie ne mie kotimbangi bhe mie mande, tamaka fotiwohae ne mie ndidiki tapa kokasikolano. Daanumo Ama, pedamo aitu kaposahasiꞌanomo lalomu.

Lukas 12:32

Hintimiu pata bhabhahino, koise moteꞌiomu! Kapaꞌamo Amamiu nopoindalomo nosangkekoomu so mieno Kafopahintaꞌano.

Yohanes 12:31

Aitu nohatomo tempono o dhunia dabhitahakiemo, aitu dua Mowano Dhunia ⸤ maꞌanano Kafeompuꞌando seetani⸥ dakumabhambie we simbali.

Roma 1:28

Andoa donamisi wutondo miinamo namaruluua damekihi Lahataꞌala, maka tanofolapasadamo ne sabhaha fekihi tapa kofahalaano sampe dohabumo tapa mantasiꞌano.

Roma 11:33

Kabhalano kahangkaeano Lahataꞌala! Kalalesano timbangino bhe kandalono kapandeno! Miina mpuu natisonsoa sabhaha kabhotusino! Miina mpuu natilosangia sabhaha dhalano nokonihabu!

1 Korintus 1:18

Mbali mie so binasano, bhihitano mateno Kristus te sau salipu daanumo dokonae bhohe, tamaka so intaodiomu nefosalamati bhihita amaitu katiwohaꞌanomo kuasano Lahataꞌala.

1 Korintus 1:23

Tamaka insaodi ini taefolele bhihitano Kristus mateno te sau salipu. Bhihita aini nodaiane lalondo miendo Yahudi, mie suano Yahudi dokonae tula-tula bhohe.

1 Korintus 1:24

Tamaka mbali mie toka nebhasino Lahataꞌala, naetaa mieno Yahudi naetaa suano Yahudi, Kristus katiwohaꞌanomo kuasa bhe kapandeno Lahataꞌala.

1 Korintus 1:25

Kapaꞌamo wohaꞌano kabhoheno Lahataꞌala ingka nofoliuꞌe kapandedo manusia, wohaꞌano kanaleno Lahataꞌala ingka nofoliuꞌe kaꞌosando manusia.

1 Korintus 1:27

Kapaꞌamo Lahataꞌala nepili mie bhohe ne pomatando manusia so daoambanoꞌao mie mande, nepili dua mie monale ne pomatando manusia so daoambanoꞌao mie moꞌosa.

1 Korintus 11:32

Ampamo kaowu ane daeꞌawa kahukumuno Lahataꞌala, ingka nofotangahi keana deꞌawa kahukumu ⸤ suhue dhamani⸥ dapoowa-owa bhe dhunia ini.

1 Korintus 2:14

Mie tapa mandeꞌaono Lahataꞌala nokiido natumahima sabhaha maiꞌaono ne Rohino Lahataꞌala, nokonaemo sanea bhohe. Daanumo miina bhe kapoolinoa nalumosangie, hampano sabhaha maiꞌaono ne Rohino Lahataꞌala naꞌa kaneꞌo dolosangie fahalaano ane dotiisangie noangka ne Rohino Lahataꞌala.

1 Korintus 4:10

Insaodi taobhohe hampano Kristus, tamaka ⸤ ambamiu⸥ hintimiu pandeomu weo kaparasaea ne Kristus. Insaodi taonale, tamaka ⸤ ambamiu⸥ hintimiu moꞌosaomu. Insaodi dobihidhingi kainsami, tamaka ⸤ ambamiu⸥ hintimiu dofosibhalakoomu.

1 Korintus 6:2

Miina mandeꞌaaneomua bhahaa mada kaowu so bhitahakino dhunia ini ingka o umati mongkilono Lahataꞌala? Ane mada kaowu bhitahakiomu dhunia ini, noafa bhahaa miina moolianeomu mebhitahakiomu parakara pata koꞌuluꞌa?

Galatia 1:15

Tamaka hampano kataano lalono, Lahataꞌala nopili kanau mpini weo haebu bhe nobhasi kanau ameompu ne Anoa.

Galatia 4:8

Endefiꞌini miinaꞌo mandeꞌaoꞌomu Lahataꞌala, hintimiu nofobhatuakoomu sabhaha kuasa nefeompuniꞌimiu peda ompu, gahaꞌaitu suano Ompu sakotuꞌuno.

Efesus 1:9

Hampano kapoindalono Wutono, Lahataꞌala nofohato kaitaomu patudhuno nefebunino endefiꞌini. Patudhuno naꞌa tokamo nobhotusie wawo nakoꞌula namangka ne Kristus.

Efesus 3:10

Patudhuno Lahataꞌala, ampa aitu sabhaha mintahano kuasa bhe rohi neangka te antara, damandeꞌaane dua kandalono fehikino Lahataꞌala mangkaꞌano ne umatino.

Kolose 1:19

Kapaꞌamo noposahataa bhe kapoindalono Lahataꞌala, bhahi-bhahiꞌae sifatino Lahataꞌala nosangka dua ne Kristus Anano.

Ibrani 1:14

Ingka o malaꞌekati maitu saneamo rohi meompuno ne Lahataꞌala, andoamo dua netuduno Lahataꞌala daꞌumondofao manusia so metahimano kasalamati.

Ibrani 2:3

⸤ Ane pedamo anaꞌa endefiꞌini, bhemo toha haꞌoleo ini.⸥ Nada amai dalumapa ne kahukumu gahaꞌa ane pae dapokihaꞌiao kasalamati bhalano maitu? Kapaꞌamo kasalamati amaitu kabhao-bhaono nofolelee wutono Ompu, maka mie metingkee padamo dosakusiiane kakotuꞌuno ne intaodiomu.

Ibrani 7:25

Dadiꞌanomo Yesus nopooli nofosangka mpuu kasalamatindo manusia maino ne Lahataꞌala doangka ne Anoa. Kapaꞌamo Anoa nodadi suhue dhamani mbalimo fosambaheaꞌaono ne Lahataꞌala.

Yakobus 4:4

Hintimiu mie kumangkalaꞌino podhandimiu bhe Lahataꞌala. Miina mandeꞌaaneomua bhahaa putae ane posabhangkaomu bhe dhunia modai, ingka membalimoomu kaewano Lahataꞌala? Dadiꞌanomo ane dopoindalo doposabhangka bhe dhunia modai, dohabumo wutondo mbali kaewano Lahataꞌala.

Yakobus 5:15

Sambahea maiꞌaono ne kaparasaea motangka namekaꞌosa mie mosaki aitu, maka Ompu namowanue. Ane bhe dhosano, natiꞌamponimo dua.

Yakobus 5:20

Tandaiꞌeomu wamba aini: mie moolino mosulino mie kodhosa ne metaaꞌano, mie aitu namosalamatimo alusuno mie kodhosa naꞌa maiꞌao ne mate, bhe nabhahi dhosa tiꞌamponiꞌano.