1 Korintus 1:20 - Muna Southern Dialect

²⁰ Kaowu somo ae bhahaa mie kokapande? Somo ae bhahaa mie melangkeno sikolaa? Somo dua ae bhahaa mie kofekihi ne dhunia ini? Kapaꞌamo Lahataꞌala ingka padamo nofotiwohae putae sabhaha kapandeno dhunia ini sanea bhohe.

1 Korintus 1:20 Iomraidhean Croise

Matius 13:22

Wine mondawuꞌano weo kahoku kokihi, maꞌanano mie metingkeno bhoasaono Lahataꞌala, tamaka nobhahi dofekihi so kadadiꞌando bhe nobhohe-bhoheꞌida kahangkaeano dhunia. Kosasawiꞌae naꞌa nopesua weo totono lalondo noꞌontiꞌi bhoasaono Lahataꞌala sampe miina nakohasilia.

Yohanes 12:31

Aitu nohatomo tempono o dhunia dabhitahakiemo, aitu dua Mowano Dhunia ⸤ maꞌanano Kafeompuꞌando seetani⸥ dakumabhambie we simbali.

Tula-tulando rasulu 17:18

Nandoo seemie hodua mie moꞌosano fekihi maiꞌaono ne walakando Epikuros bhe Stoa dopuga-pugau dua bhe anoa. Nandoo mugauno ambado, “Napugauꞌao ae bhahaa mie pande gau maitu, kabhahino wambano!” Tamaka ambado dua sigaoꞌano, “Kao-kaomo nehatoꞌao kafoguhuno dewando koliwuno.” Kapugauꞌando peda maitu mbaꞌinomo netula-tulaꞌao Yesus bhe kawanuꞌando mie mate.

Roma 1:20

Mpini pakatifokonandoono dhunia, o manusia dolosangiemo mpuu putae Anoamo kotu-kotuꞌu Lahataꞌala Kaseemie-mieꞌano bhe kuasano miina nakotompaa suhue dhamani. Sifatino Lahataꞌala ini miina natiwohaa, tamaka notipandeꞌaomo ne sabhaha nefokonandoono. Dadiꞌanomo manusia miina dakotingkua damokantibha wutondo.

Roma 1:22

Doabhi wutondo dopandemo, gahaꞌaitumo dobhohe.

1 Korintus 1:19

Nandoo tibuhino weo Kitabi peda aini, “Timbangindo mie kotimbangi amobinasae, kapandedo mie kokapande amosalie.”

1 Korintus 1:26

Bhahitieꞌiku! Soba feꞌulaiꞌeomu pakatibhasimiu ne Lahataꞌala. Ne pomatando manusia, dofeemie bhahaa mandeno? Dofeemie bhahaa kokuasano tawa maiꞌaono ne kaomu? Ingka miina dabhahia.

1 Korintus 1:27

Kapaꞌamo Lahataꞌala nepili mie bhohe ne pomatando manusia so daoambanoꞌao mie mande, nepili dua mie monale ne pomatando manusia so daoambanoꞌao mie moꞌosa.

1 Korintus 1:28

Mie mepandano kaengkohaꞌa we dhunia ini, mie nepisaki, bhahamo mie tapa kofaha-fahalaano ne pomatano dhunia, nopilida Lahataꞌala so namosaliꞌao melangkeno kaengkohaꞌa ne pomatando manusia.

1 Korintus 11:32

Ampamo kaowu ane daeꞌawa kahukumuno Lahataꞌala, ingka nofotangahi keana deꞌawa kahukumu ⸤ suhue dhamani⸥ dapoowa-owa bhe dhunia ini.

1 Korintus 2:6

Mahinggamo peda naꞌa, ne olotando mie toka motangkano kaparasaea insaodi tapugauꞌao dua wambano kapande. Ampamo kaowu kapande aini suano kapandeno dhunia ini, suano dua kapandedo mintahano kuasa ne dhamani aini, kapaꞌamo kuasando andoa ini naosali.

1 Korintus 2:8

Miina bhe mintahano kuasa ne dhamani aini lumosangino kapande anaꞌa, kapaꞌamo ane dalumosangie, ingka Ompu Kumalabhiano tetewei paise dakumantaiꞌe te sau salipu.

1 Korintus 3:18

Koise bhe bhohe-bhoheꞌino wutono. Ane ne olotamiu itu bhe kofekihino nopande ne pomatano dhunia, naetaa nasumuli naobhohe so nopandeꞌao sakotuꞌuno.

1 Korintus 3:19

Kapaꞌamo nekonando kapande we dhunia ini, sanea bhohe ne pomatano Lahataꞌala. Ingka notibuhi weo Kitabi peda aini, “Lahataꞌala nepake kapandedo mie mande mbali tando kakonaꞌando wutondo.”

1 Korintus 6:2

Miina mandeꞌaaneomua bhahaa mada kaowu so bhitahakino dhunia ini ingka o umati mongkilono Lahataꞌala? Ane mada kaowu bhitahakiomu dhunia ini, noafa bhahaa miina moolianeomu mebhitahakiomu parakara pata koꞌuluꞌa?

Yakobus 4:4

Hintimiu mie kumangkalaꞌino podhandimiu bhe Lahataꞌala. Miina mandeꞌaaneomua bhahaa putae ane posabhangkaomu bhe dhunia modai, ingka membalimoomu kaewano Lahataꞌala? Dadiꞌanomo ane dopoindalo doposabhangka bhe dhunia modai, dohabumo wutondo mbali kaewano Lahataꞌala.