1 Korintus 1:2 - Muna Southern Dialect

² Suha aini so hintimiu umatino Lahataꞌala we Korintus, umati nefekopuuni so Lahataꞌala weo kaseꞌise bhe Kristus Yesus. Nobhasikoomu membaliomu umati mongkilono poowa-owaomu bhe sabhaha mie metondalano ne Ompuntoomu Yesus Kristus ne amai maka dua. Anoamo Ompundo bhe Ompuntoomu dua.

1 Korintus 1:2 Iomraidhean Croise

Tula-tulando rasulu 10:36

Ingka pandeꞌaanemoomu bhihita nefosampeno Lahataꞌala ne miendo Israel. Bhihita metaa naꞌa nofofohatoꞌao pometaaꞌano manusia bhe Lahataꞌala neowano Yesus Kristus, Ompundo kosasawindo manusia.

Tula-tulando rasulu 15:9

Lahataꞌala miina napoꞌala-alaandaa bhe intaodiomu; totono lalondo padamo nofekangkiloe hampano doparasaea.

Tula-tulando rasulu 18:1

Pada aitu Paulus nohunsamo Atena maka nokala we kotano Korintus.

Tula-tulando rasulu 22:16

Dadiꞌanomo noafa gahaꞌa nopoibhahaꞌao lalomu? Ehe, owa wutomu dokadiukoana. Metondala ne Ompu, fekangkilo totono lalomu notiꞌamponiꞌao dhosa-dhosamu!’

Tula-tulando rasulu 26:18

so molosaꞌao matando, neanomo dahumunsamo kahohondo maka damesua we mentaleaꞌano, damaiꞌao ne kuasano Kafeompuꞌando seetani dadumoli ne Lahataꞌala. Neanomo dua dhosando natiꞌamponi hampano kaparasaeando ne Idi, pakade daeꞌawa dawua nefotantuno Lahataꞌala so mie mongkilo.’

Tula-tulando rasulu 9:13

Ambano Ananias, “Ompu, nobhahimo kafetingkeꞌaku mie anaꞌa, notolau kadaino podiuno ne umatimu mongkilono we Yerusalem.

Tula-tulando rasulu 9:14

Kahatoꞌano dua ne ini newowoꞌo suha kuasa maiꞌaono ne meangkaꞌindo imamu nahumakofi mie sumambilino neamu.”

Tula-tulando rasulu 9:21

Kosasawindo metingkeno domente ambado, “Ingka miemo anoa ini mobinasano mie sumambilino neano Yesus we Yerusalem endefiꞌini! Pakade kahatoꞌano ne ini patudhuno nahumakofi mangkafino Yesus naowaꞌida ne meangkaꞌindo imamu.”

Roma 1:7

Suha aini so hintimiu meateno we Roma, nemoasiꞌaono Lahataꞌala, toka nebhasino membaliomu umatino mongkilono. Sio-siomo sadhia napobhaiangkoomu kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus.

Roma 10:12

Kapaꞌamo miina bhe poꞌalaꞌano miendo Yahudi bhe bansano liwu sigaoꞌano. Lahataꞌala Kaseemie-mieꞌano, o Ompundomo kosasawindo manusia. Anoamo mefosampuno kabarakati pontalabhi-labhino ne mie metondalano.

Roma 3:22

Kafotahimaꞌano Lahataꞌala peda mie banara naꞌa noangka weo kaparasaea ne Yesus Kristus. Kaangkaꞌa aini notilengka so kosasawindo manusia, hampano manusia miina dapoꞌala-alaa.

Roma 8:28

Ingka dopandeꞌaanemo, ne kadhadhia ae maka dua Lahataꞌala nokahadhaa so kaetaaꞌano mie moasiane, mie toka nebhasino posahataa bhe patudhuno.

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

1 Korintus 10:32

Ne kodadimiu koise mehabuomu kakodhosaꞌando mie bhaimu, naetaa miendo Yahudi, naetaa miendo Yunani, tawa umatino Lahataꞌala.

1 Korintus 12:27

Hintimiu itu saneamo mbadhano Kristus, seemie-seemie ingka o katokanomo.

1 Korintus 8:6

tamaka so intaodiomu ampamo Lahataꞌala Kaseemie-mieꞌano, Amantoomu. Anoamo mokonandoono bhahi-bhahiꞌae, dadintoomu somo dua Anoa. So intaodiomu Ompu seemie-mieno dua, Yesus Kristus. Noangka ne Anoa bhahi-bhahiꞌae dofokonandooꞌe, hampanomo dua Anoa kadadiꞌantomoomu.

2 Korintus 1:1

Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala, bhe nomaiꞌao dua ne Timotius bhahitientoomu. Apakatue so umatino Lahataꞌala we Korintus bhe kosasawindo umati mongkilono we kosekaꞌewaꞌae kadieno Akaya.

2 Korintus 4:5

Nefosampe mani ini suano bhihitano wuto mani, tamaka bhihitano Yesus Kristus, Anoamo Ompu. Insaodi taembali palima-limamiu hampano tafeompu ne Yesus.

Galatia 1:2

Suha aini nomaiꞌao dua ne kosasawindo bhahitie marasaeano pobhai kanau we ini, so umati setobu-setobu we kadieno Galatia itu.

Efesus 5:26

Kristus nohabu peda naꞌa so namekangkiloꞌao umatino. Dhosando padamo nofekanggelaanda kakadiu sarani bhe bhoasaono.

1 Tesalonika 1:1

Suha aini nomaiꞌao ne insaodi Paulus, Silwanus bhe Timotius. Tapakatue so hintimiu umati we Tesalonika, umatino Lahataꞌala Amantoomu seꞌiseno bhe Ompu Yesus Kristus. Sio-siomo napobhaiangkoomu kabarakati bhe katohopono dadi.

1 Tesalonika 4:7

Kapaꞌamo Lahataꞌala miina nafosaliꞌi dadumadi pokawite-wite, tamaka dadumadi mongkilo.

2 Tesalonika 1:1

Suha aini nomaiꞌao ne insaodi Paulus, Silwanus bhe Timotius. Tapakatue so hintimiu umati we Tesalonika, umatino Lahataꞌala Amantoomu seꞌiseno bhe Ompu Yesus Kristus.

1 Timotius 2:8

Dadiꞌanomo gaoku mpuu, ne amai maka dua o moꞌane dasumambahea datumanampe limando mongkilono, koe doꞌamahaa, koe dopotaga-tagalia.

1 Timotius 3:15

Tamaka ane pae apikihatoko, ingka pandeꞌaanemo nada amai tabeano dadindo mie weo polambuno Lahataꞌala, aituꞌaemo umatino Lahataꞌala dumadino. Intaodiomu umati marasaeano ini tapedamo sandi bhe kampana mekatangkanomo seꞌonu lambu, hampano dofintahaki bhe dodambaꞌao kafoinaꞌuno kabanara.

2 Timotius 1:9

Anoamo mosalamati kaita, Anoamo dua bhasi kaita so dadumadi mongkiloꞌao. Katifosalamatiꞌantoomu suano mbaꞌinomo habu metaantoomu, tamaka nengkoha ne patudhu bhe rahamatino Wutono. Rahamati aini nowaꞌa kaitae noangka ne Kristus Yesus, mpini miinaꞌo natifokonandoo dhunia.

2 Timotius 2:19

Ampamo kaowu sandi bhalano nefongkohano Lahataꞌala nomatangka. Te wawono notibuhi bhoasao peda aini, “Ompu nopandeꞌaanda ndo laꞌae fehebuaꞌano”, pakade dua, “Sasuka sumambilino neano Ompu tabeano nahumunsa podiu modaino.”

2 Timotius 2:22

Dadiꞌanomo fekakodoꞌoe nafusuundo kahangku dadi, uleiꞌe lalomu angkafi kapoindalono Lahataꞌala, fekatangkae kaparasaeamu, dadi weo kanini kaasi bhe kapometaa bhe mie bhaimu. Dadimo peda anaꞌa bhe mie metondalano ne Ompu maiꞌao ne totono lalo mongkilono.

Ibrani 10:10

Hampanomo kapoindalono Lahataꞌala nedhalangino Kristus naꞌa, intaodi dofekangkilo kaitaomu maiꞌao ne sabhaha dhosa, noangka ne kapopangano wutono Yesus Kristus, sepaku kaowu ampa suhue dhamani.

Ibrani 13:12

Kanandooꞌanomo dua, Yesus nomate we simbalino kagualino kota, mbali nofekangkiloꞌao umatino noangka ne tuhuno heano Wutono.

Ibrani 2:11

Anoa mefekangkilono manusia maiꞌao ne dhosa bhe manusia nefekangkilo, saneamo doseama. Kanandooꞌanomo Yesus miina naoambanoa nokonada bhahitieno.

Yudas 1:1

Suha aini nomaiꞌao ne Yudas, palima-limano Yesus Kristus bhe bhahitieno Yakobus. Suha aini abuhie so kosasawindo mie nepili bhe nemoasiꞌaono Lahataꞌala Amantoomu bhe nedambaꞌao so Yesus Kristus.

Powoha 19:16

Ne dhubano bhe ne faꞌano notibuhi nea peda aini, Omputo sabhaha omputo, Kafeompuꞌandomo sabhaha kafeompuꞌa.