1 Korintus 1:12 - Muna Southern Dialect

¹² Nepulaoꞌaoku peda aini: hintimiu itu seemie-seemie nopugau, “Idi ne wetano Paulus”, “Idi ne wetano Apolos”, “Idi ne wetano Petrus”, bhe nandoo dua mugauno, “Idi ne wetano Kristus.”

1 Korintus 1:12 Iomraidhean Croise

Matius 23:8

Tamaka hintimiu koise undaomu dakumonakoomu guru, kapaꞌamo seemie kaowu gurumiu; kosasawimiu itu sebhahi-bhahitieꞌomu.

Yohanes 1:42

Andreas noowamo Simon ne Yesus. Yesus noꞌondo Simon bhe nopugau ambano, “Hintu Simon anano Yohanes; dakumonako Kefas, nopototo bhe Petrus ⸤ maꞌanano o kontu dempa⸥ .”

Tula-tulando rasulu 18:24

Wakutuu anaꞌa tanohatomo dua seemie Yahudi we kotano Efesus, neano Apolos, nomaiꞌao we kotano Aleksandria. Anoa ini pande wamba bhe nopoolie iꞌino Kitabi.

Tula-tulando rasulu 19:1

Tangasano Apolos nandooꞌe we Korintus, Paulus nopalintangimo tombuno kabhawo weo kadie aitu maka nohato we kotano Efesus. Ne itu nopoꞌawaꞌao seemie hodua mie mangkafino Yesus.

1 Korintus 1:11

Kapaꞌamo bhahitieꞌiku, dofohato kanau mieno polambuno Kloe putae nandoo potaga-tagaliꞌa ne olotamiu itu.

1 Korintus 15:5

Pada anaꞌa nofotiwoha Wutono ne Petrus maka ne anaguhuꞌino ompulu hoduano.

1 Korintus 15:50

Bhahitieꞌiku, nepulaoꞌaoku peda aini: o dagi bhe hea pae bhe kapooli namesua weo Kafopahintaꞌano Lahataꞌala; o mbadha so binasano pae bhe kapoolia naeꞌawa dawu ne dadi so pata binasano.

1 Korintus 16:12

Pedamo dua bhahitientoomu Apolos, ingka afendu-fenduaꞌemo afeꞌulaiane namai we hintimiu napoowa-owa bhe bhahitie sigaoꞌano, tamaka miina sepaliꞌa naꞌumundaa namai haꞌoleo ini. Ane bhe kasalawa metaa tetewei namai dua.

1 Korintus 4:6

Bhahitieꞌiku! Newambaku ini aesandaha ne Apolos bhe wutoku so kaetaaꞌamiu, neanomo naembali metuadaomu bhe poguhuomu maꞌanano wamba aini, “Koe liuꞌea tubho toka tibuhiꞌano!” Ane nada anaꞌa, ne olotamiu itu pae bhe mie nesangke-sangkemiu nalumiuꞌe mie bhaino.

1 Korintus 7:29

Patudhuku peda aini: tempono dhamani aini tamo seendai. Dadiꞌanomo ne katumpono wakutuu aini mie kohobhineno naetaa nadumadi kao-kaomo miina bhe hobhineno;

1 Korintus 9:5

Bhahaa miina takohakua taewoowa bhe hobhine mani mie marasaeano peda nehabundo rasulu sigaoꞌano, bhahitieno Ompu Yesus bhe Petrus dua?

2 Korintus 10:7

Ingka taꞌondoomu kaowu tiwohoꞌano ne wisemiu! Ane seemie nokotu-kotuꞌu noabhi wutono fehebuaꞌano Kristus, naetaa namekihi totono lalono, ingka gahaꞌa insaodi dua ini fehebuaꞌano Kristus tapedamo anoa.

2 Korintus 9:6

Tandaiꞌeomu! Mie meꞌewino seendai tantumo natumobhe seendai dua, mie meꞌewino nobhahi teteweimo nabhahi dua natumobhea.

Galatia 2:9

Dowoha kaowu rahamati netahimaku so aembaliꞌao rasulu, maka Yakobus, Petrus bhe Yohanes dopointaha lima kanaumo bhe Barnabas dua, peda tandano pobhahitie. Andoa ini ingka kapasandeꞌandomo mie marasaeano. Tapoꞌunda-undapianemo insaodi taefolele Bhihita Metaa ne mie suano Yahudi, andoa daefolele Bhihita Metaa ne miendo Yahudi.

Galatia 3:17

Patudhuno sandahaku saꞌituini peda aini: dhandino Lahataꞌala toka nehabuno maitu pae bhe kapoolia namosowoe tawa namekatembee tubhono agama Yahudi. Kapaꞌamo atorano agama Yahudi naꞌa ⸤ netubhono anabii Musa⸥ kaneꞌo nonandoo nopalusi fato moꞌono tolu fulu taꞌu nokundo Abraham.