1 Korintus 1:10 - Muna Southern Dialect

¹⁰ Bhahitieꞌiku! Aesalo mpuu ne hintimiu weo neano Ompuntoomu Yesus Kristus, sekakolaloomu! Koise bhe powengke-wengkeꞌa ne olotamiu, tamaka fekamatangka kaseꞌisemiu, sefekihiomu.

1 Korintus 1:10 Iomraidhean Croise

Matius 9:16

Ane detabha nggasi, miina bhe mepakeno kabhini buꞌou pataꞌo mokuhuno. Kapaꞌamo kabhini medano aitu nahumela nggasi maitu, sampe nadhumulu kabhensino.

Markus 2:21

Ane detabha nggasi, miina bhe mepakeno kabhini buꞌou pataꞌo mokuhuno. Kapaꞌamo kabhini medano aitu nahumela nggasi maitu, sampe nadhumulu kabhensino.

Markus 3:24

Ane mie neowano seemie omputo pae daseꞌise, liwu aitu pae natumahaa.

Yohanes 10:19

Hampano pugauno Yesus maitu miendo Yahudi dewalamo, tadopotaga-tagalimo.

Yohanes 17:23

Idi aseꞌise bhe andoa, Hintu seꞌise bhe Idi, neanomo nasumangka mpuu kaseꞌisendo. Ane nada naꞌa dhunia damandeꞌaane Hintumo tumudu kanau, Hintumo moasianda peda kaasimu ne Idi.

Yohanes 7:43

Maka mie bhahi dewala dopotagaliꞌao Anoa.

Yohanes 9:16

Seemie hodua miendo Farisi dopugaumo ambado, “Tetewei mie anaꞌa miina namaiꞌao ne Lahataꞌala, kapaꞌamo miina namiarae oleono Sabat.” Sigaꞌa dopugau dua ambado, “Nada amai bhahaa mie kodhosa nehabu tanda timenteꞌaono peda ini?” Sampe dewalamo dopotaga-tagali sapada-pada andoa.

Tula-tulando rasulu 4:32

Kosasawindo marasaeano doseꞌise, dosefekihi bhe dosekakolalo. Bhe naseemie miina bhe kumonano fehebuaꞌano so wutono kaowu, tamaka fehebuaꞌano seemie mbalimo dua fehebuaꞌando kosasawindo.

Roma 1:13

Bhahitieꞌiku! Gaoku mandeꞌaaneomu putae nentuhumo akopatudhu amai aꞌumondokoomu, tamaka taꞌampamo aitu sadhia bhe kapaleiku. Gaoku mpuu kahadhaaku ne olotamiu itu nakohasili dua peda ne bansano liwu suano Yahudi we liwu sigaoꞌano.

Roma 12:1

Dadiꞌanomo bhahitieꞌiku, hampano kataano lalono Lahataꞌala, aesalo mpuu ne hintimiu, owaomu mbadhamiu peda kapopanga dumadino, mongkilono bhe mekaꞌiano lalono Lahataꞌala. Nadamo aini tabeano kofeompumiu sakotuꞌuno ne Lahataꞌala.

Roma 12:16

Pometa-metaaꞌomu, koise nelangke diumiu tamaka posabhangkaomu bhe mie mepandano kaengkohaꞌa, koise abhi wutomiu mie mande!

Roma 15:30

Bhe Ompuntoomu Yesus Kristus, bhe kanini kaasino Rohino Lahataꞌala, aesalo mpuu ne hintimiu dapoowa-owaomu bhe idi dasumambaheaꞌomu sampuu-mpuuno lalo ne Lahataꞌala so idi.

Roma 16:17

Bhahitieꞌiku, aesalo mpuu posiꞌondoomu ne mie meowano powengkeꞌa weo umati bhe kakodhosaꞌando mie marasaeano. Aitu nopoꞌala bhe kafoinaꞌu toka netahimamiu. Dadiꞌanomo gampiandaomu.

1 Korintus 1:11

Kapaꞌamo bhahitieꞌiku, dofohato kanau mieno polambuno Kloe putae nandoo potaga-tagaliꞌa ne olotamiu itu.

1 Korintus 11:18

Kabhao-bhaono, ingka afetingke ane poꞌawa-awaomu weo hompuꞌando umati nandoo bhe powengke-wengkeꞌa ne olotamiu, maka fenaiku bhihita aini nandoo kumotuꞌuꞌano.

1 Korintus 12:25

Patudhuno keana nonandoo powengke-wengkeꞌa weo mbadha, tamaka sabhaha katoka poꞌala-alano maitu napototo kapoꞌondo-ondofaondo.

1 Korintus 3:3

kapaꞌamo nandoo nokuasaikoomu kapoindalono dhunia. Ane ne olotamiu nandoo pokondu-konduaꞌao lalo bhe potaga-tagaliꞌa, ingka nokomaꞌana nandoo nokuasaikoomu kapoindalono dhunia, ingka tanopototomo bhe mie bhaimiu ne dhunia ini.

1 Korintus 4:16

Dadiꞌanomo aesalo mpuu, angkafiomu sandaha nefotiwohaku!

2 Korintus 10:1

Idi, Paulus, bhe nemesaloku. Ambado miina aokado apugau ne wisemiu, aokado kaowu apugau ane apokodoꞌotiangkoomu. Aitu hampano kamaluno bhe kataano lalono Kristus,

2 Korintus 13:11

Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

2 Korintus 13:9

Kapaꞌamo nowula lalo mani ane taonale tamaka hintimiu moꞌosaomu. Ingka ainimo sadhia nesambaheaꞌao mani neanomo nasumangka dadimiu.

2 Korintus 5:20

Dadiꞌanomo insaodi ini katuduno Kristus, kao-kaomo wutono Lahataꞌala tumangahikoomu noangka kaowu ne insaodi. Weo neano Kristus taesalo: owaomu wutomiu napometaaꞌangkoomu Lahataꞌala bhe Wutono.

2 Korintus 6:1

Peda mie kumahadhaano bhe Lahataꞌala, taesalo mpuu koise fosia-siaꞌeomua rahamatino Lahataꞌala toka netahimamiu.

Galatia 4:12

Bhahitieꞌiku, aesalo mpuu membaliomu nada idi ini, kapaꞌamo idi padamo dua aembali peda hintimiu itu ⸤ wakutuu aeate bhe hintimiu⸥ . Ampa aini miinaꞌo bhe kaꞌalamiu ne idi.

Filipi 1:27

Ampamo kaowu, kodadimiu tabeano naposahataa bhe wambano Bhihita Metaano Kristus. Ane nada anaꞌa, naetaa amai amohakoomu toha, naetaa pae amai ametingke kaowu bhihitamiu, tetewei amandeꞌaane putae notangkamo kofindamiu, sepatudhuomu, sekakolaloomu poewangiomu so kaparasaea ne Bhihita Metaa.

Filipi 3:16

Ampamo kaowu, kafoinaꞌu banara toka netahimantoomu, naetaa damangkafieꞌomu kansuhu.

1 Tesalonika 5:13

Feompuniꞌida mpuu weo kanini kaasimiu hampano kahadhaando. Sadhia dadi pometa-metaaꞌomu.

2 Tesalonika 2:1

Bhahitieꞌi, aitu tapugauꞌao kahatoꞌano Ompuntoomu Yesus Kristus bhe so katifohompuꞌantoomu bhe Anoa. Taesalo mpuu ne hintimiu,

1 Timotius 5:21

Aitu aefeꞌulaiangko, ingka bhe wutono Lahataꞌala bhe Kristus Yesus bhe malaꞌekatino tipilino mandeꞌaane: angkafie sabhaha kafoinaꞌu aini, koe poꞌala-alaanda miea, koe dua nobhie seweta weo timbangimua.

2 Timotius 4:1

Nandoo so nefeꞌulaiꞌaoku ne hintu, ingka bhe Lahataꞌala mandeꞌaane, bhe Kristus Yesus so bhitahakino dumadino bhe mateno. Anoa nasumuli namai maka namahinta nada seemie Omputo. Dadiꞌanomo aefeꞌulaiangko,

1 Petrus 2:11

Bhahitieꞌiku timoasiꞌaono! Ngkoha-ngkohamiu te dhunia ini kanggetu mie humampe bhe mie meateno ne koliwuno. Dadiꞌanomo aesalo mpuu, koise angkafiomu kapoindalono wuto, kapaꞌamo sadhia nopoewangi bhe kapoindalono alusu.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.