Taitas 3:5 - Madak

⁵ la neni ga lox arooro dik. Neni goxo lox arooro dik mumu leven gugu nunuan atdik; ketla neni ga balamu gamasa mun dik. Lebelemumu ren ni lavasuun at loklox arooro ren. Moroa ga lox arooro dik keretna; Loroonan Kaala ren ga gos kepe vam leveloklok kakapmek atdik la ga raba dik mi livipisik amaxat.

Taitas 3:5 Iomraidhean Croise

Sam 130:7

Leme Israel, mina nuunu saga at Leeme Silok atla, labalamu ren naba nemen lexen, la neni i vavara amisik i xusu nak lox aroo su limixin basinge leveloklok kakapmek.

Sam 143:2

Nenia lasaxaruki ram, kuren la uguta lok li ia at loklok tongpen; atla kopmen teta ip sepsen at lamaram.

Sam 51:10

O Moroa, una lox amaxat labalak, la una lox aumsu lorooro rak mi lodoxoma maxat mo ik mokso.

Sam 62:12

la labalamu ren i tu amisik. O Leeme Silok, nenu xusuk mun, um taba luunun ti legetgesa radi i epovo xa at leven gugu mi leveloklok teren.

Sam 86:15

Ketla nenu ne Moroa la Leeme Silok tarak, u ruuna lebelemumu la labalamu lexen, uk lox atnaasan, uk belen tuntun, la u ruturun amisik ti limixin taram.

Sam 86:5

Uk lok luvukat tinema la um doxoma xepe laxapmek atnema, la u umsu mi labalamu lexen tinedi axap no di ngising parav u.

Metiu 3:11

La ne Jon ga lok bok, “A sep susu nemi mi ladan kusu mina lox asuusu i do mira leeng pam basinge leveloklok kakapmek atnimi; ketla lara mo naba mumu bok ba rak. Neni naba sep susu nimi mi Loroonan Kaala la laxao ri limixin tongtonga xepe. Lololos teren i volo lololos tarak. Axo epovo kusu anap kip luvanga vatpas teren mila i silok aleng tia.

Lagale Lavavang At Ne Iesu Karisito Luk Ga Malagan i 1:50

I lox asuusu labalamu ren tinedi di lok ngangao ren at laraola axap.

Lagale Lavavang At Ne Iesu Karisito Luk Ga Malagan i 1:54

Ni ga doxoma lavapaase alii ren ga lox i rinedi lavalabat atnama, la ira lok tooro lubungmixin teren me Israel, nedi lavasaxaruki ren.

Lagale Lavavang At Ne Iesu Karisito Luk Ga Malagan i 1:72

Ni ga lox empana lavapaase alii ren ni ga lox i ri lavalabat atdik la kerepmo i lox asuusu labalamu ren tidi.

Lagale Lavavang At Ne Iesu Karisito Luk Ga Malagan i 1:78

Neni ba lox i na mila ne Moroa atdik i umsu mi labalamu silok; kuren la ni naba riki asi Lanarong teren kusu na ravasu ude ri na lavatbung menemen ti lox arooro limixin.

Lovoang At Ne Pol Ti Limixin Nunu to Rom 11:14

Nia a lok do mo lugugu rak naba lok bok limixin tinotno rak dinaba vaase mumu ia, kuren la anaba lox epovo i xusu ana lok ka amlong teventaba atdi.

Lovoang At Ne Pol Ti Limixin Nunu to Rom 11:6

Losoksoxolik teren i tu at letaba nabalamu ren, la kopmen do at levempanga nedi diga lox i. Do losoksoxolik at ne Moroa gita ru at levempanga luvuttadi dik lox i, giba lok ngan do letaba nabalamu ren, kopmen tugugu ren.

Lovoang At Ne Pol Ti Limixin Nunu to Rom 12:2

Nemen gat mita reven seo at laxaloklok at na lavatbung menemen, ketla mina ke ne Moroa na lox ekun levendoxoma atnemi mi lodoxoma ren kusu miba ravasu ngan luvuttadi maxat at levempanga mik lox i, la minaba epovo ba xusu mina long lenget ka lodoxoma at ne Moroa ri levempanga i lox avukat la ik lox amomo i la ik mokso.

Lovoang At Ne Pol Ti Limixin Nunu to Rom 3:20

Kuren la kopmen tinotno taradi go, neni na mumu asu rinotno leventaangas at Lenavolo kusu ni na vee ngan laradi mokmokso at lemeren ne Moroa; la mo levempanga Lenavolo ik lox i, ik lok laradi xusu neni nabaklen i do neni ira lok pam laxapmek.

Lovoang At Ne Pol Ti Limixin Nunu to Rom 3:28

La ata vaase box i xeretna do, laradi i sepmus basinge laxakapmek teren, mumu mun lunuunu la kopmen do mumu leventaangas at Lenavolo.

Lovoang At Ne Pol Ti Limixin Nunu to Rom 4:5

Do laradi xopmen na nuunu saga at leven gugu neni ik lox i, ketla i nuunu at ne Moroa mo i lox asepmus limixin dik lok laxakapmek, lunuunu mun teren i lox i la ne Moroa i siam kaka i ngan laradi mokmokso.

Lovoang At Ne Pol Ti Limixin Nunu to Rom 9:11

Ketla avot at livipisik at na lumdak kopla du gita lok tempanga avukat kopla tempanga xapmek, ne Moroa ga lox avot be losoksoxolik teren kusu mo losoksoxolik teren naba tu at lodoxoma ren.

Lovoang At Ne Pol Ti Limixin Nunu to Rom 9:16

Loklok at laradi noxo lox i xusu ne Moroa naba soxolik ka i, ketla lebelemumu xusuk mun at ne Moroa.

Lovoang At Ne Pol Ti Limixin Nunu to Rom 9:30

Ataba tong ka toxolinga salai? Do limixin kopmen di me Israel, nedi di goxok lok tong i xusu dinak mokso at lemeren ne Moroa, ketla diga sepmus mene mumu lunuunu atnedi.

1 Korin 6:11

Lentaba atnimi digak lok kerepmo. Ketla ne Moroa ga gos nemi axap basinge laxakapmek atnimi; la nemi xa ga ravasu ngan limixin dadat at ne Moroa; la at laasen mun at Leeme Silok ne Iesu Karisito la mi Loroonan mun at ne Moroa, neni ga lox asepmus nimi basinge loklok kakapmek.

Galesia 2:16

Ketla nema leme Judaia maklen i do, laradi mun i nuunu at ne Iesu Karisito, neni mun i sepmus basinge loklok kakapmek, la kopmen do i mumu asu Lenavolo. La kerepmo bok ma nuunu at ne Iesu Karisito xusu manaba sepmus basinge loklok kakapmek, kopmen do ti mumu asu Lenavolo. Ana kopmen noxo ravasu at loklok ti mumu asu Lenavolo, atla kopmen teta naba sepmus basinge loklok kakapmek do neni na mumu asu mun Lenavolo.

Epesas 2:4

Ketla ne Moroa i umsu mi lebelemumu, ga lox asu langsangan labalamu ren tidik,

Epesas 4:23

La miga lox ase kusu levendoxoma atnemi na maxat.

Epesas 5:26

Neni ga lox i xuren kusu ri lox adadat di basinge laxakapmek. Ni ga lox adadat di mi levelinga ren i ngan ladan.

Kolosi 3:10

la miga sang ka lorooro maxat, mo ne Moroa ik lox amaxat amisix i mi lakleklen teren kusu miba lok ngan lampoovo at ne Moroa, lanat tuntudum li.

2 Timoti 1:9

Neni ga lox arooro dik la ga ro ka dik kusu ataba lok ngan limixin teren. Kopmen mumu levempanga dik gara lok pam i; ketla at lavavara ren, i lok ngan letaba nabalamu ren tidik keneng at ne Iesu Karisito; ni ga raba dik mi na letaba nabalamu avot ti luruntudum li at na lavatbung menemen.

Taitas 3:4

Ketla loklok nunuan la labalamu at ne Moroa, Laradi Loklox Arooro atdik ga rupot,

Ibru 10:22

Kuren la mina vosiga ne Moroa do lebelen nimi irak mokso vam la lunuunu atnimi irat matkun pam la lebelen nimi xopmen tusumsuma xapmek teren mila ne Moroa ga lox adadat pam nimi kerekngan di gos labantuxu atdik mi ladan i nunuan.

Ibru 4:16

Kuren la nemen dik guta marat kusu tana vot pasa ne Moroa mi lodomdoma atdik mila neni i umsu mi lebelemumu la nedik taba ruuna ka letaba nabalamu ren la loklok tooro do nedik atak pakes tin.

1 Pita 1:3

Ata emi asu mi ne Moroa neni ne Temen, Leeme Silok atnedik ne Iesu Karisito, mumu mun lebelemumu silok teren tinedik, la neni ga lox arooro xaka amlong ne Iesu Karisito basinge lanmet kusu ri raba nedik mi lorooro maxat. La nai, ik suxa nedik mi lodoxoma voovo ri lorooro avolo.

1 Pita 2:10

Ketla avot be at na, nemi goxo ngan limixin at ne Moroa, ketla amo nga nemi mi lok ngan limixin teren; i ngan bok gano nemi mi goxoklen lebelemumu at ne Moroa, ketla amo nga, mira ruuna ka vam lebelemumu ren.

1 Pita 3:21

la ga lok ngan neni lampoovo at lesep susu, ana nga nemi bok mi roo suu ren. Ni xopmen do rit gos kepe laxakapmek at labantuxu, ketla neni laxakaape mi lox i ri ne Moroa mi lodoxoma avukat. La neni na i lox aroo nemi mumu mun lorooro xat amlong at ne Iesu Karisito,