Taitas 3:4 - Madak

⁴ Ketla loklok nunuan la labalamu at ne Moroa, Laradi Loklox Arooro atdik ga rupot,

Taitas 3:4 Iomraidhean Croise

Lagale Lavavang At Ne Iesu Karisito Luk Ga Malagan i 1:47

lorooro axap tarak i umsu mi lomomo mila ne Moroa neni Laradi Loklox Arooro rak,

Lovoang At Ne Pol Ti Limixin Nunu to Rom 2:4

Kopla mi doma abalalak mene nom langsangan labalamu ren, mi loklok mulus teren la kopmen ni noxo ila mumu soso loklok atnimi. Tuturun miklen i do ne Moroa i lox avukat, atla ni i vara i do mina ven kisiv i nom la mina leeng.

1 Timoti 1:1

Nenia ne Pol, laradi vavang at ne Iesu Karisito, mo nedik ta doxoma voovo rin. Nedu mi ne Moroa, Laradi Loklox Arooro atdik, duga soxolik ka ia ri na lugugu.

1 Timoti 2:3

Ana i lox avukat la i lox amomo aleng ne Moroa, Laradi Loklox Arooro atdik.

1 Timoti 4:10

Ni lavasuun teren la dik ata gugu lolos la atam tabaavat, mila dik ta lok li vam lodoxoma voovo atdik at ne Moroa mo i rooro, neni Laradi Loklox Arooro at limixin axap la atnedi bok di nuunu.

2 Timoti 1:10

Ketla ne Iesu Karisito ga rupot pam de at na lavatbung menemen, la ga lox asuusu vam nom letaba nabalamu ren ngan Laradi Loklox Arooro atdik la ni ga lox axap lololos at lanmet. La at na levelinga at Lagale Lavavang ni ira lox asuusu vam lorooro avolo.

Taitas 1:3

La neni ga malagan katling na levenaleng kusu neni na lox asuvos na levelinga mumu lorooro avolo ri limixin; la neni ga soxolik ka ia xusu nenia ana tong asu nom levelinga ren. Neni ne Moroa la neni Laradi Loklox Arooro atnedik.

Ibru 9:26

Do ne Karisito gita mumu mo loklok, neni gitaba suma amisik losongsongot, ga ru ka i at lavakpaxaru kaxat at na lavatbung menemen. Ketla at na levenaleng kavaxap, ne Karisito ga vot gesara mun kusu na raba lorooro ren ngan laplavang ti lok kepe laxakapmek la ti lox arooro dik basinge lololos at laxakapmek.

1 Pita 2:3

I ngan Lovoang Kaala i tong i xeretna, “Nemi xa miga long terex i do lebelemumu at Leeme Silok i lox avukat.” Sam 34:8