Taitas 3:2 - Madak

² la di noxo paase xapmek mumu tara; ketla limila na nemen at lebelen di; dina balamu limixin; la dina lok ngangao ruturun at limixin axap, limixin nuunu la limixin bok maxamang at lotu.

Taitas 3:2 Iomraidhean Croise

Sam 140:11

A vara i do nedi mo dik sok taba lentaba vetpes mi levelinga xaxarang, di noxo lox epovo tekot; la a vara i do laxapmek na suxuna limixin sepsep, la na sev amet di.

Metiu 11:29

Mina siam ka loklok tarak la mina ronga ka levenanasa rak; mila lorooro rak i umsu mi loklok mulus mene, kuren la miba lok ka loklox amas ti labaroonan atnimi.

Leven Gugu 23:5

Pol ga vorang i ridi, “Luvutnetak, nia axoklen i do neni lamaasa gomgo. Levelinga ik lok to xeneng at Lovoang Kaala i lok keretna, ‘U noxo vaase kapmek ti laradi gomgo at limixin.”

1 Korin 6:10

La nedi dip kip pilo mi loklok ti belagaao, kopla di inin tangtangku, la dik lox asi lentaba mi levelinga, kopla dip sep paxat ka lempanga, kopmen tara atdi noxo ruuna ka toxot to xeneng at Linintoo at ne Moroa.

1 Korin 9:19

Nenia laradi sepmus mun, ketla nenia a lox ia ngan lasaxaruki at limixin axap kusu anaba lok ka buaang nedi limixin ukeneng, kusu dina nuunu at Lagale Lavavang at ne Iesu.

2 Korin 10:1

Nenia ne Pol; a sing nimi, mi mo loklok mumulus la loklox atnaasan at ne Iesu Karisito. Do nia a nemen eburu minimi, mi lok do nenia ne Pol ak lok mumulus mene; ket do a nemen paxalom basinge nimi, mi lok do nia a paase lolos tinimi.

2 Korin 12:20

A marat do at loxonaleng nia ana vot dom, aba long lenget nemi do mira lok petpes aleng pam ti lodoxoma nia a vara i do mibap tuvuk kuren; la nemi bok miba long lenger i do nenia bok aba lok petpes ti lodoxoma nemi miga vara i do nia aba lok kuren. A marat do aba ven lenget levenedak la levereven peves la levenmukmusak la levenekarakat la lavapaase nemnem la loklox asilok patlak la levempanga xopmen na sixit nunuan keneng at lotu.

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Galesia 6:1

Luvutnetak mi luvurinuk. Amo dola limixin nuunu dina long terek tara xantubu atdi do neni i lok tavanga i lok kapmek, nemi limixin tongtonga res at Loroonan Kaala, mina lox akmokso mo laradi; ketla mina lox i mi lumulus. La mina lok tatao avukat lorooro atnemi axa, kusu mo laxakapmek teren noxo lok tong pen nemi.

Galesia 6:10

Kuren la amo nga nedik move di ruuna levenaleng, i lox avukat do atanak lok loklok i lox avukat ti limixin axap, i ngan tinedi rinotno bok dik lox eburu minedik keneng at lunuunu atnedik.

Epesas 4:2

Lorooro axap atnimi na umsu mi langsangan loklok ngangao la loklox anare; mina nemen mulus mene la mina lox asuusu labalamu rinedi di lok laxakapmek.

Epesas 4:31

Nemi mina lok kepe axap loklok ti lebelen kapmek, lebelemamao, lumukmusak, loxoxo xaka, lavapaase mumu, la mo axap leveloklok kakapmek.

Pilipai 4:5

Mina lox ase limixin axap mi loklok mulus mo i umsu at lorooro atnimi. Noxo lox abao la Leeme Silok naba vot.

1 Tesalonia 2:7

Ketla nema luvuttadi vavang at ne Iesu Karisito; la keneng at na maga epovo ri sing panga nimi, ketla ma goxo lox i xuren. La ma goxo paase lolos tinimi, ketla loklok atnama gak lok mulus atnaasan mun kerekngan latkin i lok tatao laxamdak mi laxaalik kakalik teren.

1 Timoti 3:11

Lavakin bok atdi dinap tuvuk nunuan la di noxo tere mumu, ketla dinat kis atnaasan mun la dina ruturun at levempanga axap.

1 Timoti 3:3

neni ixo inin tangtangku mi levengkadan lolos la kopmen nak musak soso, ketla neni it kis atnaasan la lorooro ren i umsu mi lumumulus la limila; neni ixo vara solo ri levempilas;

Jems 3:17

Ketla nedi limixin di ruuna lodoxoma at ne Moroa, di ruuna loklok keretna. Lara avot, luruptuvuk atdi i dadat, limila i nemen kantubu atdi, loklok mulus bok mo, la ding tonga res at lentaba vetpes; di umsu mi lebelemumu la dik lox amisik leveloklok nunuan. La di ke xepe loklok tik lox asi tara, la loklok kaxarang.

Jems 4:11

Luvutnetak mi luvurinuk. Nemen mita vaase asi tara kantubu atnimi mi tevelinga. Do taradi i vaase asi neton mi levelinga, kopla na ila mumu loklok teren, i lok ngan ta do i ronga xepe Lenavolo at ne Moroa la i lox asi i. Do mina vaase asi levelinga at ne Moroa, kopmen mina ronga res teren, la mi lox asi i.

1 Pita 2:1

Kuren la mina lok pes laxaloklok kakapmek basinge nemi; la nemen bok ba mita xaxarang, kopla mina lili aage levelinga, la mina reven peves, kopla mina lox asi tara mi levelinga.

1 Pita 3:10

I ngan Lovoang Kaala i vaase i xeretna, “Do nege i vara i xusu na ruuna lorooro nunuan, la i vara i xusu neni na ven levenaleng avukat, neni na ke xepe lavapaase kapmek, la na xav i at laxaxarang.

1 Pita 3:8

Ti lox axap na levelinga xeretna, nemi axap mina ruuna legesa doxoma eburu mi legesa sumsuma xeretna; mina doma mumu nedi di ruuna levenmumuat, la mina ebalamu ela ngan nemi loxoeton la mina belemumu nedi la mina lox asi nemi.

1 Pita 4:4

Limixin no dik lox amisik at na laxakapmek, di sangu rinotno at loxonaleng nemi mixo emu minedi rik lok mo leveloklok i lok kapmek; kuren la di paase aksaksa mumu nemi.

2 Pita 2:10

Naba lok tinotno xuren tinedi di mumu asu levendoxoma xapmek at labantuxu la ding tonga xepe levelinga at ne Moroa. La nedi na lavaeme loklox ase xaxarang, di abelemes tinotno la dik lox asilok di, la dixok lox asu loklok ngangao atnedi ri limixin di nemen to vana at laxalibet, ketla di paase xapmek mumu di.

Lovoang At Ne Jut 1:10

Ketla nom limixin di paase xapmek mumu lempanga salai nedi xopmen dina xasep teren; nedi di lok ngan mun lempanga mi lavanuet kangkedek atdi la di mumu asu mun lodoxoma atdi xa, la mo loklok naba lok kapmek axap lorooro atdi.

Lovoang At Ne Jut 1:8

La kerepmo bok mo luvuttadi loklox ase xaxarang dira vubeles pam at lotu atnimi, dim tobo mun la levenapnobo atdi i sasat nedi ri laxapmek la dik lok laxapmek mi lenbantuxu atdi, ding tonga xepe levelinga at ne Moroa, la di paase vupu ri limixin silok no vana at laxalibet.