Taitas 2:5 - Madak

⁵ Dina mumu asu loklox avukat; luruptuvuk atdi na dadat; dina gugu avukat to xolonu atdi; dina lok tooro limixin axap; dinang tonga res at levelinga at lavatlok atdi. Dina mumu asu luruptuvuk nunuan, kusu limixin ma xamang at lotu di noxo epovo na tong i do levelinga at ne Moroa i lok kapmek.

Taitas 2:5 Iomraidhean Croise

Sam 74:10

O Moroa, naba vanisa maares mo na lavamunepen atnema dibang longon sese u? Kereva, diba paase vupu amisik ta ri laasen taram la kopmen tekavaxap teren?

Leven Gugu 9:36

To Jopa lara latkin ga nemen, laasen teren ne Tabita; neni latkin nuunu. (Laasen bok teren at lavapaase Grik do ne Dokas). Ni ga raba axap lorooro ren kusu na lok tooro limixin pakpakes mi leven gugu nunuan.

Leven Gugu 9:39

La ne Pita ga xatu kaxat la ga vas kaxat eburu midu. At loxonaleng neni ga rupot diga lam kaka i uto ap mo loogu mevana. Mo lempat naa diga ru bubua saparav i, digang teng la diga lox ase i mi lempanga singsiga la lenbantamon ne Dokas gak sox i ap mo levenaleng ni ga rooro ren.

Lovoang At Ne Pol Ti Limixin Nunu to Rom 14:16

Nemen miguta lok tavanga no nemi mi doma i do i lox avukat la na lok kapmek levenasen atnimi.

Lovoang At Ne Pol Ti Limixin Nunu to Rom 2:24

Lovoang Kaala i tong i xeretna, “Limixin kopmen me Judaia di vaase xapmek ti laasen at ne Moroa mumu loklok atnemi leme Judaia.” Ais 52:5

1 Korin 11:3

Ketla a vara i do minaklen avukar i do ne Karisito neni i nemen mavana at lavatlok axap, la latlok neni i nemen mavana at latkin teren; la ne Moroa neni i nemen mavana at ne Karisito.

1 Korin 14:34

lavakin dinat kis pilo ro xeneng at levempotpot buru at lotu. Kopmen nak mokso ridi do dina paase; la di noxo gomgo, kerekngan Lenavolo at ne Moses i tong i.

Epesas 5:33

Ketla nemi getgesara mina balamu lavakin atnimi, kerekngan mi balamu axa nimi. La lavakin dina lok ngangao at lavatlok atdi.

Kolosi 3:18

Nemi lavakin. Minang tonga res at lavatlok atnimi mila na loklok, ni loklok at lavakin di nuunu at Leeme Silok.

1 Timoti 5:10

la lorooro ren i umsu mi leven gugu nunuan la lorooro ren ga lok keretna. Neni latkin loklok tatao avukat laxamdak mi laxaalik teren, la ni ga lok maraose mi limixin kadiong diga vot to at loogu ren, la ni ga lok levempanga nunuan tinedi limixin nuunu la ni ga lok tooro nedi diga xip tutu mi levenmumuat, la ga raba axap lorooro ren ti lok leven gugu nunuan.

1 Timoti 6:1

Nedi lavasaxaruki, dina lok ngangao at luvuttadi amgomgo atdi, kusu kopmen teta noxo vaase xapmek ti laasen at ne Moroa la at levenanasa bok atnama.

Taitas 2:4

Loklok atdi na lox avukat, kusu dina ba epovo na tong asu levelinga ri lavakin maxat keretna; dina balamu lavatlok atdi la dina balamu laxamdak mi laxaalik atdi.