Taitas 2:10 - Madak

¹⁰ Nemen ditap kip pilo xaka levempanga at luvuttadi amgomgo atdi; ketla dina mumu asu loklok nunuan kusu luvuttadi amgomgo atdi diba ven i, do di epovo na gugu avukat at levempanga axap. Dina mumu asu na leveloklok kusu limixin kopmen dina nuunu at ne Iesu dinaba ven kibis i do levelinga at ne Moroa, leeme loklox arooro atdik, i lox avukat tinotno.

Taitas 2:10 Iomraidhean Croise

Sam 101:6

Anaba lox asuusu i at laxasep tinedi di ruturun amisik ti ne Moroa la anaba siam abeles nedi xusu dinabak lok eburu minia ro xeneng at loogu at loorong. La nedi ua dixo babala vukpuk, anaba siam ka di xusu dina gugu ria.

Metiu 24:45

Mo laradi ruturun la lasaxaruki avukat, neni mo, leeme silok teren ba lok katling i xusu na lok tatao lavasaxaruki ren la nam taba di mi levempanga anan at levengkonaleng mokmokso.

Metiu 5:16

La kerepmo bok laxasep atnemi na soso ro melamgo at limixin, kusu diba reven leveloklok nunuan mik lox i, la diba emi asu mi ne Moroa ne Temen nimi boro vana at laxalibet.”

Lagale Lavavang At Ne Iesu Karisito Luk Ga Malagan i 1:47

lorooro axap tarak i umsu mi lomomo mila ne Moroa neni Laradi Loklox Arooro rak,

Lagale Lavavang At Ne Iesu Karisito Luk Ga Malagan i 1:80

Jon ga silok la loklok teren ga nunuan aleng. Ni ga nemen to at lamatbin se at laaleng neni ga vot asuvos tinedi limixin me Israel.

Lagale Lavavang At Ne Iesu Karisito Luk Ga Malagan i 16:10

Do nege i ruturun at lempanga lixilik, neni naba ruturun bok at lempanga silok; la do nege i xaxarang at lempanga lixilik, neni naba xaxarang bok at lempanga silok.

Lagale Lavavang At Ne Iesu Karisito Jon Ga Malagan I 12:6

Ni ga tong i na, mila neni laradi xipkip pilo la kopmen do ni ga doxoma limixin banbalo, ketla neni ga vara i do neni ba xip pilo xaka i. Neni gak lok tatao lempilas atdi la amisik ni gam nem teren.

1 Korin 4:2

Lara lavanga i silok aleng ti laradi loklok tatao at levelinga at ne Moroa i lok keretna; neni na lok amisik lugugu ruturun ti laradi gomgo ren.

Epesas 4:1

Nenia ak lok at loxokoxo mumu lugugu at Leeme Silok. Kuren la nia a sing nimi do lorooro atnimi naba lok nunuan axap, i epovo mi lorotoro at ne Moroa tinimi la i epovo mi lavavara at ne Moroa.

Pilipai 1:27

Nemen mita doxoma solo ri lavanga salai mo naba vot saparav ia, ketla luruptuvuk atnemi na epovo mi Lagale Lavavang at ne Karisito. Kuren la do nia ana vot pasa bok nimi kopla a noxo vot, aba ronga ba i do mi tu lolos mi legese belen la legesedoxoma, la mit kis eburu ngan legesara kusu mina esep lolos ti lunuunu mumu Lagale Lavavang.

Pilipai 4:8

Ti lox axap levelinga rak, luvutnetak mi luvurinuk; mina suxa umsu lodoxoma atnimi mi levempanga nunuan la nom i lox asuusu leemi asu, levempanga mo i ruturun, loklok mokmokso la loklok dadat, la loklok ti balamu, la loklok ti lok ngangao at leventaba vetpes.

1 Timoti 1:1

Nenia ne Pol, laradi vavang at ne Iesu Karisito, mo nedik ta doxoma voovo rin. Nedu mi ne Moroa, Laradi Loklox Arooro atdik, duga soxolik ka ia ri na lugugu.

1 Timoti 5:17

Luvuttadi amgomgo at lotu mo di lok leven gugu avukat ngan lubung amgomgo, i epovo do dina lok ka bok luunun mavana at luunun atnedi, nedi mene di gugu lolos mi lavavang la di anasa;

1 Timoti 6:1

Nedi lavasaxaruki, dina lok ngangao at luvuttadi amgomgo atdi, kusu kopmen teta noxo vaase xapmek ti laasen at ne Moroa la at levenanasa bok atnama.

1 Timoti 6:3

Do nege na anasa limixin mi levelinga vetpes, la kopmen na sixit eburu mi levelinga ruturun at Leeme Silok atdik ne Iesu Karisito, la eburu bok mi levenanasa at lotu atdik,

Taitas 1:3

La neni ga malagan katling na levenaleng kusu neni na lox asuvos na levelinga mumu lorooro avolo ri limixin; la neni ga soxolik ka ia xusu nenia ana tong asu nom levelinga ren. Neni ne Moroa la neni Laradi Loklox Arooro atnedik.

Taitas 3:4

Ketla loklok nunuan la labalamu at ne Moroa, Laradi Loklox Arooro atdik ga rupot,

1 Pita 2:12

La minap tuvuk avukat at lemeren nedi lavamolon, la mo do dina sok taba parang nemi mi toloklok kakapmek, nedi dinaba ven kibis ba leveloklok nunuan atnemi la dinaba emi asu mi ne Moroa at laaleng potpot teren.

1 Pita 3:16

Ketla mina vaase ridi mi lumulus la loklok ngangao, la lorooro atnimi nak lok nunuan kusu do dina paase xapmek mumu lorooro avukat atnemi keneng at ne Karisito, dinaba mangan at levelinga kapmek nedi di paase i.

2 Jon 1:9

Do tara ixo mumu asu levenanasa at ne Karisito, la i lox epasum i mi levenanasa vetpes, neni xopmen nat kis esogo mi ne Moroa. Ketla do tara i mumu asu levenanasa at ne Karisito, neni it kis esogo mi ne Temen dik la ne Nitna.