Taitas 1:9 - Madak

⁹ Nedi dinam tebeng lolos levelinga ruturun at ne Iesu xerekngan nia aga lox ase vam di min. Dina nemen kuren kusu dina lox alolos lunuunu at limixin mi levelinga ik mokso, la kusu dina lox akmokso lodoxoma atnedi limixin nuunu di xopara levelinga at ne Iesu.

Taitas 1:9 Iomraidhean Croise

Leven Gugu 18:28

At lemeren limixin axap ni ga volo aleng limixin me Judaia mi leete silok. Ni ga lox asuusu i at Lovoang Kaala do ne Iesu, neni Lanarong.

1 Korin 14:24

Ketla mo do mina paase mi levelinga at ne Moroa la do luvuttadi gamasa xopla tuvuttadi kopmen dina nuunu, dina vubeles ukeneng, nedi dinaba ronga xibis mo levelinga nedi di ronga i. La mo levelinga nedi di ronga i, naba vuk gili lodoxoma atdi;

1 Tesalonia 5:21

La mina lok tong pen levempapaase maxat; minam tebeng lolos mo levelinga i lox avukat

2 Tesalonia 2:15

Kuren la luvutnetak mi luvurinuk, mina tu lolos la minam tebeng lolos mo levenanasa maga lox ase vam nimi min. Maga tong asu i nom tinimi gano la maga lox aonon bok mo levelinga at levempoang.

1 Timoti 1:10

la tinedi bok di lok laxakapmek maxamang at lixitkis epot, la tinedi lavatlok di velongka, la tinedi bok di babala ka limixin kusu dina gugu atdi; la tinedi bok di xaxarang la di tong asu levelinga xaxarang mumu laradi i tu at lavapaase; tinedi bok di lok levempanga xerepmo xopmen na epovo mi levelinga ruturun at ne Moroa.

1 Timoti 1:15

Anai levelinga ruturun tidik, ata siam ka i la ata nuunu bok teren. Iesu Karisito ga si ude xopok at na lavatbung menemen kusu ri lox arooro limixin kapmek. Loklok kakapmek tarak i silok aleng ti loklok kakapmek atnedi.

1 Timoti 1:19

la ubam tebeng lolos lunuunu la u noxo suma loklok mamangan at lorooro ram. Leventaba luvuttadi diga ronga xepe na levelinga, la diga lok kapmek pam lunuunu atdi.

1 Timoti 4:9

Na levelinga i ruturun, ata siam ka i la ata nuunu ren.

1 Timoti 6:3

Do nege na anasa limixin mi levelinga vetpes, la kopmen na sixit eburu mi levelinga ruturun at Leeme Silok atdik ne Iesu Karisito, la eburu bok mi levenanasa at lotu atdik,

2 Timoti 1:13

Unam tebeng alolos nom levelinga ruturun at ne Moroa, nia aga anasa u min gano. Ni lampoovo una mumu asu i, la una nemen alolos at lunuunu ram; la labalamu ram saparap ne Iesu Karisito na nemen lolos.

2 Timoti 2:2

Unam tebeng alolos levenanasa nu uga ronga ia aga paase asu i at lemeren nedi buaang limixin, una raba nedi limixin min no di epovo nam tebeng avukar i, la di epovo na lox ase limixin petpes bok min.

2 Timoti 2:25

Neni na lok ngan laradi mulus do ni nak lox akmokso nedi xopmen dina etaba belen min, kusu ne Moroa naba siam ka amlong di la ni na doxoma xepe laxakapmek atnedi la dinabaklen luruturun.

2 Timoti 3:14

Ketla nenu ne Timoti, unam tebeng lolos mo levelinga ruturun nia agara anasa vam u min la ura nuunu lolos teren. Ukleklen di luvuttadi loklox ase ram.

2 Timoti 4:3

Laaleng naba vot la limixin di noxo ronga xaka na levenanasa ruturun at ne Moroa, ketla dinaba mu asu lavavara atdi xa; diba ro xaka buaang lavaeme loklox ase xaxarang, kusu diba lox ase nedi mi levelinga di vavara nang tonga i.

Taitas 1:11

Una sep pepe di xusu di noxo vaase bok ba ro xeneng at laraugu lotu, mila dik lox ase limixin mi levelinga xopmen nak mokso la kerepmo dik lok kapmek lunuunu at limixin la dik lok kapmek bok lixitkis koetemen. Di lox i xerepmo xusu dina lok kaka levempilas la na loklok atdi i lok kapmek tinotno.

Taitas 2:1

Ketla nenu ne Taitas, una lox ase limixin nuunu mi loklok nunuan ik sixit eburu mi levelinga at ne Moroa.

Lovoang At Ne Jut 1:3

Larapen tangas orong tarak. Nia a vara aleng i xusu ana sok levelinga rinimi mumu mo langas ti lorooro avolo, ne Moroa im taba dik min. Ketla lara lavanga silok ira vot pam la a tong i rinimi do minam tebeng lolos levelinga at ne Moroa, ni ga raba avolo gesara mun i ri limixin teren.

Lisilimet 2:25

ketla na legesa vanga xusuk mun, minam tebeng lolos mo lorooro nunuan atnimi, se at lomlong tarak.

Lisilimet 3:11

Anaba vot soso mun; minam tebeng alolos mo lunuunu atnimi kusu tara noxo xip pilo ka mo lempatbungorong atnimi.

Lisilimet 3:3

Mina doxoma bilong ti mo levenanasa miga ronga ka vam i, la mina mu asu i. La mina leeng tinotno basinge mo leveloklok kakapmek atnimi. Mo do mi noxo xatu kaxat basinge mo lanmet, aba vot pasa nimi ngan laradi xipkip pilo, la nemi xa mi noxoklen loxonaleng potpot tarak.