Taitas 1:2 - Madak

² la dinam doma voovo ri lorooro avolo. Na lorooro avolo ne Moroa ga tong alii i ganoxa at lereot. La levelinga ren i ruturun tinotno, neni xopmen laradi xaxarang.

Taitas 1:2 Iomraidhean Croise

Metiu 25:34

La nenia, Loorong Silok, anaba lok ti limixin to saparap lakngak tino xeretna, ‘Ude nimi, limixin ne Tamak ira lox anarong pam nimi. Minat pas ude la mina ruuna ka leveloklox anarong at Linintoo, ne Moroa ga gagas pam min tinimi at lurutu kaxat at lavatbung menemen,

Metiu 25:46

La ne Iesu ga lok bok, “Na limixin Moroa ba riki aonon di ri losongsongot i nemen amisik, ketla limixin mokmokso dinaba lok ka lorooro avolo.”

Lagale Lavavang At Ne Iesu Karisito Mak Ga Malagan I 10:17

La ne Iesu ga vas kaxat uto at lenep petpes la lara laradi ga sixit pot, la ga xis tiktikbu mi luvatgulom teren to melamgo at ne Iesu la ga lok tin keretna, “Leeme loklox ase avukat. Nenia ba lok lavanga sala, kusu anaba lok kaka lorooro avolo?”

Lagale Lavavang At Ne Iesu Karisito Mak Ga Malagan I 10:30

neni naba ruuna xaka luunun silok at na lorooro, i ngan buaang laraugu, buaang luvutneton, buaang luvurinen, buaang luvutnen, buaang laxamdak mi laxaalik, laxantaamang solo; la neni naba lok kaka bok levesongsongot mumu Lagale Lavavang la neni naba rooro amisik at lorooro melemu.

Lagale Lavavang At Ne Iesu Karisito Jon Ga Malagan I 10:28

A raba nedi mi lorooro avolo la di noxo seeve rinotno; la tara noxo lok kepe di basinge ia.

Lagale Lavavang At Ne Iesu Karisito Jon Ga Malagan I 17:2

Nenu ga raba ia mi lololos tim gomgo ri limixin axap kusu ana raba lorooro avolo rinedi, uga raba ia midi.

Lagale Lavavang At Ne Iesu Karisito Jon Ga Malagan I 17:24

Tamak. Uga raba vam ia midi, la a vara i xusu dina nemen eburu minia ap mo lenep nenia ana nemen e, kusu diba ven lisisixam tarak, mo lisisixam nenu ga raba ia min, mila uga balamu ia avot ti luruntudum li at na lavatbung menemen.

Lagale Lavavang At Ne Iesu Karisito Jon Ga Malagan I 5:39

Mi reven mumu amisik Lovoang Kaala mila mi doxoma i do keneng teren miba vuse ka lorooro avolo. La mo levelinga i paase mumu ia.

Lagale Lavavang At Ne Iesu Karisito Jon Ga Malagan I 6:54

Do tara na anan at levenuut tarak la na inin at lada rak, neni ira ruuna ka vam lorooro avolo, la nia anaba lox aroo xar i at laaleng ete.

Lagale Lavavang At Ne Iesu Karisito Jon Ga Malagan I 6:68

Simon Pita ga vorang i rin keretna, “Leeme Silok, kopmen bok ba tara mabat kis esogo min. Nenu xusuk mun u ruuna levelinga im taba lorooro avolo.

Leven Gugu 15:18

Nenia, Leeme Silok atnimi, a tong i na la aba lok epovo na levelinga kerekngan aga tong li i gano migomgo.” Amo 9:11-12

Lovoang At Ne Pol Ti Limixin Nunu to Rom 1:2

Na Lagale Lavavang ne Moroa ga vaase alii min ganoxa at levenngusno atdi lavaeme vapaase alii ren, la diga malagan li i xeneng at Lovoang Kaala,

Lovoang At Ne Pol Ti Limixin Nunu to Rom 16:25

Ata emi asu mi laasen at ne Moroa. Neni i epovo ri lox aru lolos lunuunu atnemi, mumu Lagale Lavavang nenia a vavang min. Ni Lagale Lavavang at ne Iesu Karisito, mo lavapaase asu at luruturun gak lok lipe at laxanmaares buaang.

Lovoang At Ne Pol Ti Limixin Nunu to Rom 2:7

Leventaba at limixin dik lox amisik leveloklok i nunuan, kerepmo di puse ri lisisixam mi loklok ngangao la lorooro nunuan; ne Moroa naba raba di mi lorooro avolo.

Lovoang At Ne Pol Ti Limixin Nunu to Rom 5:2

La neni gara siam ka vam nedik mumu lunuunu atnedik, la levereven kibis atnedik ti letaba nabalamu at ne Moroa, mo nga nedik di rooro ren. Nedik di momo mumu levendoxoma voovo atnedik do neni naba lox asuusu lisisixam teren tidik.

Lovoang At Ne Pol Ti Limixin Nunu to Rom 5:21

Kuren la at loxonaleng laxapmek i tu ri sat ka limixin ti lanmet, letaba nabalamu bok at ne Moroa i tu xusu ti sar akmokso di, la na lam kaka di ri lorooro avolo mumu ne Iesu Karisito, Leeme Silok atnedik.

Lovoang At Ne Pol Ti Limixin Nunu to Rom 5:4

La mo lololos ik lox asuusu lorooro mukun keneng atnedik, la na lorooro mukun ik lox asuusu levendoxoma voovo xeneng atnedik.

Lovoang At Ne Pol Ti Limixin Nunu to Rom 6:23

Luunun at laxapmek, ni lanmet; ketla laramtaba at ne Moroa, ni lorooro avolo keneng at ne Iesu Karisito, Leeme Silok atnedik.

Kolosi 1:27

Moroa ga soxovo li i do na lox asuvos Lagale Lavavang ti limixin teren; mo levelinga i lok ngan lapnovos silok la i lox asuusu lisisixam at ne Moroa. Mo levelinga i lok keretna, Karisito nabat kis esogo eburu mi limixin kopmen di me Judaia la nedi bok diba ruuna ka loxot at lisisixam teren.

1 Tesalonia 2:15

La mo limixin me Judaia diga sev amet Leeme Silok ne Iesu; ganoxa lavalabat atdi diga sev amet lavaeme vapaase alii at ne Moroa. La nedi diga riki xepe nama boro at lenep silok Judaia. Moroa i xopara ri mo loklok atdi. La di lok kapmek lixitkis at limixin axap keretna;

1 Tesalonia 5:8

Ketla nedik limixin at laxasep, atam tebeng lodoxoma nunuan la ata umsu mi lunuunu mi labalamu, i lok ngan lavatban tik lok pe laxakapmek. La ata lok ka lodoxoma voovo ri loklox arooro at ne Moroa. Na lodoxoma i lok ngan lavatkiam ti lok tooro nedik at lorooro atdik.

1 Timoti 6:12

Unak sixit lolos at lekampoovo at lunuunu, kusu unaba ruuna ka mo lorooro i nemen amisik; ti mo mene lorooro ne Moroa ga ro ka u rin ap mo laaleng nenu ga vaase asu lunuunu ram to melamgo at limixin buaang.

1 Timoti 6:19

At na mun langas dinaba lok li bubua lapnovos silok, mo ba nemen tangais di, ngan loogu avukat at lorooro melemu, la dina ruuna ka nom lorooro, ni lorooro ruturun.

2 Timoti 1:1

Nenia ne Pol, Luun Pavang at ne Iesu Karisito; Moroa ga soxolik ka ia xusu ana tong asu levelinga at lorooro keneng at ne Iesu Karisito.

2 Timoti 1:9

Neni ga lox arooro dik la ga ro ka dik kusu ataba lok ngan limixin teren. Kopmen mumu levempanga dik gara lok pam i; ketla at lavavara ren, i lok ngan letaba nabalamu ren tidik keneng at ne Iesu Karisito; ni ga raba dik mi na letaba nabalamu avot ti luruntudum li at na lavatbung menemen.

2 Timoti 2:10

Kuren la nia a tu lolos keneng at levesongsongot kusu ri lok tooro mo lavaanat soxolik at ne Moroa la kusu nedi bok dinaba lok kaka loklox arooro at ne Iesu Karisito la ri lox asuusu bok lisisixam avolo ren.

2 Timoti 2:13

Do dik kopmen ata ruturun, neni move na ruturun, mila neni noxo los polo levelinga ren.”

2 Timoti 2:15

Nenu xa una lolos kusu luruptuvuk taram naba lox avukat at lemeren ne Moroa ngan laradi xopmen na lok mamangan mi lugugu ren, la neni i anasa avukat mi levelinga ruturun at ne Moroa.

Taitas 2:13

La kerepmo atam tebeng loklox avukat ap mo levenaleng atat kis tangais ti mo langsangan laaleng avukat, la lovotpot nunuan at ne Iesu Karisito, neni ne Moroa silok atdik la neni Leeme Loklox Arooro atdik; neni naba rupot mi lisisixam silok at ne Temen.

Taitas 2:7

At levempanga axap nenu una lok leveloklok i nunuan ngan lampoovo ridi xusu nedi bok dina lok levempanga nunuan. Dola una lox ase limixin, una paase ruturun tidi la levelinga ram nak sixit nunuan,

Taitas 3:7

Kuren la ne Moroa ga lox asuusu letaba nabalamu ren tidik, la kerepmo diga tong i do nedik limixin mokmokso; la kerepmo nedik ta lok ngan laxamdak teren la dik tanaba ruuna ka lorooro avolo.

1 Jon 2:25

La neni naba lox epovo lavapaase alii ren, no ni ga xaape min tinedik keretna, neni naba raba nedik mi lorooro avolo.

1 Jon 5:20

Nedik ta xasep bok pam keretna, ne Nitna ne Moroa ga rupot la ga raba vam dik mi laxasep, kusu nedik tabakleklen ne Moroa, neni laradi ruturun. Nedik dik lok at ne Moroa i ruturun la at ne Nitna, Iesu Karisito. La ne Moroa neni lavasuun at lorooro avolo.

Lovoang At Ne Jut 1:21

La minam tebeng alis amisik labalamu at ne Moroa kusu labalamu atnimi na umsu ap mo levenaleng mit kis tangais lebelemumu at Leeme Silok atnedik ne Iesu Karisito, la ni naba raba nimi mi lorooro avolo.

Lisilimet 13:8

La limixin axap at na lavatbung menemen diba lotu parav i; nedi limixin kopmen levenasen atdi ik lok at lubuk at lorooro, mo lubuk ga nemen avot ti luruntudum li at na lavatbung menemen, la ni lubuk at Lanasip, mo ga uu at laxaba.

Lisilimet 17:8

Mo lavatpanga sio ga rooro gano, kopmen na rooro lingina, ketla melemu naba vasu boro at lemeroon la ba seeve to at lemenemen songsongot. La nedi limixin at na lavatbung menemen, kopmen levenasen atnedi goxok lok keneng at lubuk at lorooro, ga ru ka i at lurutu kaxat at na lavatbung menemen, dinaba sangu aleng do dina ven na lavatpanga sio. Neni ga rooro be, ketla monga neni kopmen na rooro, ketla naba rupot melemu.