Sam 92:9 - Madak

⁹ Makleklen i do lavamunepen taram dinaba remet kot, la unaba sak tup midi axap limixin dik lok laxapmek.

Sam 92:9 Iomraidhean Croise

Sam 1:4

Ketla limixin kapmek dixok lok kuren; di lok ngan mun levempusuvus at levenbeo, lamanman it mas kepe i.

Sam 102:13

Unaba ravasu la una lox aru amu lemenemen Saion; loxonaleng ira vot pam kusu tu ri belemumu i; loxonaleng mokmokso nga na ren.

Sam 102:25

Uga rudum li lavatbung menemen ganoxa, la uga lok laxalibet mi lukngam akmokso.

Sam 37:20

Ketla limixin kapmek dinaba seeve, limixin munepen mi Leeme Silok dinaba xap ngan levempusuvus to laxairing, dinaba sonao ngan lusuxa.

Sam 59:11

O Moroa, nemen gat uta sev amet di, kusu limixin tarak dina ven mo levesongsongot dinap kiv i la di noxo domampe nom levempanga. Una sak epeseves di mi lolos taram la una sak tup midi. O Leeme Silok, nenu Lurutu See Pe atnema.

Sam 68:30

Una vaase sok leme Isip; nedi di lok ngan lavatpanga sio mi lavanuet kangkedek i nemen to at lisigege dan; una vaase sok limixin at levenep silok di lok ngan laxanbulumaxao remes mi laxannat bulumaxao, se dinaba xis tiktikbu ro malmgo ram la dina lok letaba ru mi levesiliva. Una sak epeseves mo limixin di vavara esep amisik!

Sam 73:27

Nedi di doxoma xepe u, ne Moroa, dinaba seeve. Unaba sele utut nedi di babala vukpux u mi lorooro atnedi.

Sam 89:10

Uga rit amdamda mo lavatpanga sio ne Raap la uga sev amer i; la uga sak tup mi lavamunepen taram mi mo lolos silok taram.

Sam 97:9

Leeme Silok ne Lanaraavuk, nenu lamgomgo at lavatbung menemen axap; nenu u silok tinotno rinedi axap levenmoroa xaxarang.

Metiu 7:23

Melemu aba vaase ridi xeretna, ‘Nia xopmen tinotno anaklen nimi. Uto nimi basinge ia, nemi limixin kapmek.”

Lagale Lavavang At Ne Iesu Karisito Luk Ga Malagan i 19:27

Ketla tinedi na limixin di munepen minia, la di goxopara i xusu nenia loorong silok atdi, mina lam kaka di ude la mina sev amet di de melamgo rak!”

Lagale Lavavang At Ne Iesu Karisito Luk Ga Malagan i 21:24

Luvuttadi esep diba sev amet tentaba mi lemparise sepsep, la diba lam kaka tentaba ngan luvuttadi xokoxo uto at lengkot petpes; la limixin kopmen di me Judaia diba lok kapmek na lemenemen Jerusalem se ap mo levenaleng ne Moroa naba riki asu di.”