Sam 9:2 - Madak

² Anabak pixan mi lomomo, lavasuun teren ataram. Anabak pixan emi asu minu, ne Moroa; nu Lanaraavuk.

Sam 9:2 Iomraidhean Croise

Sam 138:1

Nenia a tong avukat tu Leeme Silok mi lorooro axap tarak; a vixan emi asu ru ro melamgo at leven moroa axap.

Sam 26:7

A vixan loxompixan ti tong avukat tu la a tong asu levempanga nunuan ugak lox i.

Sam 27:6

La kerepmo anaba sak tup mi limixin munepen minia do dina ru xangkan ia. Anabaplavang saparav Leeme Silok mi luxupkup momo ro xeneng at loogu laplavang teren. Anabak pixan, la ana emi asu min.

Sam 28:7

Leeme Silok i kok nunuan ia, la i lok ngan lavatban tia. Labalak it kis saga ren, neni im taba ia mi loklok tooro, la ik lox amomo box ia. A tong avukat tin mi livikpixan momo.

Sam 43:4

Melemu nia anabat pas uto at loxonin laplavang taram, O Moroa. Nenu mun lavasuun at lomomo rak. Nia anabak pixan eburu mi ligita ti emi asu minu. O Moroa, Moroa rak.

Sam 5:11

Ketla nedi dik lok keneng at loklok tatao ram, dina momo la dinak pixan momo amisik. Una kok avukat nedi di vavara aleng u; nedi di momo aleng mumu mun u.

Sam 7:17

A tong aorong ti Leeme Silok atla i tong asu lavapaase ramtaba ina mi lodoxoma mokmokso; ak pixan emi asu ri Leeme Silok, ni ne Moroa Avolo.

Sam 83:18

Naba lox avukat do dina xasep do nenu xusuk mun Leeme Silok, la Lamgomgo silok tinotno; u lolos aleng pana axap at lavatbung menemen.

Sam 86:12

O Leeme Silok ne Moroa rak, anaba emi asu minu mi lavatpeeve axap tarak. Anaba vavang asu lununuan taram at levenaleng amisik la noxo xap.

Sam 92:1

O Leeme Silok, loklox avukat tinotno mo do mana tong avukat tu, la manak pixan tik lok ngangao ram. O Moroa Avolo.

Sam 92:4

O Leeme Silok, leven gugu lolos taram ik lox aklek ia; la ak pixan momo mumu mun mo lempanga ugara lok pam i.

Sam 96:3

Mina vavang asu lisisinang teren uto at laranep silok, la mina tere limixin mi mo lempanga lolos neni gak lox i.

Sam 97:12

Nemi limixin mokmokso minak lek ap mo lempanga Leeme Silok gara lok pam i! Mina doxoma aklen ti mo lempanga ne Moroa melemelengan gara lok pam i rinimi, la mina tong avukat tin.

Sam 97:9

Leeme Silok ne Lanaraavuk, nenu lamgomgo at lavatbung menemen axap; nenu u silok tinotno rinedi axap levenmoroa xaxarang.

Pilipai 4:4

Lomomo atnimi keneng at Leeme Silok na nemen amisik. A tong amu box i do mina momo.