Sam 85:10 - Madak

¹⁰ Labalamu eburu mi luruturun at ne Moroa dunaba etang; la lomokmokso eburu mi lenmila ren la dunaba esu auru.

Sam 85:10 Iomraidhean Croise

Sam 100:5

Leeme Silok, neni i lox avukat; labalamu ren ik lok amisik la luruturun teren ti limixin naba nemen amisik la noxo xap.

Sam 72:3

La limixin at lenep kangka ren naba ngasang kobot; lemenemen teren naba umsu mi loklok manmanton.

Sam 89:14

Lininto ram it kis mavana at levelinga mokmokso mi lodoxoma avukat; labalamu eburu mi luruturun dip tavasu asaxaven keneng at lempanga nenu uk lox i.

Lagale Lavavang At Ne Iesu Karisito Luk Ga Malagan i 2:14

“Ata emi asu mi ne Moroa ik lok to vana at laxalibet, la lumulum at ne Moroa bak lok at na lavatbung menemen tinedi ne Moroa i momo midi.”

Lagale Lavavang At Ne Iesu Karisito Jon Ga Malagan I 1:17

Moroa ga raba avolo ne Moses mi Lenavolo; ketla letaba nabalamu at ne Moroa mi levelinga ruturun ga ravasu at ne Iesu Karisito.

Lovoang At Ne Pol Ti Limixin Nunu to Rom 5:1

Amo nga mumu lunuunu atnedik, Moroa ga lox asepmus pam dik basinge laxakapmek, kuren la nedik di ruuna ka lumulum eburu mi ne Moroa mumu Leeme Silok atdik ne Iesu Karisito.

Lovoang At Ne Pol Ti Limixin Nunu to Rom 5:21

Kuren la at loxonaleng laxapmek i tu ri sat ka limixin ti lanmet, letaba nabalamu bok at ne Moroa i tu xusu ti sar akmokso di, la na lam kaka di ri lorooro avolo mumu ne Iesu Karisito, Leeme Silok atnedik.

Ibru 7:2

La ne Abaram ga raba ne Melkisedek mi loxot i sev asangaun ap mo levempanga neni ga lok kaka i ap mo lavaorong silok. Avot, lavasuun at laasen ne Melkisedek do, “Loorong silok at loklok mokmokso;” la laasen bok do loorong silok boro Salem i epovo mi levelinga xeretna, “Loorong silok at lenmila.”