Sam 82:8 - Madak

⁸ O Moroa, ude u la unamgomgonga lavatbung menemen; laranep silok axap, ni ataram.

Sam 82:8 Iomraidhean Croise

Sam 102:13

Unaba ravasu la una lox aru amu lemenemen Saion; loxonaleng ira vot pam kusu tu ri belemumu i; loxonaleng mokmokso nga na ren.

Sam 12:5

Ketla Leeme Silok i vaase xeretna, “Na nia anaba vot, atla di lox abaava limixin dik pakes. La nedi di sev asongot labantuxu atdi mo dip kup mi losongsongot. Anaba raba nedi limixin baava mi nom lixitkis avukat ding kongkat tin.

Sam 2:8

Una sing ia, la nia anaba raba u mi larabung mixin axap; unaba ruuna ka axap lavatbung menemen.

Sam 22:28

Leeme Silok neni Loorong Silok mavana at limixin axap. La neni im gomgonga limixin at leven abungmixin axap.

Sam 44:26

Ude, una lok tooro nema! U ruuna labalamu lexen tinama, kuren la una lox asepsu nema!

Sam 7:6

O Leeme Silok, una lox asuusu lebelemumu ram. Una beleku kaxat, la una tu pe lumukmusak silok at limixin munepen minia, la una lok tooro ia. Nenu u vavara mene limixin dina rooro mokmokso.

Sam 76:10

Lebelemamao at limixin at lavatbung menemen ik lox asuusu mun leemi asu silok tu. Nedi di roo su at levenesep, dik lok katling amisik levenaleng silok taram.

Sam 94:2

Nenu laradi ila mumu lorooro at limixin axap; una xatu kaxat la una raba nedi luvuttadi loklox aaso mi luunun ti laxakapmek atdi!

Sam 96:13

at loxonaleng Leeme Silok na vot kusu rim gomgonga lavatbung menemen. Neni nabam gomgonga limixin at lavatbung menemen mi lodoxoma mokmokso la levelinga ruturun.

Lisilimet 11:15

La laangelo sepsev avanuti ga mas luru ren, la aga ronga laxaka linga silok at lentaba to vana at laxalibet ga lok keretna, ‘Amo nga Leeme Silok atdik eburu mi Lanarong teren du ru ka loklok tatao at na lavatbung menemen. La nedu dunaba lok tatao amisik la kopmen taxavaxap teren.’ Sam 145:13