Sam 81:1 - Madak

¹ Nemi minap kup mi leklek ti ne Moroa, neni lentupe atnedik; minak pixan mi leemi asu ri ne Moroa at ne Jakop!

Sam 81:1 Iomraidhean Croise

Sam 28:7

Leeme Silok i kok nunuan ia, la i lok ngan lavatban tia. Labalak it kis saga ren, neni im taba ia mi loklok tooro, la ik lox amomo box ia. A tong avukat tin mi livikpixan momo.

Sam 46:11

Leeme Silok ni Lanaraavuk la i nemen eburu midik; Moroa at ne Jakop ni loogu matmatkun atdik.

Sam 50:1

Lanaraavuk, neni Leeme Silok ne Moroa i paase; ni i toro ri limixin axap at na lavatbung menemen i ruka i at loxot laxangking it losu e la i se ro at loxot laxangking it los tuv e.

Sam 52:7

“Mina ven ba na laradi goxo vara i do ne Moroa na lok tatao i. Ketla ni ga nuunu saga at lapnovos silok teren, la ga nunua i do loklok kakapmek naba lox aulis i.”

Sam 66:1

Nemi axap limixin, mina emi asu mi ne Moroa mi luxupkup momo!

Sam 67:4

Naba lox avukat do limixin at levenep silok axap dina sosoro la dinak pixan mi lomomo, atla nu u viila mumu loklok at limixin mi lodoxoma mokmokso la levelinga ruturun, la um gomgonga limixin at levenep silok at lavatbung menemen.

Sam 8:1

Leeme Silok, nenu xusuk mun Leeme Silok atnema. Limixin axap at na lavatbung menemen di ven lempanga uga rudum li i, la kerepmo di ven kibis i do nu u silok aleng. Leemi asu saparav u di ronga i rovana at lebelen laxalibet.

Metiu 22:32

Mo levelinga i lok keretna, ‘Nia ne Moroa at ne Abaram, Moroa at ne Aisak, la Moroa at ne Jakop.’ Pas 3:6 Ap mo laaleng ne Moroa ga tong i na, nedi lavantun diga met pam. La neni ne Moroa atnedi limixin di rooro, la kopmen atnedi luvuttadi met.”

Pilipai 4:13

Nenia a epovo xusu ana lok levempanga axap mi lololos mun, ne Karisito im taba ia min.