Sam 80:4 - Madak

⁴ Leeme Silok, nu Lanaraavuk ne Moroa. Naba se ba ua mo lebelemamao ram ti levesingising at limixin taram?

Sam 80:4 Iomraidhean Croise

Sam 31:17

Leeme Silok, na nia a ro ke ram. Nemen gat uta ke avolo limixin munepen minia dina lox amangan ia. Keke nedi limixin bilinga dina lok mamangan; la dina rakdu aleng kusu dina lok pilo mun at loxonaleng dina si uto xopok at lemenemen at labarongan.

Sam 4:7

Ketla mo lomomo rak tu, ne Moroa, i volo mo lomomo nedi dinaba ruuna i, ap mo laaleng levempipisik at leventaamang piao eburu mi laxadan vaen na umsu aleng.

Sam 59:5

Leeme Silok, nu Lanaraavuk. Una ronga ia; ude u la una lok tooro ia; Moroa at limixin me Israel, nenu xa una ven ba loklok at lavamolon. Una beleku kaxat la una lox asongot di; nemen gat uta belemumu nedi di raba arulu limixin axa atdi.

Sam 60:3

Ura lok pam limixin taram kusu dina ekip tangarang mi laxanmumuat solo la laxaloklok asongot silok. Ma saaban ngan ta do ma inin laxangkadan lolos.

Sam 74:1

O Moroa. Ua lavasuun teren la u doxoma xepe nema xeretna? Kereva, lebelemamao ram ti limixin akmokso ram naba nemen amisik ta, la noxo xap?

Sam 79:5

Leeme Silok. Kereva, lebelemamao ram tinema noxo xap ta? Kereva, mo lebelemamao ram nabak lok amisik ta la naba babao ngan laxao?

Sam 85:5

Kereva, unabak belemamao amisik ta nema? Kereva, mo lebelemamao ram noxo xap ta?