Sam 8:2 - Madak

² Laxamdak mi laxaalik kakalik dik pixan emi asu minu la lubungkadede bok. Uga bos loroboro ri lok pe lebelemamao at limixin dit kis munepen minu la atnedi dik sok tixirixes kepe levelinga ram.

Sam 8:2 Iomraidhean Croise

Sam 148:13

Naba lox avukat do nedi axap dina emi asu mi laasen at Leeme Silok! Laasen teren i silok ti limixin axap; la lolos teren i volo lolos at lempanga axap at lavatbung menemen eburu mi laxalibet.

Sam 4:4

Mi guta ke gat lebelemamao na sat arup nimi at laxapmek, la mina ke xepe libilinga. Do minak midi at laraora atnimi, minak midi pilo la minam doma mumu avukat na levelinga.

Sam 44:16

dit kis munepen minia la atnedi bok ding long angtungun tia, di tong asu lavapaase aksaksa la levelinga kapmek mumu nama.

Sam 46:10

Moroa i lok keretna, “Lumulum! Na xap ta leesep, la mina xasep do nia ne Moroa. Nia Loorong Avolo mavana at larabung mixin axap, nia Loorong Avolo mavana at lavatbung menemen axap.”

Sam 57:6

Limixin munepen minia dira sat pam laxatkat kusu dina rebeng alis kaka ia; lorooro rak i umsu mi levenmumuat i sak pava ia. Diga sep pe langas patpas tarak mi lavatmet i si aleng, ketla nedi xa diga subu tup teren.

Metiu 11:25

Ap mo laaleng ne Iesu ga lok ti ne Moroa, “Nia a emi asu minu, Tamak; nenu Leeme Silok at laxalibet mi lavatkangka. Nia a emi asu minu mila ugara lox ase vam nedi limixin gamasa mi levelinga mumu Linintoo; la uga lipe i basinge limixin leklen la limixin diga lox ase.

Metiu 21:16

La diga lok tin, “Kopmen nak mokso na levelinga at na laxamdak mi laxaalik.” La ne Iesu ga lok tidi, “Mina domangke at na levelinga ik lok at Lovoang Kaala i lok keretna, ‘Nenu ne Moroa ura lox ase vam laxamdak mi laxaalik kakalik eburu mi lengkadede kusu dina emi asu minu.” Sam 8:2

Lagale Lavavang At Ne Iesu Karisito Luk Ga Malagan i 10:21

Ap mo mun loxonaleng Loroonan Kaala ga suxuna ne Iesu mi lomomo, la ni ga lok, “Tamak, nenu Leeme Silok at laxalibet mi lavatbung menemen! A tong avukat tu mila ugara lox ase vam nedi limixin gamasa mi na lempanga; la uga lipe i basinge limixin leklen la limixin dokdoxoma. I ruturun, Tamak. Anai uga lox i mi lodoxoma la lomomo ram.

1 Korin 1:27

Ketla ne Moroa ga soxolik ka nedi limixin kopmen takleklen atdi xusu ri lox asi limixin akleklen at na lavatbung menemen. La ne Moroa ga soxolik ka vam nedi xopmen tavenasen silok kusu ri lox asi limixin silok at na lavatbung menemen.