Sam 8:1 - Madak

¹ Leeme Silok, nenu xusuk mun Leeme Silok atnema. Limixin axap at na lavatbung menemen di ven lempanga uga rudum li i, la kerepmo di ven kibis i do nu u silok aleng. Leemi asu saparav u di ronga i rovana at lebelen laxalibet.

Sam 8:1 Iomraidhean Croise

Sam 145:1

Moroa, nenu Loorong Silok tarak. Anaba tong asuusu laasen silok taram atla nenu Loorong Silok la ne Moroa rak; anaba tong avukat amisik tu la a noxo xap tinotno ri tong avukat.

Sam 148:13

Naba lox avukat do nedi axap dina emi asu mi laasen at Leeme Silok! Laasen teren i silok ti limixin axap; la lolos teren i volo lolos at lempanga axap at lavatbung menemen eburu mi laxalibet.

Sam 36:5

O Leeme Silok, labalamu lexen taram i silok aleng tinotno la i urut se rovana se rovana at laxalibet. La uk lox epovo amisik levengkakaape ram nade xopok la i se tu at lamavangkap.

Sam 57:5

O Moroa, una lox asuusu lolos silok taram to vana at lamavangkap, mi lisisixam taram at lengkot axap at na lavatbung menemen.

Sam 63:1

O Moroa, nenu ne Moroa rak. Labalak i ngaongao ru. Lorooro axap tarak i vavara ru, ngan laxangka i vat dexes, la i soso vavagam ngan lasa mes. Lorooro rak ik minu ru.

Sam 68:4

Minak pixan ti ne Moroa, minak pixan emi asu mi laasen teren; mina gagas li langas tin mo it kis pana at loxontakabu. Laasen teren ne Leeme Silok. Mina lok momo ro melamgo ren!

Sam 8:9

O Leeme Silok, nenu xusuk mun Leeme Silok atnema. Limixin axap at na lavatbung menemen di ven lempanga uga rudum li i, la kerepmo di ven kibis i do nu u silok aleng.

Sam 81:1

Nemi minap kup mi leklek ti ne Moroa, neni lentupe atnedik; minak pixan mi leemi asu ri ne Moroa at ne Jakop!

Sam 84:1

Leeme Silok, nu Lanaraavuk, a vara aleng loogu laplavang taram!

Metiu 22:45

Mo do ne Devit ga so asen i do Leeme Silok, i lok kereva la Lanarong neni lurubuno avolo at ne Devit?”

Lagale Lavavang At Ne Iesu Karisito Jon Ga Malagan I 20:28

La ne Tomas ga lok tin, “Nenu Leeme Silok tarak la lo Moroa rak.”

Epesas 4:10

Neni ga si ukopok, la melemu gat pas uto mavana xa at laxalibet kusu laasen teren na epeseves ti lengkot axap.

Pilipai 3:8

Kopmen mo levempanga xusuk mun, ketla levempanga axap at lorooro rak i ngan lavanga gamasa la lorooro rak keneng at ne Iesu Karisito, Leeme Silok tarak, ni lavanga i silok aleng tinotno. La mo leveloklok at leme Judaia ara lu xape axap pam min kusu ana mumu asu mene ne Karisito. A doxoma i do mo leveloklok i ngan lavanga kakapmek mun la aga lok kepe i xusu ana ruuna ka ne Karisito,

Ibru 7:26

Lamaasa gomgo xerepmo i lox epovo lavakpakes atdik; luruptuvuk teren i nunuan axap, neni xopmen goxo ronga xepe levelinga at ne Moroa, goxopmen taxakapmek gak lok teren. Ap mo levenaleng neni ga nemen de at na lavatbung menemen neni goxo vubeles ti laxakapmek eburu mi limixin kapmek; la melemu ne Moroa ga lox asilox i ro vana at laxalibet.

Lisilimet 19:6

La aga ronga laxaka linga at limixin buaang ga ninni ngan ladan silok i sesen lolos la ga lok ngan bok leretepaavat boro vana at laxalibet i tit; la mo laxaka linga ga ravasu xeretna, “Ata emi asu mi ne Moroa, mila Leeme Silok atdik ne Moroa, neni i silok aleng la naba nemen amisik ngan lamgomgo at lempanga axap.