Sam 7:8 - Madak

⁸ Nenu laradi rongtonga linga at limixin axap. O Leeme Silok, una ru ria; uklen i do nia laradi sepse.

Sam 7:8 Iomraidhean Croise

Sam 11:4

Leeme Silok, mo it kis at loogu laplavang kaala ren; lixitkis orong teren ik lok toxun pana at lebelen laxalibet. I reven tatao limixin axap at lavatbung menemen la ikleklen axap levempanga dik lox i.

Sam 25:21

Nia a sing u xusu unaba lok tatao amisix ia atla a nuunu saga ram, la loklok tarak i nunuan la i ruturun.

Sam 26:1

O Leeme Silok, una tong atkatla li rak do, nenia laradi sepsen, atla nia a nuunu saga mun taram la ak lok amisik levempanga ik mokso.

Sam 26:11

Ketla nenia, ak lok amisik leveloklok ik mokso, una belemumu ia la una lox asepsu ia basinge di!

Sam 41:12

Unaba lok tooro ia, atla nia ak lok amisik levempanga ik mokso; unabat kis esogo eburu minia at levenaleng axap i tu melamgo.

Sam 43:1

O Moroa, una tong atkatla li rak do nia ap sepse, la una ru at lenep tarak tinedi limixin dixo nuunu ram. Una lox asepsu ia basinge limixin kaxarang la limixin kapmek.

Sam 78:72

Devit gak lok tatao nedi la goxo reven kepe tepentaba la neni gam gomgonga nedi mi lodoxoma avukat teren.

Sam 82:1

Moroa it kis silok keneng at lixitkis buru roxun at laxalibet; neni i sevut li levendoxoma avit keneng at lixitkis buru at leven moroa; mo levelinga ren i lok keretna,

Sam 9:8

Ni im gomgonga lavatbung menemen mi lavapaase mokmokso, la mi lodoxoma mokmokso i viila mumu loklok at limixin boro at larabung mixin.

Sam 96:13

at loxonaleng Leeme Silok na vot kusu rim gomgonga lavatbung menemen. Neni nabam gomgonga limixin at lavatbung menemen mi lodoxoma mokmokso la levelinga ruturun.

Sam 98:9

atla i vot kusu nam gomgonga lavatbung menemen. Neni nabam gomgonga limixin at lavatbung menemen mi lodoxoma mokmokso la levelinga ruturun.

Leven Gugu 17:31

Mila neni ira lok katling pam lara laaleng neni naba lok li limixin axap at lavapaase, la lavapaase ren nabak mokso aleng; la ni ga soxolik ka vam lara laradi xusu na ronga linga at laaleng ete. Ni ga lox asuvos pam mo laradi ri limixin axap mi loklok katling keretna, ni ga lox aroo amlong i basinge lanmet.”

2 Korin 1:12

Nema ma lok momo aleng, mila lodoxoma nunuan atnema i lox ase nema do, loklok atnema at na lavatbung menemen ngan maga ebibinat ka minemi, ga lok nunuan mene nga la kopmen taxakapmek teren ngan ne Moroa ga lok tooro nama min. Kuren mun maga mumu asu letaba nabalamu at ne Moroa la kopmen do at lakleklen maut at laradi at na laxangka.

1 Tesalonia 2:10

Miga reven loklok atnama, la ne Moroa bok ga reven i, dola luruptuvuk atnama gak mokso la ga lox avukat aleng kantubu atnemi limixin nuunu la goxopmen taxakapmek gak lok atnama.