Sam 7:1 - Madak

¹ O Leeme Silok, nu ne Moroa rak; ana a vot saparav u kusu una lok see rak; una lok tooro ia la una lox asepsu box ia basinge nedi di xala mu rak.

Sam 7:1 Iomraidhean Croise

Sam 11:1

Nia a nuunu saga at Leeme Silok, ni laradi xumkubak pe ria. Kuren la a noxo ronga res at limixin tangtangku di tong i ria dola, “Una rava oo ngan lapka uto vana at lempatkaana,

Sam 13:3

O Leeme Silok; nu ne Moroa rak. Doma su rak. Una ronga lising tarak. Una raba amlong ia mi lolos tarak; la nemen uta ke xepe ia xusu ana met.

Sam 13:5

Ketla a nuunu saga ram, atla labalamu lexen taram tia naba nemen amisik. Anaba momo dola una lox asepsu box ia basinge lavamunepen tarak.

Sam 18:2

Leeme Silok ik lok see rak basinge lavamunepen; neni Loogu Matmatkun tarak. Moroa rak, neni Lurutu See Pe rak, la keneng mun teren nia a nemen matmatkun. I tupe ia ngan lavatban; i tu tooro ia, la i kubak pe ia basinge lavamunepen tarak.

Sam 18:28

O Leeme Silok, um taba ia mi laxasep; la uk lok kepe ia basinge loklok at lamain.

Sam 25:2

O Moroa rak, a nuunu mene ram. Una lok tooro ia kusu ana sak tup mi limixin munepen minia la nia anoxo ruuna ka lainmangan at leesep. Nemen uta ke xepe di xusu dina sev asubu ia la dina lox aksaksa ria.

Sam 26:1

O Leeme Silok, una tong atkatla li rak do, nenia laradi sepsen, atla nia a nuunu saga mun taram la ak lok amisik levempanga ik mokso.

Sam 3:7

Ude u, Leeme Silok! Lox aroo ia, Moroa rak! Unaba lox i atla uk lox asongot limixin munepen minia, la uk lok kepe lolos basinge di kusu di noxo lox asongor ia.

Sam 30:12

Kuren la nia noxo vamngus, anak pixan emi asu minu. Leeme Silok, nenu ne Moroa rak. Anaba tong avukat amisik tu.

Sam 30:2

O Leeme Silok, nia agang teng saparav u ri loklok tooro; nenu ne Moroa rak, la uga lox aroo ia basinge lanmeres.

Sam 31:15

Nia a nemen amisik keneng at loklok tatao ram, una lox asepsu ia basinge limixin munepen minia, la basinge bok nedi di lox asongor ia.

Sam 32:10

Limixin kakapmek dinaba ekip tangarang mi laxasongsongot, ketla nedi di nuunu saga at Leeme Silok, di nemen ma xeneng at loxokok at labalamu lexen teren.

Sam 43:4

Melemu nia anabat pas uto at loxonin laplavang taram, O Moroa. Nenu mun lavasuun at lomomo rak. Nia anabak pixan eburu mi ligita ti emi asu minu. O Moroa, Moroa rak.

Sam 89:26

La neni naba vaase ria xeretna, “Nenu ne Tamak la ne Moroa rak. Nenu Lurutu See Pe rak la Laradi Loklox Arooro rak.”

1 Pita 1:21

La at na mun langas neni ga lox i la nemi mira nuunu at ne Moroa, no ga lox arooro amlong i at lanmet la ga raba box i mi laasen silok; kuren la lunuunu atnemi la levendoxoma voovo atnemi i tu rinotno at ne Moroa.

1 Pita 4:19

Kuren la nedi dik lok kaka losongsongot mila dik lok mu asu lavavara at ne Moroa, dina tu lolos at leveloklok nunuan, la lunuunu atnedi na tu tuxuruxun at ne Moroa, laradi runtudum li, la neni kopmen na domampe laxakaape ren.