Sam 67:7 - Madak

⁷ Moroa ira lox anarong pam dik, la naba lox avukat do limixin at levengkot axap dina xip aurut laasen teren.

Sam 67:7 Iomraidhean Croise

Sam 22:27

Limixin boro at larabung mixin axap dinabam domasu amisik at Leeme Silok. Boro at lengkot axap at lavatbung menemen, dinaba repukus taba i, la levenasen bantuxu axap dinaba lotu saparav i.

Sam 29:11

Leeme Silok im taba lolos limixin teren la ik lox anarong nedi mi limila.

Sam 33:8

Limixin at lavatkangka axap, mina lok ngangao aleng at Leeme Silok! Nemi axap limixin at lavatbung menemen mina xis tintiding saparav i.

Sam 65:5

Ung tonga res atnama mo do um taba nema mi lolos ti sak tup mi limixin munepen minema. La uk lok bok levempanga nunuan ti lox asepsu nema. Limixin at levengkot axap at na lavatbung menemen la at levenep tas paxalom bok di nuunu saga ram.

Sam 72:17

Limixin di noxo domampe laasen at loorong at levenaleng axap i tu melamgo; la keke mo lakleklen at limixin mumu i naba nemen amisik ngan laxangking. La limixin at laranep silok bok dinaba ngising ne Moroa ri lox anarong nedi ngan ni gara lox anarong pam loorong.

Sam 98:3

Neni ga lox epovo laxakaape ren ti limixin me Israel la i ruturun amisik tidi la ik lox asuusu labalamu lexen tidi. Limixin axap at lengkot axap digara ven pam ne Moroa atnedi ga sak tup mi lavamunepen teren.

Leven Gugu 13:26

Luvutnetak mi luvurinuk. Ana tong na levelinga rinemi. Moroa ga riki ne Iesu ri livipisik li at ne Abaram, la tinemi bok kopmen me Judaia mi nemen de mo mi lotu saparap ne Moroa. Ni ga raba nedik mi na Lagale Lavavang ti lorooro avolo!

Leven Gugu 13:47

I lok ngan levelinga at ne Moroa ga raba dik min. I lok keretna; ‘La nia ara soxolik ka vam nimi, kusu nemi miba lok ngan laxasep la miba tong asu levelinga rak tinedi limixin kopmen di me Judaia, la miba lok ngan langas ti lorooro ri limixin to at lengkot axap at na lavatbung menemen.” Ais 49:6

Leven Gugu 2:28

Ugara lox ase vam ia mi langas ti nom lorooro ruturun. Nenu uba suxa umsu ia mi lomomo, mila nenu uk lox eburu minia.” Sam 16:8-11

Galesia 3:14

Ne Karisito ga un ka amlong nama kusu no loklox anarong ne Moroa ga xaape min ti ne Abaram naba volo bok ti limixin kopmen di me Judaia. Ne Iesu Karisito ga lox epovo i na rinama, kusu mumu mun lunuunu atnama maba ruuna xaka Loroonan no ne Moroa ga xaape min.

Galesia 3:9

Ne Abaram ga nuunu, kuren la neni ga lok ka loklox anarong, la nedi di nuunu, dinaba lok kaka bok loklox anarong ngan i.

Lisilimet 15:4

Leeme Silok. Limixin axap dinaba lok ngangao ram la di naba emi asu mi laasen taram, mila nenu xusuk mun u melemelengan. Limixin axap at na lavatbung menemen dinaba vosiga u la dinaba lotu parav u, mila levendomdoma mokmokso ram ga ravasu at lasaxaven.” Sam 111:2; 145:7; Jer 10:7 Sam 86:9