Sam 67:4 - Madak

⁴ Naba lox avukat do limixin at levenep silok axap dina sosoro la dinak pixan mi lomomo, atla nu u viila mumu loklok at limixin mi lodoxoma mokmokso la levelinga ruturun, la um gomgonga limixin at levenep silok at lavatbung menemen.

Sam 67:4 Iomraidhean Croise

Sam 2:8

Una sing ia, la nia anaba raba u mi larabung mixin axap; unaba ruuna ka axap lavatbung menemen.

Sam 82:6

La nia aga lok bok tidi, “Nemi lavanat moroa; la nemi axap luvutnitna Leeme Avolo.

Sam 9:8

Ni im gomgonga lavatbung menemen mi lavapaase mokmokso, la mi lodoxoma mokmokso i viila mumu loklok at limixin boro at larabung mixin.

Sam 96:10

Mina paase i ri larabung mixin axap do, Leeme Silok, neni Loroong Silok!” Lavatbung menemen it kis tuxuruxun to at loxot teren la teta noxo vuk gili i. Neni naba ila mumu limixin mi lodoxoma mokmokso.

Sam 98:9

atla i vot kusu nam gomgonga lavatbung menemen. Neni nabam gomgonga limixin at lavatbung menemen mi lodoxoma mokmokso la levelinga ruturun.

Leven Gugu 17:31

Mila neni ira lok katling pam lara laaleng neni naba lok li limixin axap at lavapaase, la lavapaase ren nabak mokso aleng; la ni ga soxolik ka vam lara laradi xusu na ronga linga at laaleng ete. Ni ga lox asuvos pam mo laradi ri limixin axap mi loklok katling keretna, ni ga lox aroo amlong i basinge lanmet.”

Lovoang At Ne Pol Ti Limixin Nunu to Rom 2:5

Ketla levendoxoma atnemi i rebonot la mi xopara na leeng; kuren la mi lox asilok nom loklox asongot tinemi ap mo laaleng ne Moroa naba ila mumu loklok at limixin la na lox asu lebelemamao ren ti lasaxaven.

Galesia 4:27

i ngan Lovoang Kaala i vaase xeretna, “Nenu latkin uxo ruuna laxamdak, una momo. La nenu latkin ua u xovisi una suma losongsongot ngan lavakin dim suma i at loxonaleng di pisik laxamdak, unap kup la una momo mi lososoro. La latkin latlok teren ga on basinge i, neni naba ruuna taxannitna solo polo mo lara ua latlok teren kopmen na vonon basinge i.” Ais 54:1