Sam 6:10 - Madak

¹⁰ Limixin munepen minia dinaba ekip tangarang mi lainmangan la langsangan lumumuat atla Leeme Silok naba sak tup midi. Soso mun dinaba lok tangtangku la ni naba xala oo di.

Sam 6:10 Iomraidhean Croise

Sam 112:10

La limixin kapmek diba ven i la dina musak, la dinabak milik angtungun tin; ketla levenasen silok atdi ba si aleng tino la mo levendoxoma agagas atdi kopmen noxo soorun.

Sam 132:18

Anaba sak pava lavamunepen teren mi lainmangan, ketla limixin at lixitkis orong teren dinaba ngasang kobot la dinap novos.”

Sam 2:5

La melemu neni i belengatngas tinotno, la i paase sok di la lumukmusak silok teren ing long amarat aleng tinotno di.

Sam 25:3

Limixin di nuunu saga ram, lavamunepen atdi noxo epovo na sak tup minedi, ketla nedi mene ding tonga viribang at levelinga ram, dinaba subu at leesep.

Sam 35:26

Nedi nom di lok momo at levenmumuat i vot saparav ia, una lox ekarakat levelinga atdi la una lox amangan di; nedi nom di lok do dik mokso polo ia, una lox abaava di la una lox amangan di.

Sam 5:10

O Moroa, una vaase asi di la una lox asongot di; naba lox avukat do mo leveloklok kakapmek atnedi naba lox asuusu levenmumuat silok tidi. Una xala xepe di basinge u, mumu loklok kakapmek mi lorongtonga xepe atnedi saparav u.

Sam 55:20

Mo laradi nia aga vemu min, ga esep eburu mi larapentangas teren, ga los polo levengkakaape ren.

Sam 7:6

O Leeme Silok, una lox asuusu lebelemumu ram. Una beleku kaxat, la una tu pe lumukmusak silok at limixin munepen minia, la una lok tooro ia. Nenu u vavara mene limixin dina rooro mokmokso.

Sam 71:13

Una sak tup midi, la una sele utut nedi ua di lok do dina sev ia. La keke nedi di lok do dina lox asongor ia, dina mangan la dina baava.

Sam 71:24

At levenaleng axap anaba paase asu loklok manmanton taram, atla ugara sev asi vam nedi ua diga vara i do dina lok kapmex ia; uga sak tup midi la nanga dira baava.

Sam 73:19

Di naba pubeles soso mun at lesoxoreles; la laxavaxap atnedi, dinabap tava si rinotno uto xopok at loxot pis.

Sam 86:17

Leeme Silok, una lox asuusu mo luvukat taram tia, kusu nedi ua dingolong angtungun tia, dinaba mangan at loxonaleng dina ven i do ura lox aratao xaka ia la ura lok tooro ia.

1 Tesalonia 5:3

Dola limixin dina lok keretna, “Limila ik lok at na lavatbung menemen; lanmarat kopmen nak lok de,” losongsongot silok ba vot saparap limixin at na lavatbung menemen. Mo laaleng naba rupot soso mun; naba lok ngan mo losongsongot it pot at latkin i suma lamdak. La kopmen tara noxo epovo na sixiro basinge i.