Sam 57:4 - Madak

⁴ Nia ak lok kantubu at limixin munepen minia di lok ngan lubung laion; di lok gagas kusu dina sev amet limixin la dina anan di. Leven gisangsa atnedi i anan ngan ta lempatsoosoo, la leven gam atnedi i anan ngan ta lemparise esep.

Sam 57:4 Iomraidhean Croise

Sam 10:9

la neni it kis alipe ro at loxot kukuxut teren ngan lavat laion. Ik midi tangais limixin banbalo, la im tebeng alis kaka di at lelixo ren, la i sasat pes kaka di;

Sam 35:17

Leeme Silok. Kereva ura reven kepe amisik di? Una lox asepsu ia basinge leveloklok asongot atdi. Lox asepsu ia basinge na lubung laion!

Sam 43:3

Una lox asuusu laxasep taram eburu mi levelinga ruturun tia; dunam gomgonga ia la duna lam ka amlong ia uto Saion, lakaana xaala ram, la uto bok at loogu laplavang taram nenu u nemen teren.

Sam 52:2

U gagas li leventaangas ti lok kapmek leventaba vetpes; levelinga ram ing sengsen ngan loxonise. Nenu u puse ngas amisik ti xaxarang.

Sam 55:21

Levelinga ren ga nunuan aleng, ketla longlong angtungun ga umsu at lebelen, levelinga ren gang sengsen ngan lavarise sepsep.

Sam 58:6

O Moroa, una sak pirivit kepe leven gisangsa atnedi di lok ngan lubung laion.

Sam 59:7

Una ronga ba lavapaase aksaksa la levelinga xikiilu atdi. Leven gam atnedi i lok ngan lemparise esep keneng at levenngusno atnedi; ketla dim doma i do ne Moroa kopmen nang tonga di.”

Sam 64:3

Levelinga atnedi ip sep ngan ta lemparise sepsep ing sengsen, la levelinga xakapmek atnedi ik sixit mokmokso ngan levesoosoo.

Jems 3:6

La lagam i lok ngan mo laxao. Ni i ngan lavanga xapmek ti lengkot axap at labantuxu, la ik lox axatu kaxat leveloklok kakapmek at labantuxu, la ik lox axatu kaxat bok leveloklok i bilingot at lorooro axap at laradi. La laxao xerepmo ip tavasu at lemenemen songsongot.

Lisilimet 19:15

Lavarise sengsen i sixisu boro at lungusno ren kusu ri sak tup minedi limixin at levennep silok. La neni naba lok tatao di ngan lamgomgo atnedi, la loklok tatao ren ba lolos aleng. Neni naba lox asuusu lebelemamao silok at ne Moroa i lolos aleng.