Sam 57:1 - Madak

¹ O Moroa, una belemumu ia. Una lox asuusu lebelemumu ria, atla nia a vot pasa u xusu una kubak pe ia. Una kox avukar ia maxopok at lamamau at luvapa ram. Una lok ngan lavatban tia, se at nom laaleng na levenmumuat axap na on basinge ia.

Sam 57:1 Iomraidhean Croise

Sam 125:1

Nedi di nuunu saga at Leeme Silok, di lok ngan Lakaana Saion ua ixo epovo do tara nakma asubu i, ketla naba tu atmatkun lexen tino.

Sam 13:5

Ketla a nuunu saga ram, atla labalamu lexen taram tia naba nemen amisik. Anaba momo dola una lox asepsu box ia basinge lavamunepen tarak.

Sam 142:1

Nenia a ro ke at Leeme Silok ti loklok tooro ren; la a sing lolos tinotno i.

Sam 2:12

Minat kis tintiding to melamgo ren; naba lok kapmek do ni na musak la soso mun nemi axap mina uu. Nedi axap dik sixit uto saparap ne Moroa kusu ne Moroa na lok see atdi, dinaba momo.

Sam 36:7

O Moroa, labalamu lexen taram i lox avukat tinotno! Ma ven kaka loxokok taram tinema maxopok at luvapa ram.

Sam 56:1

O Moroa, una belemumu ia, atla nia na a nemen at leesep; limixin munepen minia dik lox asongot amisix ia.

Sam 58:1

Nemi luvuttadi amgomgo, kereva, mi lox akmokso levelinga at limixin mi loklok i nunuan? Kereva, mi ronga avukat levelinga atnedi la mi tu xantubu?

Sam 59:1

O Moroa, nenu ne Moroa rak. Una lox asepsu ia basinge limixin di munepen minia; una rupe ia at mo limixin di lok do na sep amer ia.

Sam 61:4

Una ke avolo ia kusu ana nemen amisik to at loogu kaala ram at lorooro axap tarak. Una kubak pe ia maxopok at luvapa ram, kusu ana nemen matmatkun.

Sam 63:7

atla nenu uga lok tooro amisix ia, kuren la nia ak pixan mi lomomo ro maxopok at luvapa ram.

Sam 75:1

O Moroa, ma tong avukat tu, ma tong avukat tu! Ma tong aonon lisisilok taram atla u silok aleng, la ma tong aonon bok levempanga avukat ugara lok pam i.

Sam 9:10

Leeme Silok, nedi dikleklen u, dinaba nuunu saga ram. La uxo raba arulu tara do lebelen i ngaongao ru.

Sam 91:1

Nege di do dit kis sogo at Leeme Silok, dik lox asepsu at levenaniu, la nedi do dik lok maxopok at loklox aratao at Lanaraavuk,

Sam 91:4

Neni naba kok nimi mi luvapa ren; la minabak lox avukat keneng at loklok tatao ren; luruturun teren naba lok tatao la na tu banpe nimi.

Sam 91:9

Mira siam ka vam Leeme Silok i ngan Lentupe rinimi. Mo Leeme Avolo i ngan Lurutu See Pe rinimi;

Metiu 24:22

La mo levenaleng ti mo levenmumuat do ne Moroa noxo lox atmur i, kopmen teta naba roo suu; ketla ne Moroa naba lox asuusu labalamu ren ti mo limixin neni gara soxolik ka vam di, la ni naba lox atmut mo levenaleng.

Lagale Lavavang At Ne Iesu Karisito Luk Ga Malagan i 13:34

La ne Iesu ga bulu aleng la ga lok, “Limixin me Jerusalem. Lavalabat atnimi digap sev amet lavaeme vapaase alii, la diga lulu vat nedi limixin papaase asu levelinga, ne Moroa ga riki nedi ude. Buaang levenaleng a lok do ana kok nemi mi lukngak, i ngan lavatpalak kaxak i kok laxannatnat kaxak teren, ketla mixo siam ka ia.

Lagale Lavavang At Ne Iesu Karisito Jon Ga Malagan I 16:20

A tong tuturun i rinimi do, mibang teng la mina saxaanu. Ketla limixin at na lavatbung menemen diba momo; miba bulu, ketla lainbulu atnimi naba rem gili ri lomomo.

Lisilimet 21:4

Neni naba ves kepe lengkabili dan basinge lengkatli atnedi. La limixin kopmen di noxo met bok ba, la di noxo saxaanu bok ba kopla dinang teng la di noxo songot bok ba; mila lavatkangka avot ga sonao vam eburu mi lempanga axap gak lok keneng teren.”

Lisilimet 7:14

La aga lok tin keretna, “Leeme Silok. Axoklen i, nenu uklen i.” La ni ga lok tia, “Nedi na limixin digap tavasu basinge levenmaares lolos; la dira gos pam levesingsigaara atdi mi lada at Lanasip la dira lox anbun axap pam i.