Sam 44:3 - Madak

³ Lubungmixin taram di goxo ruuna xaka nom lenep kangka at teesep. Kopmen di goxo ruuna xaka box i mi lolos atnedi. Diga ruuna ka i mi lolos mun taram, la digaklen i do uga nemen eburu minedi; nom i ga lox asuusu i do uga balamu di.

Sam 44:3 Iomraidhean Croise

Sam 111:6

Neni ira vaxase vam limixin teren mi lolos at leven gugu ren; la ga raba nedi limixin teren mi laxangka at levenabung mixin petpes.

Sam 17:7

Una lox asuusu nom labalamu avukat taram la una lox asepsu ia; nia at kis esogo minu la kopmen nia ana marat at limixin munepen minia.

Sam 20:6

Na nia aklen i do Leeme Silok im taba lolos ti loorong soksoxolik teren kusu ri sak tup mi limixin munepen min; neni i paase porang levelinga ro at loxot melemelengan teren keneng at lebelen laxalibet at ne Moroa. At lolos axa ren neni im taba i mi lolos avolo aleng ti sev asi limixin munepen.

Sam 4:6

Buaang nedi di ngising keretna: “O Leeme Silok, una raba nema mi laxaloklok anarong solo. Una lox asuusu amisik lebelemulus tinama.

Sam 42:11

Tila nia ak bulu amisik? Tila nia am doma saasa? Nia anam doma ngangais ti ne Moroa, kusu anaba emi asu amu bok min, ni Laradi Loklok Arooro rak la ne Moroa rak.

Sam 42:5

Tila nia ak bulu amisik? Tila nia am doma saasa? Nia anam doma ngangais ti ne Moroa, kusu anaba emi asu amu bok min, ni Laradi Loklok Arooro la ne Moroa rak.

Sam 74:11

Ua lavasuun teren la u ronga xepe ri lok tooro nema? Tila ba uk lok li lukngam to melemu ram?

Sam 77:15

La mumu mun mo lolos taram, uga lox epovo i xusu una lox asepmus limixin taram, nedi livipisik li at ne Jakop la at ne Josep.

Sam 78:55

Neni ga saksu mi limixin mego at levenaleng limixin teren diga pubeles; la ga vesinga laxangka atnedi xantubu at levenabung mixin me Israel, la gam taba limixin teren mi laramenemen atnedi limixin mego.

Sam 80:16

Lavamunepen atnema digara ra koxorop asi vam i la digara song arup laxao ren; una sep di mi lebelemamao ram la una sev amet asonao rino di!

Sam 80:9

Uga lox axasep lenep tin kusu rin ti suusu; la levenixe ren ga si rinotno uto xopok tubu, la levenoos teren gat las to mavana ap mo lenep kangka axap.

2 Korin 4:7

Ketla nedik di ruuna nom lakleklen i ngan lapnovos silok keneng at labantuxu gamasa atdik ti lox asuusu i do mo langsangan lololos, ni at ne Moroa mun la kopmen atdik.