Sam 4:1 - Madak

¹ O Moroa, nenu lentupe rak! Una vaase porang ia do ana sing u. Dola nia aga ekip tangarang mi levenmumuat, nenu ga lok tooro ia. Mo nga una lox asuusu lebelemumu ram tia la una ronga lising tarak.

Sam 4:1 Iomraidhean Croise

Sam 11:7

Loklok at Leeme Silok in manton la i vara mun leven gugu nunuan; nege ik lok lempanga avukat nabat kis esogo eburu min to at lemenemen teren.

Sam 116:16

O Leeme Silok, nenia laradi gugu ram. Nenia anaba lok lugugu ram kerekngan ne naga ga lok lugugu ram. Ugara lox asepsu vam ia basinge lanmet.

Sam 116:6

Leeme Silok ik lok tatao nunuan nedi kopmen tevelolos atdi; at laaleng nenia aga ekip tangarang mi laniu, neni ga lox asepsu ia.

Sam 119:132

Una repukus mu ia la una belemumu ia, kerekngan pam uk lox i rinedi axap di vavara aleng u.

Sam 143:2

Nenia lasaxaruki ram, kuren la uguta lok li ia at loklok tongpen; atla kopmen teta ip sepsen at lamaram.

Sam 17:6

O Moroa, a sing saparav u atla uk lok epovo levesing tarak; una xa roolong tia la una ronga levelinga rak.

Sam 22:1

Moroa rak, Moroa rak, tila u raba arulu ia? Arang teng pupuse aleng ri loklok tooro ram, ketla uxo lok tooro ia.

Sam 24:5

Leeme Silok naba lox anarong di. Moroa ni Lunto atdi la naba tong atkatla li atdi do nedi limixin sepse.

Sam 25:16

O Leeme Silok, una doma amlong tia, la una belemumu ia, atla ak lok tuntun la kopmen tololos tarak.

Sam 31:8

Nenu nu goxo ke xepe limixin munepen minia, gita xoxo ka ia. Nu uga lok tooro ia la nia aga nemen avukat, la nia agat pas tangtagap at lavavara axa rak.

Sam 41:12

Unaba lok tooro ia, atla nia ak lok amisik levempanga ik mokso; unabat kis esogo eburu minia at levenaleng axap i tu melamgo.

Sam 42:1

Nia ang kongkat mu u, O Moroa. kerekngan lavanga mi lavanuet kangkedek (deer) i minu aleng la ik sixit pupuse dan mumudut ti inin.

Sam 45:1

Levelinga nunuan i umsu at lodoxoma rak, la nia ara rivit na loxompixan ti loorong at leme Israel, nenia a gagas ti tong asu i ngan laradi akleklen ti malagan avukat mo i gagas lavanga mamalagan teren.

Sam 56:1

O Moroa, una belemumu ia, atla nia na a nemen at leesep; limixin munepen minia dik lox asongot amisix ia.

Sam 57:1

O Moroa, una belemumu ia. Una lox asuusu lebelemumu ria, atla nia a vot pasa u xusu una kubak pe ia. Una kox avukar ia maxopok at lamamau at luvapa ram. Una lok ngan lavatban tia, se at nom laaleng na levenmumuat axap na on basinge ia.

Sam 6:1

O Leeme Silok, nemen uta musak la uta vaase sox ia. Nemen uta lox asongor ia keneng mun at lebelemamao ram.

Sam 67:1

Moroa, una belemumu nema la una lox anarong bok nema; una lox asuusu labalamu ram tinema,

Sam 76:1

Limixin to Juda dikleklen ne Moroa; la dik lok ngangao aleng at laasen teren to Israel.

1 Korin 1:30

Ketla ne Moroa gara lok ka vam nimi ri lixitkis etangas eburu mi ne Iesu Karisito la ne Moroa ga lok katling pam ne Karisito ngan laxasep tidik; keneng mun at ne Iesu Karisito, ne Moroa ga vaxaxis buru dik min, la ga lok dik ngan limixin dadat teren, la gara lox asepmus nedik basinge laxakapmek atdik.

2 Korin 1:10

Neni ga ranga asepsu nama basinge mo langas ti lanmet la neni nabak lox amisik box i. La ma lok li lodoxoma voovo mavana ren do neni mo nabang tanga axatu bok nama at levenmumuat i nemen tangais nama at na levenaleng i tu umelamgo atnama.

2 Korin 1:8

Luvutnetak mi luvurinuk. Ma vara i xusu mina xasep ti levenmumuat maga ekip tangarang min to Asia. Mo levenmumuat maga xip tutu min ga silok aleng la ga mumuat aleng, la ma lixilik maga lok do mana doma abulubun ta at lorooro atnama.