Sam 32:6 - Madak

⁶ Kuren la i lox avukat do limixin tuturun taram dinaba sing saparav u at levenaleng at levenmumuat; dola langsangan lekarakat i rava beles mu nedi ngan ladanut, kopmen noxo lox abaava di.

Sam 32:6 Iomraidhean Croise

Sam 144:7

Una song asi boro vana, la una sat asu ka ia boro xeneng tubu at lamaxat dan, la una lok li asepsu ia; una lox aroo su ia basinge lolos at limixin me xadiong,

Sam 4:3

Ketla mina xasep do Leeme Silok ira soxolik ka vam limixin mokmokso kusu tin, la ing tonga ia do a toro rin.

Sam 40:3

Ga lox ase ia rik pixan loxompixan maxat, loxompixan emi asu ri ne Moroa atnedik. Buaang nedi limixin dinaba ven kibis lolos teren, dina sangu aleng la dina ii doxoma la dinaba nuunu saga at Leeme Silok.

Sam 91:7

Tegesa abin sangaun kobot giba met mun go saparap nimi, la legesa sangaun larabin sangaun kobot go xangkan nimi, ketla dixo epovo ba ri lok kapmek tekot atnimi.

Lagale Lavavang At Ne Iesu Karisito Jon Ga Malagan I 7:34

Miba reven tia, ketla minoxo vuse ka ia, mila lenep nia ana nemen teren, nemi mixo epovo do minat pas uve.”

2 Korin 1:4

Neni xusuk mun i lox amenemen nama at levenmumuat it pot parap nama, kusu nema bok maba epovo xusu mana lox amenemen nedi di ruuna levenmumuat kerepmo mi na lavapaase amenemen, nema maga ruuna ka i boro at ne Moroa.

2 Korin 6:2

Mina ronga na levelinga ne Moroa ga tong i. “Aga ronga nemi at loxonaleng mokmokso kusu ana lox asuusu letaba nabalamu rak. Aga lok tooro nimi at laaleng ti lox arooro.” Ais 49:8 Mina ronga i na. Ana ni laaleng kusu mina siam ka mo letaba nabalamu at ne Moroa. Ana ni laaleng kusu miba lok ka loklox arooro.

1 Timoti 1:16

Ketla ni lavasuun mun teren la ne Moroa ga lox asuusu lebelemumu ren tia, kusu ne Iesu Karisito na ngangais aleng tia ri leeng basinge leveloklok kakapmek tarak, keke i do nenia laradi a lok kapmek aleng ti limixin axap. La nai loklok at ne Iesu Karisito, ni lampoovo rinedi limixin axap diba nuunu ren la dina lok ka lorooro avolo.

Taitas 2:12

Kuren la ata ke xepe leveloklok kakapmek keretna; dina ke xepe lorooro xapmek; nemen dik ta puse lolos ti levempanga at na lavatbung menemen; nemen dik gutak lok tangtangku, ketla lorooro atdik na dadat; la ata lok mo levempanga ne Moroa i vara i at na lavatbung menemen kopok.