Sam 3:3 - Madak

³ Ketla nenu, Leeme Silok, amisik nenu lavatban tia at levenaniu. Nenu mene u raba ia mi lolos ti sak tup mi limixin dit kis munepen minia. La nenu mun u lox alolos ia ngan laabelemes.

Sam 3:3 Iomraidhean Croise

Sam 110:7

Loorong naba in dan to at ladan sen saparap langas ti lox alolos amu i; kuren la neni naba sak tup mi lavamunepen axap teren.

Sam 119:114

Nenu Lentupe la Lurutu See Pe rak, a nuunu saga at levelinga ram.

Sam 18:2

Leeme Silok ik lok see rak basinge lavamunepen; neni Loogu Matmatkun tarak. Moroa rak, neni Lurutu See Pe rak, la keneng mun teren nia a nemen matmatkun. I tupe ia ngan lavatban; i tu tooro ia, la i kubak pe ia basinge lavamunepen tarak.

Sam 27:6

La kerepmo anaba sak tup mi limixin munepen minia do dina ru xangkan ia. Anabaplavang saparav Leeme Silok mi luxupkup momo ro xeneng at loogu laplavang teren. Anabak pixan, la ana emi asu min.

Sam 28:7

Leeme Silok i kok nunuan ia, la i lok ngan lavatban tia. Labalak it kis saga ren, neni im taba ia mi loklok tooro, la ik lox amomo box ia. A tong avukat tin mi livikpixan momo.

Sam 4:3

Ketla mina xasep do Leeme Silok ira soxolik ka vam limixin mokmokso kusu tin, la ing tonga ia do a toro rin.

Sam 62:7

Nia a nuunu saga mun at ne Moroa, atla ik lox asepsu ia la i lox asilox ia; neni i ruuna lolos ngan Lurutu See Pe rak; neni i lok ngan Loogu Matmatkun i kubak pe ia.

Sam 84:11

Leeme Silok neni Lurutu See Pe atnedik la ni Loorong Silok i ruuna lisisinang, la ik lox anarong dik mi lebelemumu la ik lox asilok dik kusu limixin dina lok ngangao atnedik. Neni ixom tebeng alis lempanga avukat basinge nedi dik lok luvukat.

Lagale Lavavang At Ne Iesu Karisito Luk Ga Malagan i 2:32

i ngan laxasep kusu naba lox axasep langas taram ti limixin kopmen di me Judaia, la na raba lisinorong ti limixin taram boro Israel.”

Lisilimet 21:11

La mo lemenemen gan tanan aleng mi lisisixam at ne Moroa. Mo lemenemen ga soosoo aleng ngan lengkonuat gamgames, luunun teren i urut aleng, i ngan jespa, i gamgames la i xasep aleng.

Lisilimet 21:23

La mo lemenemen silok ixok pakes ti laxangking mi lagaaling kusu duna soosoo axasev i. Lisisixam at ne Moroa im taba amisik losoosoo at levenaleng axap, la Lanasip ni lababao ren.