Sam 27:9 - Madak

⁹ Kuren la nemen gat uta lipe rak! Nemen uta belemamao ia; nemen uta musak kepe ia lasaxaruki ram, atla nenu loklok tooro rak. Nemen uta on basinge ia! Nemen ut ta ke aseeve ia atla nenu ne Moroa, laradi loklok arooro rak.

Sam 27:9 Iomraidhean Croise

Sam 102:2

Uguta raba arulu ia at loxonaleng ak lok at lumumuat. Una ronga res tarak la una lox epovo soso levesingising tarak!

Sam 102:3

Lorooro rak na i sonao ngan lusuxa; la lanmet tarak i anan labantuxu rak ngan laxao.

Sam 119:121

Ara lok pam lempanga ik mokso la i nunuan, kuren la nemen uta ke avolo ia ri lavamunepen tarak.

Sam 13:1

O Leeme Silok, ningisa bok ba unaba doma su rak? Kereva, u domampe rino nga ia? Tila rinotno la ulupe lamaram basinge ia?

Sam 143:7

Leeme Silok, una ronga res tarak! Nia ara doma abulubun tino. Uguta lok alipe u basinge ia, lavanga ana emu buru minedi ua di si uto xopok at lemenemen at labarongan.

Sam 24:5

Leeme Silok naba lox anarong di. Moroa ni Lunto atdi la naba tong atkatla li atdi do nedi limixin sepse.

Sam 44:24

Tila u lipe avolo nema? Nemen uta domampe levesongsongot mi levenmumuat atnema.

Sam 51:11

Nemen gat uta sok gingin kepe ia, la nia ana nemen paxalom basinge u; nemen bok uta lok kepe Loroonan Kaala ram basinge ia.

Sam 69:17

Uguta lipe axa u basinge ia lasaxaruki ram; nia na ak lok at langsangan lumumuat, la una ronga res tarak!

Sam 69:18

Una vot parav ia la una lox asepsu ia; una lox asepmus ia basinge lavamunepen tarak.

Sam 88:1

Leeme Silok ne Moroa, nu laradi loklox arooro rak, ang teng tu at levenaleng kangking la at lengkanimin at pas parav u mi lisingising.

Ibru 13:5

Mina ke xepe loklok ti vavara solo levempilas la mina lok momo mi mo levempanga mi ruuna i, mila ne Moroa ga lok keretna, “Nia noxo on basinge rinotno nimi la loklok tatao rak kopmen tinotno noxo xap.” Len 31:6