Sam 27:5 - Madak

⁵ At levenaleng kakapmek neni naba lox alipe ia ro xeneng at loogu ren. Neni naba xubak pe ia ro xeneng at loogu laplavang, la ni naba vaxaxis aurut ia uto vana at langsangan luuat kis silok kusu anaba nemen matmatkun teren.

Sam 27:5 Iomraidhean Croise

Sam 10:1

Leeme Silok, tila ba u nemen paxalom basinge nama? Tila u lipe basinge nema, dola nema ma ekip tangarang mi lumumuat?

Sam 119:114

Nenu Lentupe la Lurutu See Pe rak, a nuunu saga at levelinga ram.

Sam 138:7

At levenaleng levenmumuat i tu kangkan ia, nenu uk lok tatao ia. Nenu up sep tangarang lavamunepen belemamao rak, la uk lox asepsu ia mi lolos taram.

Sam 17:8

Una lok tatao ia ngan uk lok tatao luxatli ram; una lipe ia at lamamau at luvapa ram,

Sam 18:33

Neni mun i su auru ia at lavatpas tarak ngan lavanga mi lavanuet kangkedek it pas matmatkun. Ik lok tatao box ia rovana at lempatkaana.

Sam 31:20

Uk lox alipe nedi maxopok at loklok tatao ram basinge lodoxoma alii at limixin kapmek la uk lox amaau di basinge levelinga aksaksa at limixin munepen minedi.

Sam 31:21

Leemi asu ri Leeme Silok! Ni ga lox asuusu nom labalamu nunuan teren tia at laaleng limixin munepen minia diga ru xangkan ia ri leesep!

Sam 40:2

Ni ga sar asu ka ia at lemeron kapmek, la ga sar asu xaka box ia at lububura. Ni ga vaxaru li avukar ia ro vana at luuat kis silok kusu anat pas avukat la anoxo marat at tempanga.

Sam 40:3

Ga lox ase ia rik pixan loxompixan maxat, loxompixan emi asu ri ne Moroa atnedik. Buaang nedi limixin dinaba ven kibis lolos teren, dina sangu aleng la dina ii doxoma la dinaba nuunu saga at Leeme Silok.

Sam 46:1

Moroa ni loogu matmatkun atnedik la lolos atnedik; i gagas amisik tik lok tooro dik at levenaleng nedik ta ekip tangaarang mi levenmumuat.

Sam 50:15

Naba lox avukat do mina ro ke rak mo do mina ekip tangarang mi levenmumuat, la anaba lox asepsu nemi, la minaba emi asu minia.”

Sam 57:1

O Moroa, una belemumu ia. Una lox asuusu lebelemumu ria, atla nia a vot pasa u xusu una kubak pe ia. Una kox avukar ia maxopok at lamamau at luvapa ram. Una lok ngan lavatban tia, se at nom laaleng na levenmumuat axap na on basinge ia.

Sam 61:2

Nia a bulu aleng la ak lok to vaxalom basinge lemenemen tarak, la a ngising tu. Una lok kaka ia uto at loxot loklox alipe,

Sam 61:3

atla nenu Lurutu See Pe rak; nenu u tu lolos pe ia at limixin munepen minia.

Sam 77:2

Angising ti Leeme Silok keneng at levenaleng at levenmumuat; la at levenaleng kanimin axap, angosong aurut mi lukngak keneng at levesingising tarak, ketla lodoxoma rak kopmen nat kis bus.

Sam 83:3

Di vetong li leven taangas alipe xusu dibak lox i ri limixin taram; dik lok leven taangas kusu ri sosolo arup nedi ua dik lok maxopok at loxokok taram.

Sam 91:1

Nege di do dit kis sogo at Leeme Silok, dik lox asepsu at levenaniu, la nedi do dik lok maxopok at loklox aratao at Lanaraavuk,

Sam 91:15

At loxonaleng dina ngising tia, anaba ronga res atnedi. Do dina ekip tangarang mi levenmumuat, anbak lok eburu midi kusu ri lok tooro di; anaba lox asepmus nedi basinge mo levenmumuatla ana xip aurut levenasen atdi.

Metiu 23:37

La ne Iesu ga bulu aleng la ga lok, “Nemi limixin me Jerusalem. Lavalabat atnimi digap sev amet lavaeme vapaase alii at ne Moroa la diga lu amet nedi ne Moroa ga riki di. Buaang levenaleng a lok do ana kok nimi mi lukngak, i ngan lavatpalak kaxak i kok laxan natnat kaxak teren, ketla mixo siam ka ia.

Kolosi 3:3

Mila lorooro maut atnimi gara met pam, la lorooro maxat atnemi i nemen avukat mi ne Karisito saparap ne Moroa.